بیگما میں جو بڑی ہوں تو بھلا تجھ کو کیا

بیگما میں جو بڑی ہوں تو بھلا تجھ کو کیا

پہنے پوشاک زری ہوں تو بھلا تجھ کو کیا

تو تو اوکٹی نہیں جائے گی مرے عیبوں میں

اری میں عیب بھری ہوں تو بھلا تجھ کو کیا

اپنی بجلی کی سی تو چھب کی خبر لے باجی

گرم میں گو کہ ذری ہوں تو بھلا تجھ کو کیا

کسی کا باغ تو لوٹا نہیں ہے میں اپنی

گود پھولوں سے بھری ہوں تو بھلا تجھ کو کیا

نئے دھانوں کی سی کھیتی کی طرح سے انشاؔ

ڈہ ڈہی اور ہری ہوں تو بھلا تجھ کو کیا