ham to kahte haiñ mohabbat meñ mazā hai hī nahīñ

aap kahte haiñ to phir maan liyā jaatā hai

hum to kahte hain mohabbat mein maza hai hi nahin

aap kahte hain to phir man liya jata hai

pāgal vahshī tanhā tanhā ujḌā ujḌā dikhtā huuñ

kitne ā.īne badle haiñ maiñ vaise kā vaisā huuñ

pagal wahshi tanha tanha ujDa ujDa dikhta hun

kitne aaine badle hain main waise ka waisa hun

banātā huuñ maiñ tasavvur meñ us kā chehra magar

har ek baar na.ī kā.enāt bantī hai

banata hun main tasawwur mein us ka chehra magar

har ek bar nai kaenat banti hai

aaj phir ḳhud se ḳhafā huuñ to yahī kartā huuñ

aaj phir ḳhud se koī baat nahīñ kartā maiñ

aaj phir KHud se KHafa hun to yahi karta hun

aaj phir KHud se koi baat nahin karta main

merā piñjra khol diyā hai tum bhī ajiib shikārī ho

apne hī par kaaT liye haiñ maiñ bhī ajiib parinda huuñ

mera pinjra khol diya hai tum bhi ajib shikari ho

apne hi par kaT liye hain main bhi ajib parinda hun

aur bhaTkeñge to kuchh aur nayā dekheñge

ham to āvāra parinde haiñ hamārā kyā hai

aur bhaTkenge to kuchh aur naya dekhenge

hum to aawara parinde hain hamara kya hai

ab to maiñ aur bhī burā huuñ ki

ab ziyāda sudhar gayā huuñ maiñ

ab to main aur bhi bura hun ki

ab ziyaada sudhar gaya hun main

yuuñ apne aap ko barbād kartā hai koī

ai mere dil tū samajhdār hai nahīñ hai kyā

yun apne aap ko barbaad karta hai koi

ai mere dil tu samajhdar hai nahin hai kya

tum ne to aap hī pinjre ko khulā chhoḌ diyā

koī aise bhī parindoñ ko rihā kartā hai

tum ne to aap hi pinjre ko khula chhoD diya

koi aise bhi parindon ko riha karta hai

tujhe gale se lagā ke bhī dekhā jā.egā

abhī to mujh ko tirā intizār karnā hai

tujhe gale se laga ke bhi dekha jaega

abhi to mujh ko tera intizar karna hai

husn hotā hai kisī shai kā koī apnā hī

aur phir dekhne vaale kī nazar hotī hai

husn hota hai kisi shai ka koi apna hi

aur phir dekhne wale ki nazar hoti hai

ḳhuub mushkil hai par āsān liyā jaatā hai

kitnā halke meñ ye insān liyā jaatā hai

KHub mushkil hai par aasan liya jata hai

kitna halke mein ye insan liya jata hai

aap ne is ke fasāne hī sune hote haiñ

aur achānak ye balā aap ke sar hotī hai

aap ne is ke fasane hi sune hote hain

aur achanak ye bala aap ke sar hoti hai

mujh se kahte nahīñ bantā ki sitam kam kiije

phir na aisā ho kisī roz mirā ġham kiije

mujh se kahte nahin banta ki sitam kam kije

phir na aisa ho kisi roz mera gham kije