ضمیر ساجد کی تربیت ادبی ماحول میں ہوئی۔ فطری شعری صلاحیت کو ماحول نے جلا بخشی اور ضمیر ساجد شعر کہنے لگے۔ خوش گلوئی اور خوش مزاجی نے انہیں بہت جلد اطراف میں متعارف کروا دیا۔ ساجد سنجیدہ اور سلجھی ہوئی شخصیت کے مالک ہیں۔ اس کا پر تو ان کی شاعری میں بھی نظر آتا ہے۔ ان کے کلام میں کہیں بھی الجھاؤ یا ابہام نہیں ہے۔ سادگی بیان ان کی شعری خصوصیت ہے۔

ضمیر ساجد کی شاعری اسلوب و معنی کے اعتبار سے عصری ہونے کے باوجود روایتی قدروں سے خالی نہیں ہے۔ ان کی غزلوں کا ایک مجموعہ ’’شناخت‘‘ 2001 ء میں شائع ہوچکا ہے۔