yaar kī yaad ban ke rahtā hai

zaḳhm kā indimāl kyā hogā

yar ki yaad ban ke rahta hai

zaKHm ka indimal kya hoga

mahshar se kam nahīñ hai ye hangām-e-zindagī

phirte haiñ lākhoñ aadmī tanhā nagar meñ gum

mahshar se kam nahin hai ye hangam-e-zindagi

phirte hain lakhon aadmi tanha nagar mein gum

ye hai mai-ḳhāna-o-sanam-ḳhāna

raah ke intiḳhāb ke din haiñ

ye hai mai-KHana-o-sanam-KHana

rah ke intiKHab ke din hain

mil chuke ḳhaak meñ magar terā

dil abhī intizār kartā hai

mil chuke KHak mein magar tera

dil abhi intizar karta hai

tumhārī be-ruḳhī ko ḳhaak parvā

tirī mahfil meñ koī ḳhaak aa.e

tumhaari be-ruKHi ko KHak parwa

teri mahfil mein koi KHak aae

hamāre paas hī vo aa rahe the

ba-jā hai ham vahāñ be-jā ga.e haiñ

hamare pas hi wo aa rahe the

ba-ja hai hum wahan be-ja gae hain

nadāmat se mirā sar jhuk gayā hai

mujhe hājat huī jab bhī du'ā kī

nadamat se mera sar jhuk gaya hai

mujhe hajat hui jab bhi du'a ki

tujhe ik baar kyā 'vāsif' ne dekhā

tujhe phir dekhne kī aarzū hai

tujhe ek bar kya 'wasif' ne dekha

tujhe phir dekhne ki aarzu hai

terī hastī kā raaz hai paisa

sāmnā nīstāñ se kartā hai

teri hasti ka raaz hai paisa

samna nistan se karta hai

gulshan meñ apnā kaun thā sāthī na āshiyāñ

rakh lī qafas ne aabrū fasl-e-bahār meñ

gulshan mein apna kaun tha sathi na aashiyan

rakh li qafas ne aabru fasl-e-bahaar mein

maiñ aisā safīnā huuñ ki sāhil kī sadā par

tūfān ke siine meñ utar jaatā huuñ aksar

main aisa safina hun ki sahil ki sada par

tufan ke sine mein utar jata hun aksar

ḳhud huā hai jalva-gar husn-e-azal

hai junūñ kī saltanat 'ājiz dimāġh

KHud hua hai jalwa-gar husn-e-azal

hai junun ki saltanat 'ajiz dimagh

chand lamhoñ meñ raat ḳhatm huī

sub.h-e-ḳhandāñ ye kyā kiyā tū ne

chand lamhon mein raat KHatm hui

subh-e-KHandan ye kya kiya tu ne

tire firāq meñ sadiyāñ guzār diiñ haiñ magar

tumhāre jaise mile laakh hū-ba-hū na hue

tere firaq mein sadiyan guzar din hain magar

tumhaare jaise mile lakh hu-ba-hu na hue

har ik tā'mīr kī taḳhrīb zid hai

tirī manzil mirī manzil nahīñ hai

har ek ta'mir ki taKHrib zid hai

teri manzil meri manzil nahin hai

nā-ḳhudā ne safīna-e-ummīd

'ain tūfāñ meñ lā ke chhoḌ diyā

na-KHuda ne safina-e-ummid

'ain tufan mein la ke chhoD diya

ham tujh ko dikhā dete ḳhudā.ī kā tamāsha

sau bātoñ kī ik baat ki insān hue ham

hum tujh ko dikha dete KHudai ka tamasha

sau baaton ki ek baat ki insan hue hum

dāman-e-sabr ab kahāñ 'vāsif'

har rag-e-tār ḳhaar dekhā hai

daman-e-sabr ab kahan 'wasif'

har rag-e-tar KHar dekha hai

tumhārī zulf bikhartī thī jin ke shānoñ par

tumhārī bazm meñ vo log ab parā.e haiñ

tumhaari zulf bikharti thi jin ke shanon par

tumhaari bazm mein wo log ab parae hain

aa bhī jaao ki ziist ḳhatm huī

rah ga.ī tāb-e-intizār kahāñ

aa bhi jao ki zist KHatm hui

rah gai tab-e-intizar kahan

saaqī kī nazar se pī maiñ ne maiḳhāne meñ kohrām machā

rindoñ ne bahut pūchhā lekin maiñ naam batānā bhuul gayā

saqi ki nazar se pi main ne maiKHane mein kohram macha

rindon ne bahut puchha lekin main nam batana bhul gaya

nā-ḳhudā ne safīna-e-ummīd

'ain tūfāñ meñ lā ke chhoḌ diyā

na-KHuda ne safina-e-ummid

'ain tufan mein la ke chhoD diya

rāz-e-taslīm jab khulā 'vāsif'

naqsh-e-hastī miTā diyā maiñ ne

raaz-e-taslim jab khula 'wasif'

naqsh-e-hasti miTa diya main ne

maiñ husn-e-mujassam huuñ maiñ gesū-e-barham huuñ

maiñ phuul huuñ shabnam huuñ maiñ jalva-e-jānāna

main husn-e-mujassam hun main gesu-e-barham hun

main phul hun shabnam hun main jalwa-e-jaanana

talātum-ḳhez tūfānoñ se Takrāte rahe har dam

Dubo dī ham ne ḳhud kashtī jūñ-hī sāhil nazar aayā

talatum-KHez tufanon se Takraate rahe har dam

Dubo di hum ne KHud kashti jun-hi sahil nazar aaya

ho ga.ī diid maut se pahle

aaj armāñ nikal ga.e saare

ho gai did maut se pahle

aaj arman nikal gae sare

mere afsāne se hai terā fasāna qaa.em

chāh-e-zindāñ se tire husn-e-bayāñ tak dekhūñ

mere afsane se hai tera fasana qaem

chah-e-zindan se tere husn-e-bayan tak dekhun

raqs-e-bismil ne kisī dil meñ uThā.e tūfāñ

sham'-e-afsurda ki parvāna jalā aaj kī raat

raqs-e-bismil ne kisi dil mein uThae tufan

sham'-e-afsurda ki parwana jala aaj ki raat

ḳhuddār huuñ ḳhud-sar huuñ maiñ ḳhud-mast huuñ lekin

tū sāmne aa jaa.e to sar aaj bhī ḳham hai

KHuddar hun KHud-sar hun main KHud-mast hun lekin

tu samne aa jae to sar aaj bhi KHam hai