اک کام تک بھی ہم نے خود اپنا نہیں کیا

اک کام تک بھی ہم نے خود اپنا نہیں کیا

کرنے کو اس جہان میں کیا کیا نہیں کیا

یہ کون سے گناہ کی مجھ کو ملی سزا

میں نے کسی کے ساتھ تو ایسا نہیں کیا

رب سے گلہ میں موت کا کیوں کر کروں بتا

اس نے تو کوئی عمر کا وعدہ نہیں کیا

مخلص تھا میرا عشق فقط آپ کے لیے

یوں میرے دل سے کھیل کے اچھا نہیں کیا

پہلے بھی عشق تم کو ہوا تھا کسی کے ساتھ

میرا تو چھوڑ اس نے بھی سچا نہیں کیا

چاہت تھی سب کے سامنے لے آؤں سچ ترا

تو عشق تھا سو اس لئے رسوا نہیں کیا