ek mulaqat ka bas tum se bahana chaha

ik mulāqāt kā bas tum se bahānā chāhā

ham ne kab apne liye saarā zamāna chāhā

tum ne jo zaḳhm diye ham ko bataur-e-tohfa

chādar-e-ashk meñ har ġham ko chhupānā chāhā

maiñ ne kab māñgī hukūmat yā koī taḳht yā taaj

zindagānī meñ faqat saath tumhārā chāhā

tum ne dāman ko pakaḌ kar mujhe rokā har dam

maiñ ne jab jab bhī mohabbat se kinārā chāhā

ek mulaqat ka bas tum se bahana chaha

hum ne kab apne liye sara zamana chaha

tum ne jo zaKHm diye hum ko bataur-e-tohfa

chadar-e-ashk mein har gham ko chhupana chaha

main ne kab mangi hukumat ya koi taKHt ya taj

zindagani mein faqat sath tumhaara chaha

tum ne daman ko pakaD kar mujhe roka har dam

main ne jab jab bhi mohabbat se kinara chaha