نام سید نذر حسن ،تخلص وقار،ولدیت حکیم سید نظیر حسین نقوی سکونت بخارہ سادات (بجنور) تاریخ پیدائش اپریل1906ہے۔اردو فارسی اور عربی کی تعلیم گھر پر ہوئی۔اسکول کی تعلیم اردو مڈل تک ہے ۔اردو ادب اور شاعری کا ذوق اوائل عمری سے تھا۔
1924سے جناب بدر الحسن صاحب بدر جلالی (مرحوم)ایڈیٹر مدینہ اخبار بجنور سے ان کے قیام بجنور تک کلام پر اصلاح لی۔
بعد کو جناب حکیم مشیر حسین صاحب مشیر نجیب آبادی سے اصلاح سخن کا سلسلہ قائم رہا۔اسی سلسلے میں جناب ظفر احمد صاحب ہنر جمالی اور جناب سردار جلیل احمد خاں صاحب جلیل نے بھی میری اعانت و رہنمائی فرمائی ہے زیر نظر غزلیات پر جناب اعجاز حسین صاحب اعجاز درائی نے نظر ثانی سے نوازا جس پر میں اپنے تمام کرم فرماؤں اور معاونین کا شکر گزار ہوں۔