night walk (shab-nawardi)

january kī sardī meñ

yaar shab-navardī meñ

mere ghar chale aa.e

maiñ ne bhī kamīnoñ kī

muḳhtalif namūnoñ kī

aisī mezbānī kī

kursī-vursī lagvā.ī

chā-e-shā.e mañgvā.ī

aag thoḌī dahkā.ī

aag ke dahakne se

guftugū bhī garmā.ī

guftugū bhī chaa.e kī

guftugū alaav kī

aur phir alaav se

ik badan kī yaad aa.ī

maiñ ne zikr chheḌā phir

hashr kā qayāmat kā

us badan kī qāmat kā

us badan kī rangat kā

yaaro kaise batlā.ūñ

us badan ke zer-o-bam

jism pe ugā resham

naaf meñ rukī shabnam

yaar vo badan jis dam

bāzūoñ meñ aatā thā

kyā sitam na Dhātā thā

aag hī lagātā thā

haa.e vo rahā jab tak

ham ne hijr vāloñ kī

rāgnī nahīñ gaa.ī

sardiyāñ nahīñ aa.iiñ

sardiyoñ se yaad aayā

lakḌiyoñ ke sho'le sab

maañd paḌ ga.e lekin

yaar mere jal uTThe

sab ke sab machal uThe

january ki sardi mein

yar shab-nawardi mein

mere ghar chale aae

main ne bhi kaminon ki

muKHtalif namunon ki

aisi mezbani ki

kursi-wursi lagwai

cha-e-shae mangwai

aag thoDi dahkai

aag ke dahakne se

guftugu bhi garmai

guftugu bhi chae ki

guftugu alaw ki

aur phir alaw se

ek badan ki yaad aai

main ne zikr chheDa phir

hashr ka qayamat ka

us badan ki qamat ka

us badan ki rangat ka

yaro kaise batlaun

us badan ke zer-o-bam

jism pe uga resham

naf mein ruki shabnam

yar wo badan jis dam

bazuon mein aata tha

kya sitam na Dhata tha

aag hi lagata tha

hae wo raha jab tak

hum ne hijr walon ki

ragni nahin gai

sardiyan nahin aain

sardiyon se yaad aaya

lakDiyon ke sho'le sab

mand paD gae lekin

yar mere jal uTThe

sab ke sab machal uThe