agni kunDal mein hath Dala hai

agnī kunDal meñ haath Daalā hai

kyoñ mirī aasnī pe baiThā hai

chāñd ḳhasta palang ke uupar

Tāñgeñ laTkā.e gungunātā hai

dil vo ḳhāshāk kī hai chhat jis meñ

kuchh abābīloñ kā baserā hai

ai mire pahle 'ishq ke bālak

kyā ye sach hai ki tū kuñvārā hai

tū kabūtar hai yā koī maktūb

merī umrāo-jān-adā kā hai

jin ko tū shāḳh se uḌātī thī

un parindoñ ne zahr khāyā hai

yahī āsār haiñ qayāmat ke

'ishq ko vārisoñ ne maarā hai

ek kaale kaThor bādal ne

kyoñ dhanak kā suhāg luuTā hai

aadmī ke uḌātā hai purze

'ishq bārūd kā dhamākā hai

kā.enāt ik kitāb hai jis meñ

mere mazmūn kā ḳhulāsa hai

raat kuchh der hosh aayā to

'mīr' sāhib ne pahlū badlā hai

surḳh Dorā hai aañkh meñ jaise

gul-muhar par charāġh jaltā hai

tū ne yādoñ kī minjanīqoñ se

dil kī bastī ko gher rakkhā hai

kar ke paidā suḳhan ne dushman haa.e

kis musībat meñ mujh ko Daalā hai

sabz hone lagī hai vo khaa.ī

jis meñ tū ne mujhe dhakelā hai

jaane kin ḳhvāb-nāk jhīloñ se

sārasoñ ne mujhe pukārā hai

kyoñ rakhā hai lapeT ke siina

kuchh batā is samor meñ kyā hai

ham se pūchho firāq ke sadme

ham ne tanhā.iyoñ ko bhogā hai

chāñdnī ke udaas jangal se

aaj koī guzarne vaalā hai

chāñd jab Dūbne lagā hai 'shafaq'

duur ufuq par ġhubār chamkā hai

agni kunDal mein hath Dala hai

kyon meri aasni pe baiTha hai

chand KHasta palang ke upar

Tangen laTkae gungunata hai

dil wo KHashak ki hai chhat jis mein

kuchh ababilon ka basera hai

ai mere pahle 'ishq ke baalak

kya ye sach hai ki tu kunwara hai

tu kabutar hai ya koi maktub

meri umrao-jaan-ada ka hai

jin ko tu shaKH se uDati thi

un parindon ne zahr khaya hai

yahi aasar hain qayamat ke

'ishq ko warison ne mara hai

ek kale kaThor baadal ne

kyon dhanak ka suhag luTa hai

aadmi ke uData hai purze

'ishq barud ka dhamaka hai

kaenat ek kitab hai jis mein

mere mazmun ka KHulasa hai

raat kuchh der hosh aaya to

'mir' sahib ne pahlu badla hai

surKH Dora hai aankh mein jaise

gul-muhar par charagh jalta hai

tu ne yaadon ki minjaniqon se

dil ki basti ko gher rakkha hai

kar ke paida suKHan ne dushman hae

kis musibat mein mujh ko Dala hai

sabz hone lagi hai wo khai

jis mein tu ne mujhe dhakela hai

jaane kin KHwab-nak jhilon se

sarason ne mujhe pukara hai

kyon rakha hai lapeT ke sina

kuchh bata is samor mein kya hai

hum se puchho firaq ke sadme

hum ne tanhaiyon ko bhoga hai

chandni ke udas jangal se

aaj koi guzarne wala hai

chand jab Dubne laga hai 'shafaq'

dur ufuq par ghubar chamka hai