KHwab

sāl-e-nau sāl-e-amn kahlā.e

kaash ye saal ham ko raas aa.e

āñganoñ ke ḳhizāñ daraḳhtoñ par

jhuum kar ḳhushbuoñ kā baur aa.e

amn ko der-pā 'urūj mile

atomī daur ko zavāl aa.e

raushnī kī koī kiran phūTe

zulmatoñ meñ darāḌ paḌ jaa.e

kisī insāñ ke sāmne jā kar

koī insāñ na haath phailā.e

koī bhūkā na so.e duniyā meñ

raat bhar sab ko sukh kī niiñd aa.e

aadmī aadmī kā ho ġham ḳhvār

ḳhāna-jangī ko maut aa jaa.e

jis se ḳhush-hāliyoñ kā dar vā ho

aisā bharpūr inqalāb aa.e

ziist āzād-e-ġham rahe 'be-dil'

koī ḳhatra na sar pe mañDlā.e

sal-e-nau sal-e-amn kahlae

kash ye sal hum ko ras aae

aanganon ke KHizan daraKHton par

jhum kar KHushbuon ka baur aae

amn ko der-pa 'uruj mile

atomi daur ko zawal aae

raushni ki koi kiran phuTe

zulmaton mein daraD paD jae

kisi insan ke samne ja kar

koi insan na hath phailae

koi bhuka na soe duniya mein

raat bhar sab ko sukh ki nind aae

aadmi aadmi ka ho gham KHwar

KHana-jangi ko maut aa jae

jis se KHush-haaliyon ka dar wa ho

aisa bharpur inqalab aae

zist aazad-e-gham rahe 'be-dil'

koi KHatra na sar pe manDlae