ab to yun KHwab ke raston pe qadam rakhta hun

ab to yuuñ ḳhvāb ke rastoñ pe qadam rakhtā huuñ

jis tarah apnī hī āñkhoñ pe qadam rakhtā huuñ

dekhtā huuñ to dahakte hue angāre haiñ

aur chaltā huuñ to phūloñ pe qadam rakhtā huuñ

nashsha aisā hai ki hai laġhzish-e-pā āñkhoñ meñ

laḌkhaḌātā huuñ to shīshoñ pe qadam rakhtā huuñ

andar andar hī koī raah nikaltī hui hai

ye jo maiñ apne hī qadmoñ pe qadam rakhtā huuñ

thartharā uThtī hai paanī kī tarah dil kī zamīñ

yaad ke Dolte rassoñ pe qadam rakhtā huuñ

dil meñ chaltī hai kisī guzre zamāne kī havā

raakh hotī huī yādoñ pe qadam rakhtā huuñ

mujh meñ rah rah ke ubhartī hai chaTaḳhne kī sadā

jaise TuuTī huī qabroñ pe qadam rakhtā huuñ

haath aa.e bhī to kyā kār-kushā.ī kā sirā

maiñ ki ḳhud apne irādoñ pe qadam rakhtā huuñ

qāfiya tang kiye rahtā huuñ din raat apnā

kis qadar saḳht zamīnoñ pe qadam rakhtā huuñ

ab to yun KHwab ke raston pe qadam rakhta hun

jis tarah apni hi aankhon pe qadam rakhta hun

dekhta hun to dahakte hue angare hain

aur chalta hun to phulon pe qadam rakhta hun

nashsha aisa hai ki hai laghzish-e-pa aankhon mein

laDkhaData hun to shishon pe qadam rakhta hun

andar andar hi koi rah nikalti hui hai

ye jo main apne hi qadmon pe qadam rakhta hun

tharthara uThti hai pani ki tarah dil ki zamin

yaad ke Dolte rasson pe qadam rakhta hun

dil mein chalti hai kisi guzre zamane ki hawa

rakh hoti hui yaadon pe qadam rakhta hun

mujh mein rah rah ke ubharti hai chaTaKHne ki sada

jaise TuTi hui qabron pe qadam rakhta hun

hath aae bhi to kya kar-kushai ka sira

main ki KHud apne iradon pe qadam rakhta hun

qafiya tang kiye rahta hun din raat apna

kis qadar saKHt zaminon pe qadam rakhta hun