aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

khilwa na Thokaren mue dil dar-ba-dar mujhe

Meer Yaar Ali Jaan

khilwa na Thokaren mue dil dar-ba-dar mujhe

Meer Yaar Ali Jaan

MORE BYMeer Yaar Ali Jaan

    khilvā na Thokareñ muue dil dar-ba-dar mujhe

    rusvā na kar zalīl na kar dar-ba-dar mujhe

    bichhḌā vo jab se phir nahīñ aayā nazar mujhe

    merī ḳhabar na us ko na us ḳhabar mujhe

    sadma tirī judā.ī hai is qadar mujhe

    be-dāna paanī kaTte haiñ āThoñ-pahar mujhe

    kaahe ko ġham ke hāthoñ se suulī pe chaḌhtī maiñ

    mansūr koī tujh jo miltā bashar mujhe

    vo to saḌak thī haath pakaḌ letī be-dhaḌak

    merā to Dar na thā pa tumhārā thā Dar mujhe

    tum paanī paanī sharm se hote ajī faqat

    maiñ Duub martī itnī thī ġhairat magar mujhe

    ik sham.a vaale pe maiñ huuñ parvāna aaj kal

    jaltī huuñ niiñd aatī nahīñ rāt-bhar mujhe

    jab okhlī meñ sar diyā mūsal kyā hai Dar

    sab ko ḳhudā de jaisā diyā hai jigar mujhe

    mirzā pe jaan jaatī hai hākim se bhī kahūñ

    phāñsī de chaḌhā.e koī daar par mujhe

    aa aa ke har ghaḌī jo yahāñ ghūrtā hai

    ai 'jān' tere diide se lagtā hai Dar mujhe

    khilwa na Thokaren mue dil dar-ba-dar mujhe

    ruswa na kar zalil na kar dar-ba-dar mujhe

    bichhDa wo jab se phir nahin aaya nazar mujhe

    meri KHabar na us ko na us ki KHabar mujhe

    sadma teri judai ka hai is qadar mujhe

    be-dana pani kaTte hain aaThon-pahar mujhe

    kahe ko gham ke hathon se suli pe chaDhti main

    mansur koi tujh sa jo milta bashar mujhe

    wo to saDak thi hath pakaD leti be-dhaDak

    mera to Dar na tha pa tumhaara tha Dar mujhe

    tum pani pani sharm se hote aji faqat

    main Dub marti itni thi ghairat magar mujhe

    ek shama wale pe main hun parwana aaj kal

    jalti hun nind aati nahin raat-bhar mujhe

    jab okhli mein sar diya musal ka kya hai Dar

    sab ko KHuda de jaisa diya hai jigar mujhe

    mirza pe jaan jati hai hakim se bhi kahun

    phansi de ya chaDhae koi dar par mujhe

    aa aa ke har ghaDi jo yahan ghurta hai tu

    ai 'jaan' tere dide se lagta hai Dar mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now