عام ہوتی ہے نمائش یہاں عریانی کی

عام ہوتی ہے نمائش یہاں عریانی کی

تو نے وحشت میں کہاں چاک گریبانی کی

اہل زر سامنے آ جائیں کہ افلاس چھپے

ہم نے تصویر بنانی ہے فراوانی کی

عام آنکھوں سے اسے دیکھنا ممکن ہی نہیں

ہم نے جس حسن کی مدحت میں غزل خوانی کی

اس نے تحقیق پہ مامور کیا ہے مجھ کو

جس نے منظر میں نمایاں مری حیرانی کی

اب کے آیا ہے سمندر نئی طغیانی میں

لہر پانی میں نظر آئی نہیں پانی کی

غیر ممکن کو بنایا مرا ممکن عاصمؔ

اس نے پیدا مرے امکان میں آسانی کی