isi bhanwar mein rahunga to par paunga

isī bhañvar meñ rahūñgā to paar pā.ūñgā

agar kināre pe aayā to Duub jā.ūñgā

maiñ adh-khilā huuñ abhī to simaT bhī saktā huuñ

gar apne rang meñ aayā to phail jā.ūñgā

nazar milā ke vo be-chehra kar gayā mujh ko

ab aa.ine meñ kahāñ ḳhud ko dekh pā.ūñgā

mirā qayām kahīñ par mirā maqām kahīñ

zarā sī der maiñ Thahrūñgā lauT jā.ūñgā

maiñ apnī ḳhaak se ījād ho gayā to phir

maiñ apne vāste sahrā bhī ḳhud banā.ūñgā

kisī daraḳht se kar lūñgā apnā dukh sājhā

kisī daraḳht ke saa.e meñ baiTh jā.ūñgā

isi bhanwar mein rahunga to par paunga

agar kinare pe aaya to Dub jaunga

main adh-khila hun abhi to simaT bhi sakta hun

gar apne rang mein aaya to phail jaunga

nazar mila ke wo be-chehra kar gaya mujh ko

ab aaine mein kahan KHud ko dekh paunga

mera qayam kahin par mera maqam kahin

zara si der main Thahrunga lauT jaunga

main apni KHak se ijad ho gaya to phir

main apne waste sahra bhi KHud banaunga

kisi daraKHt se kar lunga apna dukh sajha

kisi daraKHt ke sae mein baiTh jaunga