aao hum tum donon mil kar duniya ko Thukraate hain

aao ham tum donoñ mil kar duniyā ko Thukrāte haiñ

bāhar se zinda rahte haiñ andar se mar jaate haiñ

jaane kab tak sūrat nikle chārāgar ke aane kī

tab tak apnī sāñsoñ se hī zanjīreñ pighlāte haiñ

apnī mad.hoshī kā 'ālam dīvāroñ ne dekhā hai

ham apne dil kā paimāna ḳhalvat meñ chhalkāte haiñ

tujh ko kaḌvī lagtī haiñ to shāyad kaḌvī hī hoñgī

ham to bas terī bātoñ ko jyuuñ kā tyuuñ dohrāte haiñ

duniyā vāloñ se kyā charchā karte apne zaḳhmoñ kā

vo bāteñ karne se to ham ḳhud se bhī katrāte haiñ

yuuñ to tum ko barsoñ pahle ham ne apnā maan liyā

phir bhī ab tak naam tumhārā lene meñ sharmāte haiñ

duniyā vaale hañstā gaatā chehra dekhā karte haiñ

un ko kyā mā'lūm ki ham bhī rote haiñ jhuñjhlāte haiñ

ek akelā dil duniyā kī saarī bāteñ ek taraf

ik chhoTī sī kashtī le kar tūfāñ se Takrāte haiñ

aao hum tum donon mil kar duniya ko Thukraate hain

bahar se zinda rahte hain andar se mar jate hain

jaane kab tak surat nikle chaaragar ke aane ki

tab tak apni sanson se hi zanjiren pighlate hain

apni madhoshi ka 'alam diwaron ne dekha hai

hum apne dil ka paimana KHalwat mein chhalkate hain

tujh ko kaDwi lagti hain to shayad kaDwi hi hongi

hum to bas teri baaton ko jyun ka tyun dohraate hain

duniya walon se kya charcha karte apne zaKHmon ka

wo baaten karne se to hum KHud se bhi katraate hain

yun to tum ko barson pahle hum ne apna man liya

phir bhi ab tak nam tumhaara lene mein sharmate hain

duniya wale hansta gata chehra dekha karte hain

un ko kya ma'lum ki hum bhi rote hain jhunjhlate hain

ek akela dil duniya ki sari baaten ek taraf

ek chhoTi si kashti le kar tufan se Takraate hain