اب اور دامن دل تار تار کیا کرتے
اب اور دامن دل تار تار کیا کرتے
الم نصیب امید بہار کیا کرتے
سمجھ لیا تھا سر شام تم نہ آؤ گے
تمام رات بھلا انتظار کیا کرتے
سبک خرام تھے سب شاہراہ ریشم پر
یہ موج خوں ملی جن کو وہ پار کیا کرتے
تھی جب نصیب میں آوارگی بگولوں کے
بکھر نہ جاتے جو مثل غبار کیا کرتے
ہدف بناتے کسے کج کلاہ پھر آخر
جنوں پسند نہ ہوتے تو دار کیا کرتے
وہ نکہت گل تر بن کے دل میں ٹھہرا تھا
تمام شہر کے زہرہ نگار کیا کرتے
یہ جانتے تھے کہ بجلی وہیں پہ گرنی ہے
تو اس سے رحم طلب بار بار کیا کرتے
در قبول ہی جس کو نہ یاد رہ پایا
اسے دعاؤں میں اپنی شمار کیا کرتے
جھپکنے پائیں نہ پلکیں تمام شب اظہرؔ
اب اور دیدۂ خو نابہ بار کیا کرتے
مأخذ:
خارو گل (Pg. 78)
- مصنف: اظہر غوری ندوی
-
- ناشر: اظہر غوری ندوی
- سن اشاعت: 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
