bala ho gae the wo aane ke baad

balā ho ga.e the vo aane ke baa'd

magar yaad aate haiñ jaane ke baa'd

yahāñ āmad-o-raft ruktī nahīñ

nayā aa rahā hai purāne ke baa'd

mirī āp-bītī ke safhāt meñ

fasāna paḌhoge fasāne ke baa'd

tamāshā.ī the sunñe vaale na the

maiñ chup ho gayā gungunāne ke baa'd

kisī shaḳhs kā dil dukhāoge tum

to pachhtāoge dil dukhāne ke baa'd

jo kah kar ga.e the ki kal ā.eñge

vo kal aa ga.e ik zamāne ke baa'd

'ajab farq hotā hai us shaḳhs meñ

manāne se pahle manāne ke baa'd

mohabbat kī qāte’ hai qurbat 'sha'ūr'

use kho diyā ham ne paane ke ba.ad

bala ho gae the wo aane ke ba'd

magar yaad aate hain jaane ke ba'd

yahan aamad-o-raft rukti nahin

naya aa raha hai purane ke ba'd

meri aap-biti ke safhat mein

fasana paDhoge fasane ke ba'd

tamashai the sunne wale na the

main chup ho gaya gungunane ke ba'd

kisi shaKHs ka dil dukhaoge tum

to pachhtaoge dil dukhane ke ba'd

jo kah kar gae the ki kal aaenge

wo kal aa gae ek zamane ke ba'd

'ajab farq hota hai us shaKHs mein

manane se pahle manane ke ba'd

mohabbat ki qate’ hai qurbat 'sha'ur'

use kho diya hum ne pane ke baad