bahaar be-sipar-e-jam-e-yar guzre hai

bahār be-sipar-e-jām-e-yār guzre hai

nasīm tiir sī chhātī ke paar guzre hai

sharāb halq se hotī nahīñ faro tujh bin

gulū-e-ḳhushk se teġh āb-dār guzre hai

guzar mirā tire kūche meñ gar nahīñ to na ho

mire ḳhayāl meñ tū laakh baar guzre hai

kahe hai aaj tire dar pe iztirāb-e-nasīm

ki is jahāñ se koī ḳhāksār guzre hai

tirī galī se guzartā huuñ is tarah zālim

ki jaise ret se paanī kī dhaar guzre hai

bahaar be-sipar-e-jam-e-yar guzre hai

nasim tir si chhati ke par guzre hai

sharab halq se hoti nahin faro tujh bin

gulu-e-KHushk se tegh aab-dar guzre hai

guzar mera tere kuche mein gar nahin to na ho

mere KHayal mein tu lakh bar guzre hai

kahe hai aaj tere dar pe iztirab-e-nasim

ki is jahan se koi KHaksar guzre hai

teri gali se guzarta hun is tarah zalim

ki jaise ret se pani ki dhaar guzre hai