roz roz ye lambi tan ke sona aur na hona

roz roz ye lambī taan ke sonā aur na honā

kab kā huā barābar apnā honā aur na honā

ek hī vaqt meñ donoñ bāteñ kyūñ-kar ho saktī haiñ

yā'nī shaam kināre baiTh ke ronā aur na honā

sab kā DhūñDhte rahnā vo be-sūd yahīñ har jānib

apne aap ko isī bhiiḌ meñ khonā aur na honā

jaise do rangoñ kā milnā aur miT jaanā mil kar

hone ko kisī an-hone meñ samonā aur na honā

mail kī sūrat rahnā apne pahne hue kapḌoñ meñ

aur phir un ko kahīñ utaar ke dhonā aur na honā

shaam aur shahr ke saath hī dhund meñ gum ho jaanā aksar

us kī diid se āñkheñ roz bhigonā aur na honā

bik jaanā bāzār-e-ḳhayāl meñ puurī qīmat le kar

sochte jaanā us ke jism kā sonā aur na honā

ruk jaanā lahroñ kā saarā shor 'zafar' us lamhe

ḳhvāb samundar meñ ḳhud ko vo Dubonā aur na honā

roz roz ye lambi tan ke sona aur na hona

kab ka hua barabar apna hona aur na hona

ek hi waqt mein donon baaten kyun-kar ho sakti hain

ya'ni sham kinare baiTh ke rona aur na hona

sab ka DhunDhte rahna wo be-sud yahin har jaanib

apne aap ko isi bhiD mein khona aur na hona

jaise do rangon ka milna aur miT jaana mil kar

hone ko kisi an-hone mein samona aur na hona

mail ki surat rahna apne pahne hue kapDon mein

aur phir un ko kahin utar ke dhona aur na hona

sham aur shahr ke sath hi dhund mein gum ho jaana aksar

us ki did se aankhen roz bhigona aur na hona

bik jaana bazar-e-KHayal mein puri qimat le kar

sochte jaana us ke jism ka sona aur na hona

ruk jaana lahron ka sara shor 'zafar' us lamhe

KHwab samundar mein KHud ko wo Dubona aur na hona