aankh lagte hi meri nind uDane lag jaen

aañkh lagte hī mirī niiñd uḌāne lag jaa.eñ

ḳhvāb chiḌiyoñ kī tarah shor machāne lag jaa.eñ

ham ki gahrā.ī meñ bahte haiñ samundar kī tarah

jaane kis vaqt tirī sat.h pe aane lag jaa.eñ

ye bhī mumkin hai koī rokne vaalā hī na ho

ye bhī mumkin hai yahāñ mujh ko zamāne lag jaa.eñ

isī ummīd pe guzre ka.ī mausam ḳhālī

shāyad is baar shajar baur uThāne lagā jaa.eñ

dekh ai husn-e-farāvāñ ye bahut mumkin hai

merā dil tak na lage tere ḳhazāne lag jaa.eñ

kār-e-duniyā bhī 'ajab hai ki mire ghar vaale

din nikalte hī mirī ḳhair manāne lag jaa.eñ

aankh lagte hi meri nind uDane lag jaen

KHwab chiDiyon ki tarah shor machane lag jaen

hum ki gahrai mein bahte hain samundar ki tarah

jaane kis waqt teri sath pe aane lag jaen

ye bhi mumkin hai koi rokne wala hi na ho

ye bhi mumkin hai yahan mujh ko zamane lag jaen

isi ummid pe guzre kai mausam KHali

shayad is bar shajar baur uThane laga jaen

dekh ai husn-e-farawan ye bahut mumkin hai

mera dil tak na lage tere KHazane lag jaen

kar-e-duniya bhi 'ajab hai ki mere ghar wale

din nikalte hi meri KHair manane lag jaen