aasan nahin samajhna izhaar ke maani
āsāñ nahīñ samajhnā iz.hār ke ma'ānī
inkār meñ chhupe haiñ iqrār ke ma'ānī
ik husn kā asar hai ab tak mirī nazar pe
pahlī daf'a khule haiñ dīdār ke ma'ānī
nā-vāqif-e-nigāh-e-mā'shūq ho abhī tum
kaise samajh sakoge ash'ār ke ma'ānī
har ek dar hamesha tum ko khulā milā hai
tum par nahīñ khuleñge dīvār ke ma'ānī
ik lafz hai sukūnat yā'nī tirī rifāqat
baaqī luġhat meñ haiñ sab bekār ke ma'ānī
aasan nahin samajhna izhaar ke ma'ani
inkar mein chhupe hain iqrar ke ma'ani
ek husn ka asar hai ab tak meri nazar pe
pahli daf'a khule hain didar ke ma'ani
na-waqif-e-nigah-e-ma'shuq ho abhi tum
kaise samajh sakoge ash'ar ke ma'ani
har ek dar hamesha tum ko khula mila hai
tum par nahin khulenge diwar ke ma'ani
ek lafz hai sukunat ya'ni teri rifaqat
baqi lughat mein hain sab bekar ke ma'ani
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
