نائٹ واک (شب نوردی)

جنوری کی سردی میں

یار شب نوردی میں

میرے گھر چلے آئے

میں نے بھی کمینوں کی

مختلف نمونوں کی

ایسی میزبانی کی

کرسی ورسی لگوائی

چائے شائع منگوائی

آگ تھوڑی دہکائی

آگ کے دہکنے سے

گفتگو بھی گرمائی

گفتگو بھی چائے کی

گفتگو الاؤ کی

اور پھر الاؤ سے

اک بدن کی یاد آئی

میں نے ذکر چھیڑا پھر

حشر کا قیامت کا

اس بدن کی قامت کا

اس بدن کی رنگت کا

یارو کیسے بتلاؤں

اس بدن کے زیر و بم

جسم پہ اگا ریشم

ناف میں رکی شبنم

یار وہ بدن جس دم

بازووں میں آتا تھا

کیا ستم نہ ڈھاتا تھا

آگ ہی لگاتا تھا

ہائے وہ رہا جب تک

ہم نے ہجر والوں کی

راگنی نہیں گائی

سردیاں نہیں آئیں

سردیوں سے یاد آیا

لکڑیوں کے شعلے سب

ماند پڑ گئے لیکن

یار میرے جل اٹھے

سب کے سب مچل اٹھے