tum chaho ki duniya mein rahe nam kisi ka

tum chāho ki duniyā meñ rahe naam kisī kā

kar saktī hai kyā gardish-e-ayyām kisī kā

hai 'ishq jo mujh ko ruḳh-o-gesū se kisī ke

paḌhtā huuñ vazīfa sahar-o-shām kisī kā

kis kī shab-e-‘ishrat sahar-e-ġham se na badlī

dekhā na gayā charḳh se ārām kisī kā

kahne ko faqat baat hī rah jaatī hai baaqī

rukne ko to ruktā hī nahīñ kaam kisī kā

qaaf

jā kar mirī jānib se jo darbāñ ne ye kī 'arz

aayā hai koī sun ke baḌā naam kisī kā

kahne lagā jā bhī mujhe kyā bahs kisī se

koī ho mirī bazm meñ kyā kaam kisī kā

phir dekhe koī 'ashk' sitāre kī bulandī

jalva nazar aa.e jo lab-e-bām kisī kā

tum chaho ki duniya mein rahe nam kisi ka

kar sakti hai kya gardish-e-ayyam kisi ka

hai 'ishq jo mujh ko ruKH-o-gesu se kisi ke

paDhta hun wazifa sahar-o-sham kisi ka

kis ki shab-e-‘ishrat sahar-e-gham se na badli

dekha na gaya charKH se aaram kisi ka

kahne ko faqat baat hi rah jati hai baqi

rukne ko to rukta hi nahin kaam kisi ka

qaf

ja kar meri jaanib se jo darban ne ye ki 'arz

aaya hai koi sun ke baDa nam kisi ka

kahne laga ja bhi mujhe kya bahs kisi se

koi ho meri bazm mein kya kaam kisi ka

phir dekhe koi 'ashk' sitare ki bulandi

jalwa nazar aae jo lab-e-baam kisi ka