اپنے جیسوں سے دوستی کر لی
اپنے جیسوں سے دوستی کر لی
زندگی ہم نے زندگی کر لی
سو طریقے تھے خودکشی کے مگر
ہم بھی پاگل تھے عاشقی کر لی
وقت آیا تو روٹھ بھی بیٹھیں
وقت آیا تو بات بھی کر لی
باغ کے حال کا تقاضا تھا
ایک پودے نے نوکری کر لی
پاؤں چھو کر بزرگوں کا ہم نے
پل میں عرصوں کی بندگی کر لی
یار کرنا تھا کچھ الگ ہم کو
لیک سے ہٹ کے شاعری کر لی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
