kuchh na kuchh dil ke paas hai terā

tū nahīñ to tirī kamī hai abhī

kuchh na kuchh dil ke pas hai tera

tu nahin to teri kami hai abhi

ye lamha-bhar kī aziyyat kā kyā gila karnā

paḌī hai 'umr abhī aur dil jalāne meñ

ye lamha-bhar ki aziyyat ka kya gila karna

paDi hai 'umr abhi aur dil jalane mein

kis qadar dil-fareb lagtā hai

mujh se vo ham-kalām hotā huā

kis qadar dil-fareb lagta hai

mujh se wo ham-kalam hota hua

saje jo shāḳh-e-tamannā meñ yaad kī ḳhushbū

sameTne kabhī baiThūñ to yūñhī muskā.ūñ

saje jo shaKH-e-tamanna mein yaad ki KHushbu

sameTne kabhi baiThun to yunhi muskaun

kuchh talab thī use mu'āfī kī

aur kuchh maiñ bhī dil-kushāda thī

kuchh talab thi use mu'afi ki

aur kuchh main bhi dil-kushada thi

hameñ bhī shauq thā lafzoñ meñ raushnī bharte

so apne dil ko jalānā paḌā ziyā ke liye

hamein bhi shauq tha lafzon mein raushni bharte

so apne dil ko jalana paDa ziya ke liye

un ko har roz bhulāne kī talab meñ aañsū

shaam hote hī kisī yaad meñ Dhal jaate haiñ

un ko har roz bhulane ki talab mein aansu

sham hote hi kisi yaad mein Dhal jate hain

us haath ne suljhā diye jis din se ḳham-e-zulf

hotī hī nahīñ zulf pareshāñ use kahnā

us hath ne suljha diye jis din se KHam-e-zulf

hoti hi nahin zulf pareshan use kahna

daad is par ki phuul hote hue

kaise patthar banī rahī maiñ bhī

dad is par ki phul hote hue

kaise patthar bani rahi main bhi

ik yād-e-raftagāñ hī nahīñ maqsad-e-hayāt

bazm-e-jahāñ meñ kaam haiñ kuchh aur bhī hameñ

ek yaad-e-raftagan hi nahin maqsad-e-hayat

bazm-e-jahan mein kaam hain kuchh aur bhi hamein

kabhī to ḳhvāb se nikle vujūd ban ke mile

maiñ kab talak koī tasvīr dekhtī jā.ūñ

kabhi to KHwab se nikle wujud ban ke mile

main kab talak koi taswir dekhti jaun

mīsāq-e-tīrgī meñ 'abas raushnī kā saath

phir bhī diyā jalāne kī hasrat rahī bahut

misaq-e-tirgi mein 'abas raushni ka sath

phir bhi diya jalane ki hasrat rahi bahut

umīd-e-vasl hī chhīne hai dil kā chain-o-qarār

ġham-e-firāq to varna sukūñ kā hāsil hai

umid-e-wasl hi chhine hai dil ka chain-o-qarar

gham-e-firaq to warna sukun ka hasil hai

hai ārzū-e-tulū'-e-sahar magar dil meñ

zarā zarā ġham-e-hijrāñ kī shaam hai jānāñ

hai aarzu-e-tulu'-e-sahar magar dil mein

zara zara gham-e-hijran ki sham hai jaanan

kar de jo āshnā mujhe 'ahd-e-'urūj se

vo hasrat-e-zavāl tirī justujū meñ hai

kar de jo aashna mujhe 'ahd-e-'uruj se

wo hasrat-e-zawal teri justuju mein hai

qafas ke ḳhauf ne jakḌī huī hai raunaq-e-jāñ

vujūd-e-karb musalsal farār chāhtā hai

qafas ke KHauf ne jakDi hui hai raunaq-e-jaan

wujud-e-karb musalsal farar chahta hai