ġham to ġham hī raheñge 'zubair'

ġham ke unvāñ badal jā.eñge

gham to gham hi rahenge 'zubair'

gham ke unwan badal jaenge

ek hī ghar ke rahne vaale ek hī āñgan ek hī duvār

jaane kyuuñ baḌhtī jaatī hai nafrat bhaa.ī bhaa.ī meñ

ek hi ghar ke rahne wale ek hi aangan ek hi duwar

jaane kyun baDhti jati hai nafrat bhai bhai mein

kitne chehroñ ke rañg zard paḌe

aaj sach bol kar himāqat kī

kitne chehron ke rang zard paDe

aaj sach bol kar himaqat ki

har ek lamha tirī yaad meñ basar karnā

hameñ bhī aa gayā ab ḳhud ko mo'tabar karnā

har ek lamha teri yaad mein basar karna

hamein bhi aa gaya ab KHud ko mo'tabar karna