ajab sa ye tamasha ho raha hai

'ajab sā ye tamāshā ho rahā hai

jo sīdhā thā vo ulTā ho rahā hai

hamārī pyaas baḌhtī jā rahī hai

ye dariyā aur gahrā ho rahā hai

hamāre baa'd kyā hai jo na hogā

hamāre hote bhī kyā ho rahā hai

ye kis ke dhyān meñ masrūf huuñ maiñ

galī meñ koī jhagḌā ho rahā hai

purāne log hairāñ ho rahe haiñ

na.ī duniyā meñ ye kyā ho rahā hai

khulī rahne do ghar kī khiḌkiyoñ ko

hamārā muuD achchhā ho rahā hai

'ajab sa ye tamasha ho raha hai

jo sidha tha wo ulTa ho raha hai

hamari pyas baDhti ja rahi hai

ye dariya aur gahra ho raha hai

hamare ba'd kya hai jo na hoga

hamare hote bhi kya ho raha hai

ye kis ke dhyan mein masruf hun main

gali mein koi jhagDa ho raha hai

purane log hairan ho rahe hain

nai duniya mein ye kya ho raha hai

khuli rahne do ghar ki khiDkiyon ko

hamara muD achchha ho raha hai