ḳhudā ke naam pe jis tarah log mar rahe haiñ

duā karo ki akelā ḳhudā na rah jaa.e

KHuda ke nam pe jis tarah log mar rahe hain

dua karo ki akela KHuda na rah jae

is baar madīne meñ hī dar aayā thā kuufa

is baar kiyā ham ne safar aur tarah kā

is bar madine mein hi dar aaya tha kufa

is bar kiya hum ne safar aur tarah ka

ham ko ḳhud meñ qiyām karnā thā

varna raste paḌe the qadmoñ meñ

hum ko KHud mein qiyam karna tha

warna raste paDe the qadmon mein

jangoñ meñ thī maiñ māl-e-ġhanīmat ke taur pe

mere liye kabhī mujhe bāñTā nahīñ gayā

jangon mein thi main mal-e-ghanimat ke taur pe

mere liye kabhi mujhe banTa nahin gaya

tū ik payāde ko shah-māt denā chāhtā hai

maiñ haar maan ga.ī apnī chaal rahne de

tu ek payaade ko shah-mat dena chahta hai

main haar man gai apni chaal rahne de

kuchh chāñdnī udaas thī kuchh dil bhī thā udaas

kal raat karb-e-zāt bhī had se sivā huā

kuchh chandni udas thi kuchh dil bhi tha udas

kal raat karb-e-zat bhi had se siwa hua

shahr-āshob meñ kirdār na.e haiñ lekin

ye kahānī hameñ pahle bhī sunā.ī ga.ī hai

shahr-ashob mein kirdar nae hain lekin

ye kahani hamein pahle bhi sunai gai hai

is baar huā kun kā asar aur tarah kā

is baar hai imkān-e-bashar aur tarah kā

is bar hua kun ka asar aur tarah ka

is bar hai imkan-e-bashar aur tarah ka

rā.igānī kī 'ajab shakl dikhā.ī ga.ī hai

ek tasvīr jo paanī pe banā.ī ga.ī hai

raigani ki 'ajab shakl dikhai gai hai

ek taswir jo pani pe banai gai hai

ik azaañ aur namāz kā vaqfa

zindagī kitnī muḳhtasar paa.ī

ek azan aur namaz ka waqfa

zindagi kitni muKHtasar pai

shikast-e-‘ahd-e-tamanna kī kyā shikāyat ho

hamāre ḳhvāb hī ham se gurez-pā nikle

shikast-e-‘ahd-e-tamanna ki kya shikayat ho

hamare KHwab hi hum se gurez-pa nikle

sukūt-e-‘asr meñ gūñjī huī azaan huuñ maiñ

bahut se kursī-nashīnoñ ke darmiyān huuñ maiñ

sukut-e-‘asr mein gunji hui azan hun main

bahut se kursi-nashinon ke darmiyan hun main

maiñ raakh hone ko huuñ tū mirī chamak pe na jā

charāġh bujhne se pahle bhaḌakne lagtā hai

main rakh hone ko hun tu meri chamak pe na ja

charagh bujhne se pahle bhaDakne lagta hai

hamāre she'r naġhme aur sajde

adā jo ho na paa.e kyā hue vo

hamare she'r naghme aur sajde

ada jo ho na pae kya hue wo

sochā nahīñ gayā kabhī samjhā nahīñ gayā

tārīḳh meñ kabhī mujhe likkhā nahīñ gayā

socha nahin gaya kabhi samjha nahin gaya

tariKH mein kabhi mujhe likkha nahin gaya

hai tamāshe kā iḳhtitām yahī

jab tamāshā bane tamāshā.ī

hai tamashe ka iKHtitam yahi

jab tamasha bane tamashai

koī kyā batā.e ki ziist meñ na kashish rahī na mazā rahā

jo guzar gayā vo shabāb thā jo bikhar gayā vo jamāl thā

koi kya batae ki zist mein na kashish rahi na maza raha

jo guzar gaya wo shabab tha jo bikhar gaya wo jamal tha

sab chale jā.eñge ik be-nām manzil kī taraf

ghar kī taḳhtī kī jagah katbe lage rah jā.eñge

sab chale jaenge ek be-nam manzil ki taraf

ghar ki taKHti ki jagah katbe lage rah jaenge

dasht-e-dil meñ kabhī ik nāqa-savār aayā thā

aaj tak mujh meñ bahut gard uḌā kartī hai

dasht-e-dil mein kabhi ek naqa-sawar aaya tha

aaj tak mujh mein bahut gard uDa karti hai

sub.h be-nūr hai shaam be-kaif hai kaisī hālat meñ hai mubtalā zindagī

roz-o-shab meñ kahāñ lutf baaqī rahā aise jiine meñ kyā hai mazā zindagī

subh be-nur hai sham be-kaif hai kaisi haalat mein hai mubtala zindagi

roz-o-shab mein kahan lutf baqi raha aise jine mein kya hai maza zindagi

jhiil meñ bas ek kankar pheñk kar

dā.ere kī guuñj maiñ suntī rahī

jhil mein bas ek kankar phenk kar

daere ki gunj main sunti rahi