اب وہ پہلے سے مہر و ماہ نہیں
اب وہ پہلے سے مہر و ماہ نہیں
کوئی آسودۂ نگاہ نہیں
جو بھی نکلا تمہاری محفل سے
اس کو دنیا میں پھر پناہ نہیں
عشق کا درد پھر برا کیا ہے
موت لازم ہے اشتباہ نہیں
زندگی ہی گناہ جب ٹھہری
زندگی میں کوئی گناہ نہیں
دشمنوں سے تو ہے حذر ممکن
دوستوں سے کہیں پناہ نہیں
تم اگر مرکز تمنا ہو
پھر تمنا کوئی گناہ نہیں
اک جھلک ان کی دیکھ لی احساسؔ
اب کوئی مرکز نگاہ نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
