aam hoti hai numaish yahan uryani ki

'aam hotī hai numā.ish yahāñ 'uryānī kī

tū ne vahshat meñ kahāñ chāk-garebānī kī

ahl-e-zar sāmne aa jaa.eñ ki iflās chhupe

ham ne tasvīr banānī hai farāvānī kī

'aam āñkhoñ se use dekhnā mumkin hī nahīñ

ham ne jis husn kī mid.hat meñ ġhazal-ḳhvānī kī

us ne tahqīq pe māmūr kiyā hai mujh ko

jis ne manzar meñ numāyāñ mirī hairānī kī

ab ke aayā hai samundar na.ī tuġhyānī meñ

lahr paanī meñ nazar aa.ī nahīñ paanī kī

ġhair-mumkin ko banāyā mirā mumkin 'āsim'

us ne paidā mire imkān meñ āsānī kī

'am hoti hai numaish yahan 'uryani ki

tu ne wahshat mein kahan chaak-garebani ki

ahl-e-zar samne aa jaen ki iflas chhupe

hum ne taswir banani hai farawani ki

'am aankhon se use dekhna mumkin hi nahin

hum ne jis husn ki midhat mein ghazal-KHwani ki

us ne tahqiq pe mamur kiya hai mujh ko

jis ne manzar mein numayan meri hairani ki

ab ke aaya hai samundar nai tughyani mein

lahr pani mein nazar aai nahin pani ki

ghair-mumkin ko banaya mera mumkin 'asim'

us ne paida mere imkan mein aasani ki