ab to sab kuchh naya naya hai

ab to sab kuchh nayā nayā hai

tū bhī kitnā badal gayā hai

ġhuncha ġhuncha zaḳhm banā hai

ye kaisā mausam aayā hai

ab to dil meñ dard basā hai

ḳhuun to kab kā suukh chukā hai

mere paas zarā baiTho tum

mujh ko ḳhud se Dar lagtā hai

yuuñ hī udaas udaas na phirnā

jaane vaale ne rokā hai

mujh ko udaas jo dekhā to kab

jaane vaalā Thahar gayā hai

yaad us kī is july meñ

sard havā kā ik jhoñkā hai

us kī yaad se hī dil merā

barf sī rātoñ meñ jaltā hai

mujh ko har jānib se 'sādiq'

tanhā.ī ne aa gherā hai

ab to sab kuchh naya naya hai

tu bhi kitna badal gaya hai

ghuncha ghuncha zaKHm bana hai

ye kaisa mausam aaya hai

ab to dil mein dard basa hai

KHun to kab ka sukh chuka hai

mere pas zara baiTho tum

mujh ko KHud se Dar lagta hai

yun hi udas udas na phirna

jaane wale ne roka hai

mujh ko udas jo dekha to kab

jaane wala Thahar gaya hai

yaad us ki is july mein

sard hawa ka ek jhonka hai

us ki yaad se hi dil mera

barf si raaton mein jalta hai

mujh ko har jaanib se 'sadiq'

tanhai ne aa ghera hai