اب تو سب کچھ نیا نیا ہے

اب تو سب کچھ نیا نیا ہے

تو بھی کتنا بدل گیا ہے

غنچہ غنچہ زخم بنا ہے

یہ کیسا موسم آیا ہے

اب تو دل میں درد بسا ہے

خون تو کب کا سوکھ چکا ہے

میرے پاس ذرا بیٹھو تم

مجھ کو خود سے ڈر لگتا ہے

یوں ہی اداس اداس نہ پھرنا

جانے والے نے روکا ہے

مجھ کو اداس جو دیکھا تو کب

جانے والا ٹھہر گیا ہے

یاد اس کی اس جولائی میں

سرد ہوا کا اک جھونکا ہے

اس کی یاد سے ہی دل میرا

برف سی راتوں میں جلتا ہے

مجھ کو ہر جانب سے صادقؔ

تنہائی نے آ گھیرا ہے