dil-e-afsurda kisi gam Thahar jaega
dil-e-afsurda kisī gaam Thahar jā.egā
vo bhī kuchh roz meñ ro-dho ke sañvar jā.egā
laakh shiddat sahī sadme kī magar yuuñ hai ki
aadmī vaqt ke hamrāh guzar jā.egā
ibtidā ho yā ho anjām safar kā yaaro
rāsta jis bhī taraf jā.egā muḌ jā.egā
rail chīḳhegī tujhe raat jo le jaate hue
gaañv kī baat hī kyā dil bhī sihar jā.egā
zindagī kā ye safar laakh hai dil-jū lekin
jo musāfir hai kisī roz to ghar jā.egā
aur batlā.eñ kyā jiine kā sabab ham apne
phuul ḳhush-bū ko bikheregā bikhar jā.egā
dil-e-afsurda kisi gam Thahar jaega
wo bhi kuchh roz mein ro-dho ke sanwar jaega
lakh shiddat sahi sadme ki magar yun hai ki
aadmi waqt ke hamrah guzar jaega
ibtida ho ya ho anjam safar ka yaro
rasta jis bhi taraf jaega muD jaega
rail chiKHegi tujhe raat jo le jate hue
ganw ki baat hi kya dil bhi sihar jaega
zindagi ka ye safar lakh hai dil-ju lekin
jo musafir hai kisi roz to ghar jaega
aur batlaen kya jine ka sabab hum apne
phul KHush-bu ko bikherega bikhar jaega
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
