aabaad KHarabe mein zara der lagegi

ābād ḳharābe meñ zarā der lagegī

har baat bhulāne meñ zarā der lagegī

be-vaqt kī barsāt se dil baiTh gayā hai

ab ḳhaak uḌāne meñ zarā der lagegī

is baar mirī ruuh pe talvār chalī hai

is baar sañbhalne meñ zarā der lagegī

pal-bhar meñ yahāñ dhuup hai pal-bhar meñ hai saaya

duniyā hai samajhne meñ zarā der lagegī

vo baat jo āñkhoñ se zabāñ tak nahīñ pahuñchī

vo baat batāne meñ zarā der lagegī

aabaad KHarabe mein zara der lagegi

har baat bhulane mein zara der lagegi

be-waqt ki barsat se dil baiTh gaya hai

ab KHak uDane mein zara der lagegi

is bar meri ruh pe talwar chali hai

is bar sanbhalne mein zara der lagegi

pal-bhar mein yahan dhup hai pal-bhar mein hai saya

duniya hai samajhne mein zara der lagegi

wo baat jo aankhon se zaban tak nahin pahunchi

wo baat batane mein zara der lagegi