apni tanhai ke hisar mein hun
apnī tanhā.ī ke hisār meñ huuñ
ik ġhazal-ḳhez husn-zār meñ huuñ
tū ikaa.ī meñ ek vāhid hai
maiñ akelā yahāñ hazār meñ huuñ
ye jo maiñ dekhtā huuñ muḌ muḌ kar
apne maazī ke intizār meñ huuñ
apnī manzil na tū banā mujh ko
dost maiñ ḳhud bhī rah-guzār meñ huuñ
muḳhtasar hai tavīl-tar muddat
maiñ tavālat ke iḳhtisār meñ huuñ
pahlī manzil yaqīn kī shak hai
be-yaqīnī ke e'tibār meñ huuñ
kyā mirā iḳhtiyār hai 'āsim'
ye ki maiñ apne iḳhtiyār meñ huuñ
apni tanhai ke hisar mein hun
ek ghazal-KHez husn-zar mein hun
tu ikai mein ek wahid hai
main akela yahan hazar mein hun
ye jo main dekhta hun muD muD kar
apne mazi ke intizar mein hun
apni manzil na tu bana mujh ko
dost main KHud bhi rah-guzar mein hun
muKHtasar hai tawil-tar muddat
main tawalat ke iKHtisar mein hun
pahli manzil yaqin ki shak hai
be-yaqini ke e'tibar mein hun
kya mera iKHtiyar hai 'asim'
ye ki main apne iKHtiyar mein hun
- Book : Lafz Mehfooz Kar Liye Jaayen (Pg. 151)
- Author :Asim Wasti
- Publication : Rekhta Publications (2020)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
