be-ghari ka use anjam nazar aa gaya tha

be-gharī kā use anjām nazar aa gayā thā

sub.h kā bhūlā huā shaam ko ghar aa gayā thā

kyoñ na utrī mirī āñkhoñ meñ tire naam kī niiñd

mere hisse meñ tirā ḳhvāb agar aa gayā thā

yuuñ kamar-basta huā aglī manāzil ke liye

maiñ musāfir thā mirā raḳht-e-safar aa gayā thā

kyoñ mujhe ḳhaak uḌāne kī ijāzat nahīñ thī

jab mujhe ḳhaak uḌāne kā hunar aa gayā thā

tū ne kuchh paḌh ke to phūñkā thā sabhī logoñ par

shahr kā shahr tire zer-e-asar aa gayā thā

maiñ ne dutkār diyā thā jise nā-dānī meñ

ḳhaak chhānī to usī ḳhaak meñ zar aa gayā thā

is liye raah meñ ruknā paḌā 'āzar' mujh ko

mere raste meñ vo be-sāya shajar aa gayā thā

be-ghari ka use anjam nazar aa gaya tha

subh ka bhula hua sham ko ghar aa gaya tha

kyon na utri meri aankhon mein tere nam ki nind

mere hisse mein tera KHwab agar aa gaya tha

yun kamar-basta hua agli manazil ke liye

main musafir tha mera raKHt-e-safar aa gaya tha

kyon mujhe KHak uDane ki ijazat nahin thi

jab mujhe KHak uDane ka hunar aa gaya tha

tu ne kuchh paDh ke to phunka tha sabhi logon par

shahr ka shahr tere zer-e-asar aa gaya tha

main ne dutkar diya tha jise na-dani mein

KHak chhani to usi KHak mein zar aa gaya tha

is liye rah mein rukna paDa 'azar' mujh ko

mere raste mein wo be-saya shajar aa gaya tha