badan ka tafsili jaeza ghum kar liya hai

badan kā tafsīlī jā.eza ghuum kar liyā hai

'ilāqa āfat-zada hai mā'lūm kar liyā hai

koī latīfa thā jis meñ yāroñ kā zikr aayā

use hañsānā thā ḳhud ko maġhmūm kar liyā hai

maiñ ḳhush huuñ ab naam hogā fehrist-e-ahl-e-ġham meñ

jabhī bichhaḌne kā faisla jhuum kar liyā hai

sanad rahe taaki aur zarūrat ke vaqt kaam aa.e

tamām-tar iztirāb manzūm kar liyā hai

ye kaun shauqīn hai ḳhalā ke mushāhide kā

mirī taraf kis ne camera zoom kar liyā hai

badan meñ sirf ek kī jagah thī so maiñ ne ḳhud ko

tumhārī maujūdgī meñ mā'dūm kar liyā hai

zabān sī lau nikāl kar muñh chiḌhā rahā thā

havā ne badla charāġh ko chuum kar liyā hai

badan ka tafsili jaeza ghum kar liya hai

'ilaqa aafat-zada hai ma'lum kar liya hai

koi latifa tha jis mein yaron ka zikr aaya

use hansana tha KHud ko maghmum kar liya hai

main KHush hun ab nam hoga fehrist-e-ahl-e-gham mein

jabhi bichhaDne ka faisla jhum kar liya hai

sanad rahe taki aur zarurat ke waqt kaam aae

tamam-tar iztirab manzum kar liya hai

ye kaun shauqin hai KHala ke mushahide ka

meri taraf kis ne camera zoom kar liya hai

badan mein sirf ek ki jagah thi so main ne KHud ko

tumhaari maujudgi mein ma'dum kar liya hai

zaban si lau nikal kar munh chiDha raha tha

hawa ne badla charagh ko chum kar liya hai