یوسف جمال کی شاعری

یوسف جمال کے اشعار

قاتل تو سینہ تان کے چلتے رہے یہاں

جو بے گنہ تھے ان سے حوالات بھر گئے

وقت کی محرومیوں نے چھین لی میری زبان

ورنہ اک مدت تلک میں لا جوابوں میں رہا

ڈھونڈتے ہو کیوں جلی تحریر کے اسباق میں

میں تو کہرے کی طرح دھندلے نصابوں میں رہا

پوچھے جو زندگی کی حقیقت کوئی جمالؔ

تو چٹکیوں میں ریت اڑا کر اسے دکھا

بونا تھا وہ ضرور مگر اس کے باوجود

کردار کے لحاظ سے قد کا بلند تھا

جب میں کچا پھل تھا تو محفوظ تھا میں

اب جو پکا تو مجھ پہ نشانہ لگتا ہے