Best Humorous Urdu Quotes

Lahore ki baa‘z galiyaan itni tang hain ki agar eik taraf se 'aurat aa rahi ho aur doosri taraf se mard, to darmiyaan mein sirf nikaah ki gunjaish bachti hai.

Lahore ki baa‘z galiyaan itni tang hain ki agar eik taraf se 'aurat aa rahi ho aur doosri taraf se mard, to darmiyaan mein sirf nikaah ki gunjaish bachti hai.

Mard ki aankh aur aurat ki zabaan ka dam sabse aakhir mein nikalta hai.

Mard ki aankh aur aurat ki zabaan ka dam sabse aakhir mein nikalta hai.

Moong-phali aur aawaargi mein kharaabi ye hai ki aadmi eik dafaa' shuroo' kar de to samajh mein nahi aata, khatm kaise kare.

Moong-phali aur aawaargi mein kharaabi ye hai ki aadmi eik dafaa' shuroo' kar de to samajh mein nahi aata, khatm kaise kare.

Musalmaan hamesha eik amali qaum rahe hain. Wo kisi aise jaanwar ko muhabbat se nahi paalte jise zibha kar ke kha na sakein.

Musalmaan hamesha eik amali qaum rahe hain. Wo kisi aise jaanwar ko muhabbat se nahi paalte jise zibha kar ke kha na sakein.

Jo mulk jitna ghurbat-zada hoga utna hi aaloo aur mazhab ka chalan ziyaada hoga.

Jo mulk jitna ghurbat-zada hoga utna hi aaloo aur mazhab ka chalan ziyaada hoga.

Mard ishq-o-‘aashiqi sirf eik martaba karta hai, doosri martaba ayyaashi aur uske baad niri ayyaashi.

Mard ishq-o-‘aashiqi sirf eik martaba karta hai, doosri martaba ayyaashi aur uske baad niri ayyaashi.

Gaali, ginti, sargoshi, aur ganda lateefa to sirf apne maadri zabaan mein hi maza deta hai.

Gaali, ginti, sargoshi, aur ganda lateefa to sirf apne maadri zabaan mein hi maza deta hai.

Kitaabon ki duniya murdon aur zindon donon ke beech ki duniya hai.

Kitaabon ki duniya murdon aur zindon donon ke beech ki duniya hai.

Dushmanon ke hasb-e-adaawat teen darje hain: dushman, dushman-e-jaani, aur rishtedaar.

Dushmanon ke hasb-e-adaawat teen darje hain: dushman, dushman-e-jaani, aur rishtedaar.

Sach ye hai ki kaahili mein jo maza hai wo kaahil hi jaante hain. Bhaag-daud karne waale aur subah-subah uthne waale aur warzish-pasand is maze ko kya jaanein.

Sach ye hai ki kaahili mein jo maza hai wo kaahil hi jaante hain. Bhaag-daud karne waale aur subah-subah uthne waale aur warzish-pasand is maze ko kya jaanein.

Kabhi-kabhi koi intihaai ghatiya aadmi aapko intihaai badhiya mashwara de jaata hai. Magar aah! ki aap mashware ki taraf kam dekhte hain, ghatiya aadmi ki taraf ziyaada.

Kabhi-kabhi koi intihaai ghatiya aadmi aapko intihaai badhiya mashwara de jaata hai. Magar aah! ki aap mashware ki taraf kam dekhte hain, ghatiya aadmi ki taraf ziyaada.

Jitna waqt aur rupya bachchon ko Musalmaano ke science par ehsaanaat rataane mein sarf kiya jaata hai, dasvaan hissa bhi bachchon ko science padhaane mein sarf kiya jaaye to Musalmaanon par bada ehsaan hoga.

Jitna waqt aur rupya bachchon ko Musalmaano ke science par ehsaanaat rataane mein sarf kiya jaata hai, dasvaan hissa bhi bachchon ko science padhaane mein sarf kiya jaaye to Musalmaanon par bada ehsaan hoga.

Angrezi filmon mein log yun pyaar karte hain jaise tukhmi aam choos rahe hain.

Angrezi filmon mein log yun pyaar karte hain jaise tukhmi aam choos rahe hain.

Kahte hain cigarette ke doosre sire par jo raakh hoti hai, dar-asl woh peene waale ki hoti hai.

Kahte hain cigarette ke doosre sire par jo raakh hoti hai, dar-asl woh peene waale ki hoti hai.

Kunwaari ladki us waqt tak apna birth-day manaati rahti hai, jab tak woh honeymoon manaane ke kaabil nahi ho jaati.

Kunwaari ladki us waqt tak apna birth-day manaati rahti hai, jab tak woh honeymoon manaane ke kaabil nahi ho jaati.

Badhiyaan cigarette peete hi har shakhs ko mu‘aaf kar dene ko jee chaahta hai... khwaah woh rishtedaar hi kyun na ho.

Badhiyaan cigarette peete hi har shakhs ko mu‘aaf kar dene ko jee chaahta hai... khwaah woh rishtedaar hi kyun na ho.

Aausat ka matlab bhi log ghalat samajhte hain. Hum bhi ghalat samajhte the. Japan mein suna tha ki har doosre aadmi ke paas car hai. Humne Tokyo mein pahle aadmi ki bahut talaash ki lekin hamesha doosra hi aadmi mila. Maaloom hua pahle aadmi door-daraaz ke dehaat mein rehte hain.

Aausat ka matlab bhi log ghalat samajhte hain. Hum bhi ghalat samajhte the. Japan mein suna tha ki har doosre aadmi ke paas car hai. Humne Tokyo mein pahle aadmi ki bahut talaash ki lekin hamesha doosra hi aadmi mila. Maaloom hua pahle aadmi door-daraaz ke dehaat mein rehte hain.

Eik khatoon ne hone waاle khaاwind se kaha, “shaadi ke baad main aapke dukh baanta karungi.” Usne kaha, “magar mujhe to koi dukh nahi.” To woh boli, “main shaadi ke baad ki baat kar rahi hoon.” Shaayad isiliye har siyaasatdaan yahi kahta hai agar main jeet gaya to aapke dukh baantoonga.

Eik khatoon ne hone waاle khaاwind se kaha, “shaadi ke baad main aapke dukh baanta karungi.” Usne kaha, “magar mujhe to koi dukh nahi.” To woh boli, “main shaadi ke baad ki baat kar rahi hoon.” Shaayad isiliye har siyaasatdaan yahi kahta hai agar main jeet gaya to aapke dukh baantoonga.

Such to ye hai ki hukoomaton ke alaawa koi bhi apni maujooda taraqqi se mutmain nahi hota.

Such to ye hai ki hukoomaton ke alaawa koi bhi apni maujooda taraqqi se mutmain nahi hota.

Auron ki aadhi umr to apni umr kam karne mein guzar jaati hai. Eik mulaazimat ke interview ke dauraan interview lene waale ne poocha, “Mohtarma aapki umr?” Jawaab mila, “19 saal kuch maheene.” Poocha, “Kitne maheene?” Jawaab mila, “Chhiyaanve maheene!”

Auron ki aadhi umr to apni umr kam karne mein guzar jaati hai. Eik mulaazimat ke interview ke dauraan interview lene waale ne poocha, “Mohtarma aapki umr?” Jawaab mila, “19 saal kuch maheene.” Poocha, “Kitne maheene?” Jawaab mila, “Chhiyaanve maheene!”

Kisi daana ya naadaan ka maqoola hai ki jhoot ke teen darje hain. Jhoot, safed jhoot aur aa’daad-o-shumaar.

Kisi daana ya naadaan ka maqoola hai ki jhoot ke teen darje hain. Jhoot, safed jhoot aur aa’daad-o-shumaar.

Har ma‘qool aadmi ka biwi se jhagra hota hai kyunki mard aurat ka rishta hi jhagde ka hai.

Har ma‘qool aadmi ka biwi se jhagra hota hai kyunki mard aurat ka rishta hi jhagde ka hai.

Dar-asl shaadi ek lafz nahi poora fiqra hai.

Dar-asl shaadi ek lafz nahi poora fiqra hai.

Cigarette hai kya? Kaaghaz ki eik naali jiske eik sire par sho'la aur doosre par eik naadaan hota hai. Kahte hain cigarette ke doosre sire par jo raakh hoti hai, dar-asl woh peene waale ki hoti hai. Aish tray woh jagah hai jahaan aap ye raakh us waqt daalte hain jab aapke paas farsh na ho. Waise to cigarette peene waale ke liye poori duniya aish tray hi hoti hai balki hote-hote ye haal ho jaata hai ki woh cigarette munh mein rakh kar samajhta hai aish tray mein rakha hai. Rudyard Kipling kahta hai ki eik aurat sirf eik aurat hoti hai jabki accha cigaar bas dhuaan hota hai. Duniya ka sabse mahnga cigarette aapka pahla cigarette hota hai, baad mein sab sasta ho jaata hai yahaan tak ki peene waala bhi.

Cigarette hai kya? Kaaghaz ki eik naali jiske eik sire par sho'la aur doosre par eik naadaan hota hai. Kahte hain cigarette ke doosre sire par jo raakh hoti hai, dar-asl woh peene waale ki hoti hai. Aish tray woh jagah hai jahaan aap ye raakh us waqt daalte hain jab aapke paas farsh na ho. Waise to cigarette peene waale ke liye poori duniya aish tray hi hoti hai balki hote-hote ye haal ho jaata hai ki woh cigarette munh mein rakh kar samajhta hai aish tray mein rakha hai. Rudyard Kipling kahta hai ki eik aurat sirf eik aurat hoti hai jabki accha cigaar bas dhuaan hota hai. Duniya ka sabse mahnga cigarette aapka pahla cigarette hota hai, baad mein sab sasta ho jaata hai yahaan tak ki peene waala bhi.

Gadhe aur insaan mein ye farq hai ki gadha cigarette nahi peeta aur jhoot nahi bol sakta.

Gadhe aur insaan mein ye farq hai ki gadha cigarette nahi peeta aur jhoot nahi bol sakta.

Chaar aadmiyon ki sohbat adeeb ke takhleeqi kaam mein khandat daalti hai. Ladkaa biwi, baatooni intellectual, laaeq mu‘allim aur adab ki sarparasti karne waala afsar.

Chaar aadmiyon ki sohbat adeeb ke takhleeqi kaam mein khandat daalti hai. Ladkaa biwi, baatooni intellectual, laaeq mu‘allim aur adab ki sarparasti karne waala afsar.

Duniya mein ye bahas hamesha se chali aa rahi hai ki anda pehle ya murghi. Kuch log kahte hain anda. Kuch ka kahna hai murghi. Eik ko hum murghi school ya firqa-e-murghia kah sakte hain. Doosre ko anda school. Humein anda school se munsalik samajhna chaahiye. Millat-e-baiza ka eik fard jaana chaahiye. Hamaara aqeeda is baat mein hai ki agar aadmi thaanedaar ya maulvi yaa'ni faqeeh-e-shahr ho to uske liye murghi pahle aur aisa ghareeb-e-shahr ho to uske liye anda pahle aur ghareeb-e-shahr se bhi gaya guzra ho to na uski dastaras murghi tak ho sakti hai na anda uski giraft mein aa sakta hai. Use apni zaat aur iski baqa ko in cheezon se pahle jaan'na chaahiye.

Duniya mein ye bahas hamesha se chali aa rahi hai ki anda pehle ya murghi. Kuch log kahte hain anda. Kuch ka kahna hai murghi. Eik ko hum murghi school ya firqa-e-murghia kah sakte hain. Doosre ko anda school. Humein anda school se munsalik samajhna chaahiye. Millat-e-baiza ka eik fard jaana chaahiye. Hamaara aqeeda is baat mein hai ki agar aadmi thaanedaar ya maulvi yaa'ni faqeeh-e-shahr ho to uske liye murghi pahle aur aisa ghareeb-e-shahr ho to uske liye anda pahle aur ghareeb-e-shahr se bhi gaya guzra ho to na uski dastaras murghi tak ho sakti hai na anda uski giraft mein aa sakta hai. Use apni zaat aur iski baqa ko in cheezon se pahle jaan'na chaahiye.

Mard ki umr woh hoti hai jo woh mahsoos karta hai aur aurat ki woh jo aap mahsoos karte hain.

Mard ki umr woh hoti hai jo woh mahsoos karta hai aur aurat ki woh jo aap mahsoos karte hain.

Jitni der aap doosron se intezaar karwaate hain, dar-asal utni der aap unse apna zikr karwaate hain.

Jitni der aap doosron se intezaar karwaate hain, dar-asal utni der aap unse apna zikr karwaate hain.

Agar yeh baat theek hai ki mehmaan ka darja Bhagwaan ka hai, to main badi nimrata se aap ke saamne haath jod kar kahoonga ki mujhe Bhagwaan se bhi nafrat hai!

Agar yeh baat theek hai ki mehmaan ka darja Bhagwaan ka hai, to main badi nimrata se aap ke saamne haath jod kar kahoonga ki mujhe Bhagwaan se bhi nafrat hai!

Khuda ne gunaah ko pahle paida nahi kiya. Insaan ko pahle paida kar diya. Ye soch kar ki ab ye khud-ba-khud gunaah paida karega.

Khuda ne gunaah ko pahle paida nahi kiya. Insaan ko pahle paida kar diya. Ye soch kar ki ab ye khud-ba-khud gunaah paida karega.

Aurat ka husn sirf us waqt tak bar-qaraar rahta hai, jab tak uske sana-khwaan maujood ho.

Aurat ka husn sirf us waqt tak bar-qaraar rahta hai, jab tak uske sana-khwaan maujood ho.

Jaante ho aurat ki umr ke chhe hisse hote hain: Bachchi, ladki, nau-umr khatoon, phir nau-umr khatoon, phir nau-umr khatoon, phir nau-umr khatoon.

Jaante ho aurat ki umr ke chhe hisse hote hain: Bachchi, ladki, nau-umr khatoon, phir nau-umr khatoon, phir nau-umr khatoon, phir nau-umr khatoon.

Button lagaane se ziyaada mushkil kaam button todna hai. Aur ye eik tarah se dhobiyon ka kaarobaari raaz hai. Humne ghar par kapde dhulwa kar aur pathkhwa kar dekha lekin kabhi is mein kaamiyaabi na hui jabki hamaara dhobi unhi paison mein jo hum dhulaai ke dete hain, poore button bhi saaf kar laata hai. Eik aur aasaani jo usne apne sarparaston ke liye faraaham ki hai, wo ye hai ki apne chhote bete ko apni laundry ke eik hisse mein buttonon ki dukaan khulwa di hai jahaan har tarah ke button ba-ri'aayat nirkhon par dastiyaab hain.

Button lagaane se ziyaada mushkil kaam button todna hai. Aur ye eik tarah se dhobiyon ka kaarobaari raaz hai. Humne ghar par kapde dhulwa kar aur pathkhwa kar dekha lekin kabhi is mein kaamiyaabi na hui jabki hamaara dhobi unhi paison mein jo hum dhulaai ke dete hain, poore button bhi saaf kar laata hai. Eik aur aasaani jo usne apne sarparaston ke liye faraaham ki hai, wo ye hai ki apne chhote bete ko apni laundry ke eik hisse mein buttonon ki dukaan khulwa di hai jahaan har tarah ke button ba-ri'aayat nirkhon par dastiyaab hain.

Ye mard Everest par chadh jaayein, samundar ki tah tak pahunch jaayein, khwaah kaisa hi na-mumkin kaam kyun na kar lein, magar aurat ko kabhi nahi samajh sakte. Baaz-auqaat aisi ahmaqaana harkat kar baithte hain ki achhi bhali mohabbat nafrat mein tabdeel ho jaati hai, aur phir aurat ka dil... eik thes lagi aur bas gaya. Jaante hain ki hasad aur rashk to aurat ki sarisht mein hai. Apni taraf se bade chaalaak bante hain magar mard ke dil ko aurat eik hi nazar mein bhaanp jaati hai.

Ye mard Everest par chadh jaayein, samundar ki tah tak pahunch jaayein, khwaah kaisa hi na-mumkin kaam kyun na kar lein, magar aurat ko kabhi nahi samajh sakte. Baaz-auqaat aisi ahmaqaana harkat kar baithte hain ki achhi bhali mohabbat nafrat mein tabdeel ho jaati hai, aur phir aurat ka dil... eik thes lagi aur bas gaya. Jaante hain ki hasad aur rashk to aurat ki sarisht mein hai. Apni taraf se bade chaalaak bante hain magar mard ke dil ko aurat eik hi nazar mein bhaanp jaati hai.

Aham aadmi us waqt aata hai jab sab aa chuke hote hain aur uski aamad ka intezaar kar rahe hote hain. Der se aana dar-asl aam se khaas hone ka amal hai.

Aham aadmi us waqt aata hai jab sab aa chuke hote hain aur uski aamad ka intezaar kar rahe hote hain. Der se aana dar-asl aam se khaas hone ka amal hai.

Aadmi agar qabl-az-waqt na mar sake to beeme ka maqsad hi faut ho jaata hai.

Aadmi agar qabl-az-waqt na mar sake to beeme ka maqsad hi faut ho jaata hai.

Iski udaasi bhi eik udaasi hi hoti hai. Poocho, “mohabbat kaise shuroo hoti hai?” to kahegi, “mohabbat 'm' se shuroo hoti hai.” Kisi ne kaha ke miyan-biwi ke jhagde mein saalis bachche hote hain, to kahne lagi bilkul ghalat, miyan-biwi ke jhagde mein saalis raat hoti hai. Kahti hai, “mard aur aurat ki sonch eik jaisi hoti hai, aurat mard se sona maangti hai aur mard bhi badle mein sona hi chaahta hai.”

Iski udaasi bhi eik udaasi hi hoti hai. Poocho, “mohabbat kaise shuroo hoti hai?” to kahegi, “mohabbat 'm' se shuroo hoti hai.” Kisi ne kaha ke miyan-biwi ke jhagde mein saalis bachche hote hain, to kahne lagi bilkul ghalat, miyan-biwi ke jhagde mein saalis raat hoti hai. Kahti hai, “mard aur aurat ki sonch eik jaisi hoti hai, aurat mard se sona maangti hai aur mard bhi badle mein sona hi chaahta hai.”

Lecturer ki taa'reef ye hai ki woh shakhs jo doosron ki neend mein bolta hai.

Lecturer ki taa'reef ye hai ki woh shakhs jo doosron ki neend mein bolta hai.

Us aurat ki kisi bhi baat ka e‘tibaar na karo, jo Khuda ki qasam kha kar apni umr sahi bata deti hai.

Us aurat ki kisi bhi baat ka e‘tibaar na karo, jo Khuda ki qasam kha kar apni umr sahi bata deti hai.

Insani umr ki sirf teen hi sooratein hain. Jo aani, jawaani aur jo aayi.

Insani umr ki sirf teen hi sooratein hain. Jo aani, jawaani aur jo aayi.

Biwi aap se kitni nafrat karti hai, iska us waqt tak pata nahin chalta, jab tak mehmaan ghar mein na aaye. Jaise aap ko bhoolne ke siwa kuch nahin aata, aise hi biwi yaad rakhne ke siwa aur kuch nahin jaanti. Jaane kab ka bughz aap ke khilaaf seene mein liye baithi hai jo mehmaan ke aate hi Pandora box ki tarah aap ke sar par ulat deti hai.

Biwi aap se kitni nafrat karti hai, iska us waqt tak pata nahin chalta, jab tak mehmaan ghar mein na aaye. Jaise aap ko bhoolne ke siwa kuch nahin aata, aise hi biwi yaad rakhne ke siwa aur kuch nahin jaanti. Jaane kab ka bughz aap ke khilaaf seene mein liye baithi hai jo mehmaan ke aate hi Pandora box ki tarah aap ke sar par ulat deti hai.

Jab koi cheez naayaab ya mahngi ho jaati hai to uska badal nikal hi aata hai jaise bhains ka ne’am-ul-badal moongfali. Aapko to ghee se matlab hai. Kahin se bhi aaye. Ab wo marhala aa gaya hai ki hamaare haan bakre aur dumbe ki sana’at bhi qaayam ho. Aap baazaar mein gaye aur dukaan-daar ne dibba khola ki janaab ye lijiye bakra aur ye lijiye pump se hawa is mein khud bhar lijiye. Khaal is bakre ki kareleen ki hai. Aur andar kamaaniyan stainless steel ki. Maghz mein foam rubber hai. Wash and wear hone ki guarantee hai. Baahar sahan mein baarish ya os mein bhi khada kar dijiye to kuch na bigdega. Hawa nikal kar refrigerator mein bhi rakha ja sakta hai. Aaj kal qurbaani waale yahi le jate hain.

Jab koi cheez naayaab ya mahngi ho jaati hai to uska badal nikal hi aata hai jaise bhains ka ne’am-ul-badal moongfali. Aapko to ghee se matlab hai. Kahin se bhi aaye. Ab wo marhala aa gaya hai ki hamaare haan bakre aur dumbe ki sana’at bhi qaayam ho. Aap baazaar mein gaye aur dukaan-daar ne dibba khola ki janaab ye lijiye bakra aur ye lijiye pump se hawa is mein khud bhar lijiye. Khaal is bakre ki kareleen ki hai. Aur andar kamaaniyan stainless steel ki. Maghz mein foam rubber hai. Wash and wear hone ki guarantee hai. Baahar sahan mein baarish ya os mein bhi khada kar dijiye to kuch na bigdega. Hawa nikal kar refrigerator mein bhi rakha ja sakta hai. Aaj kal qurbaani waale yahi le jate hain.

Humein dushman se jhagadne ke baad hi woh gaali yaad aati hai, jo dushman ki gaali se ziyaada karaari aur teekhi thi.

Humein dushman se jhagadne ke baad hi woh gaali yaad aati hai, jo dushman ki gaali se ziyaada karaari aur teekhi thi.

Asl mein hamaare yahaan maulviyon aur adeebon ka zehni irtiqa eik hi khutoot par hua hai.

Asl mein hamaare yahaan maulviyon aur adeebon ka zehni irtiqa eik hi khutoot par hua hai.

Kahte hain pehle aadmi cigarette ko peeta hai, phir cigarette cigarette ko peeta hai aur aakhir mein cigarette aadmi ko peeta hai. Lekin phir bhi ye haqeeqat hai ki itne log cigarette se nahi marte jitne cigarette par marte hain. Angrezi mein ise smoking kahte hain logon ko shaayad smoking pasand hi isliye hai ki is mein “king” aata hai lekin is daur mein “king” kaheen ke nahi rahe. So lagta hai an‑qareeb dhuaan dene wale afraad ka bhi chauraahon mein chaallaan hua karega.

Kahte hain pehle aadmi cigarette ko peeta hai, phir cigarette cigarette ko peeta hai aur aakhir mein cigarette aadmi ko peeta hai. Lekin phir bhi ye haqeeqat hai ki itne log cigarette se nahi marte jitne cigarette par marte hain. Angrezi mein ise smoking kahte hain logon ko shaayad smoking pasand hi isliye hai ki is mein “king” aata hai lekin is daur mein “king” kaheen ke nahi rahe. So lagta hai an‑qareeb dhuaan dene wale afraad ka bhi chauraahon mein chaallaan hua karega.

Hum waa'da karte hain, to kisi umeed par. Lekin jab waa'da poora karne lagte hain, to kisi dar ke maare.

Hum waa'da karte hain, to kisi umeed par. Lekin jab waa'da poora karne lagte hain, to kisi dar ke maare.

Mera zaati nazariya to yahi hai ki eik tandurust insaan ko mohabbat kabhi nahi karni chaahiye. Aakhir koi tuk bhi hai is mein? Khwaah-ma-khwaah kisi ke muta'alliq sochte raho, khwaah woh tumhein jaanta hi na ho. Bhala kis formula se saabit hota hai ki jise tum chaaho woh bhi tumhein chaahe. Miyaan ye sab man-gadhat qisse hain. Agar jaan-boojh kar khabti banna chaahte ho to bismillah kiye jao muhabbat. Hamaari raaye to yahi hai ki sabr kar lo.

Mera zaati nazariya to yahi hai ki eik tandurust insaan ko mohabbat kabhi nahi karni chaahiye. Aakhir koi tuk bhi hai is mein? Khwaah-ma-khwaah kisi ke muta'alliq sochte raho, khwaah woh tumhein jaanta hi na ho. Bhala kis formula se saabit hota hai ki jise tum chaaho woh bhi tumhein chaahe. Miyaan ye sab man-gadhat qisse hain. Agar jaan-boojh kar khabti banna chaahte ho to bismillah kiye jao muhabbat. Hamaari raaye to yahi hai ki sabr kar lo.

Ek zamana tha ke hum Qutub bane apne ghar mein baithe rehte the aur hamaara sitaara gardish mein raha karta tha. Phir Khuda ka karna aisa hua ki hum khud gardish mein rahne lage aur hamaare sitaare ne Karachi mein baithe baithe aab-o-taab se chamakna shuru kar diya. Phir akhbaar Jang mein Aaj ka Shaa'ir ke unwaan se hamaari tasveer aur haalaat chhape. Choonki haalaat hamaare kam the lihaaza un logon ko tasveer badi kara ke chhaapni padi aur qabool soorat, saleeqa-shi'aar, paaband-e-saum-o-salaat aulaadon ke waalidain ne hamaari naukri, tankhwaah aur chaal-chalan ke muta'aliq maaloomat jama karni shuru kar di. Yun aib-beenon aur nuqta-cheeniyon se bhi duniya khaali nahi. Kisi ne kaha ye shaa'ir to hain lekin aaj ke nahi. Koi be-dard bola, ye aaj ke to hain lekin shaa'ir nahi. Hum bad-dil ho kar apne azeez dost Jameeluddin Ali ke paas gaye. Unhone hamaari dhaaras badhaai aur kaha dil maila mat karo. Ye dono fareeq ghalati par hain. Hum to na tumhein shaa'ir jaante hain na aaj ka maante hain. Humne kasmasaakar kaha, Ye aap kya farma rahe hain? Bole, Main jhoot nahi kahta aur ye raaye meri thodi hai sabhi samajhdaar logon ki hai.

Ek zamana tha ke hum Qutub bane apne ghar mein baithe rehte the aur hamaara sitaara gardish mein raha karta tha. Phir Khuda ka karna aisa hua ki hum khud gardish mein rahne lage aur hamaare sitaare ne Karachi mein baithe baithe aab-o-taab se chamakna shuru kar diya. Phir akhbaar Jang mein Aaj ka Shaa'ir ke unwaan se hamaari tasveer aur haalaat chhape. Choonki haalaat hamaare kam the lihaaza un logon ko tasveer badi kara ke chhaapni padi aur qabool soorat, saleeqa-shi'aar, paaband-e-saum-o-salaat aulaadon ke waalidain ne hamaari naukri, tankhwaah aur chaal-chalan ke muta'aliq maaloomat jama karni shuru kar di. Yun aib-beenon aur nuqta-cheeniyon se bhi duniya khaali nahi. Kisi ne kaha ye shaa'ir to hain lekin aaj ke nahi. Koi be-dard bola, ye aaj ke to hain lekin shaa'ir nahi. Hum bad-dil ho kar apne azeez dost Jameeluddin Ali ke paas gaye. Unhone hamaari dhaaras badhaai aur kaha dil maila mat karo. Ye dono fareeq ghalati par hain. Hum to na tumhein shaa'ir jaante hain na aaj ka maante hain. Humne kasmasaakar kaha, Ye aap kya farma rahe hain? Bole, Main jhoot nahi kahta aur ye raaye meri thodi hai sabhi samajhdaar logon ki hai.

Agar koi adaakaara ko libaas ke baghair dekh kar khush na ho to yaqeen kar len, woh jeb-katra hai.

Agar koi adaakaara ko libaas ke baghair dekh kar khush na ho to yaqeen kar len, woh jeb-katra hai.