us ne majbūr-e-vafā jaan ke muñh pher liyā

mujh se ye bhuul huī pūchh liyā kaise ho

us ne majbur-e-wafa jaan ke munh pher liya

mujh se ye bhul hui puchh liya kaise ho

sach koī fan to nahīñ hai jo sikhāyā jaa.e

jhuuT se kaam le sach bolnā aa jā.egā

sach koi fan to nahin hai jo sikhaya jae

jhuT se kaam le sach bolna aa jaega

tum apnī āñkhoñ kī laalī phūloñ meñ taqsīm karo

mere dil kā haal na pūchho rahne do jis haal meñ hai

tum apni aankhon ki lali phulon mein taqsim karo

mere dil ka haal na puchho rahne do jis haal mein hai

ek raheñ yā do ho jaa.eñ rusvā.ī har haal meñ hai

jīvan ruup kī saarī shobhā jīvan ke janjāl meñ hai

ek rahen ya do ho jaen ruswai har haal mein hai

jiwan rup ki sari shobha jiwan ke janjal mein hai

vo maslahat thī ki un ke huzūr lab na hile

ye hādisa hai ki dil se bhī kuchh kahā na gayā

wo maslahat thi ki un ke huzur lab na hile

ye hadisa hai ki dil se bhi kuchh kaha na gaya