اپنے چہرے کو بدلنا تو بہت مشکل ہے

دل بہل جائے گا آئینہ بدل کر دیکھو

مانا کہ میں ہزار فصیلوں میں قید ہوں

لیکن کبھی خلوص سے مجھ کو بلا کے دیکھ

بنجارے ہیں رشتوں کی تجارت نہیں کرتے

ہم لوگ دکھاوے کی محبت نہیں کرتے

مجھ کو یہ دربدری تو نے ہی بخشی ہے مگر

جب چلی گھر سے تو میں نام ترا لے کے چلی

سفر کا حوصلہ کافی ہے منزل تک پہنچنے کو

مسافر جب اکیلا ہو تو راہیں بات کرتی ہیں

مری آنکھوں سے نیندیں لے کے تم نے رت جگے بخشے

مرے تکیے مرے بستر سے راتیں بات کرتی ہیں