کی تلاش کا نتیجه | موضو - تمام, صفحہ قلب_مومن

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "قلب_مومن"

انتہائی متعلقہ نتائج "قلب_مومن"

غزل

قلب مومن نہ غم سے گھبرائے
سنتے ہیں بعد رنج راحت ہے

نادر شاہجہاں پوری

غزل

قلب مومن کی عجب شان ہے اللہ اللہ
سر جھکاتا ہوں تو انوار نظر آتے ہیں

محمد یوسف راسخ

غزل

ہو نہ مایوس کہ ہے فتح کی تقریب شکست
قلب مومن کا مری جان نکھرنا ہے یہی

مولانا محمد علی جوہر

نظم

شام ہلال عید

مثل خورشید جبینوں پہ ہیں سجدوں کے نشاں
قلب مومن ہوا مانند قمر آج کی شام

ارمان اکبرآبادی

افسانہ

آخر ش اسے قلب مومن عطا ہوا اور دیکھنا ایک دوسرا جانور رونما ہوا، بالکل ریچھ کی طرح کا۔ وہ محض ایک پہلو سے اٹھا۔ اس کے منھ میں پسلیاں تھیں۔ وہ انھیں دانتوں سے کڑکڑا رہا تھا اور لوگوں نے اس سے کہا! اٹھ اور خونخوار بن اور بےحد گوشت چبا ڈال! پھر ایک تیسرا جانور چیتے کی طرح چالا کی سے نکلا۔ اس کی پیٹھ پر چار پر لگے ہوئے تھے۔ اس کے چار سر بھی تھے اور اس...

اختر اورینوی

لغت سے متعلق نتائج

ریختہ لغت

qalb-e-momin

क़ल्ब-ए-मोमिनقلب مومن

heart of devout

کتاب کے متعلقہ نتیجہ "قلب_مومن"

میرمحمد مومن حیات اورکانامے

سید محی الدین قادری زور

تحقیق

مزید نتائج "قلب_مومن"

غزل

کسی کی جبہ سائی سے کبھی گھستا نہیں پتھر
وہ چوکھٹ موم کی چوکھٹ ہے یا میری جبیں پتھر

حبیب موسوی

مضمون

ہر کوئی مست مئے ذوق تن آسانی ہے تم مسلمان ہو یہ اندازِ مسلمانی ہے حیدری فقر ہے نے دولت عثمانی ہے تم کو اسلاف سے کیا نسبتِ رُوحانی ہے وہ زمانے میں معزّز تھے مسلماں ہو کر اور تم خوار ہوئے تارکِ قُرآں ہو کر یہ اشعار اس شاعر کے ہیں جس نے اپنی شاعری سے بیسویں صدی میں ایک انقلاب آفریں کام لیا۔میری مراد شاعرِ مشرق حکیم الاُمّت حضرت علامہ اقبال سے ہے جنھوں نے اپنی شاعری اور نثر سے اسلام کا پیغام پوری دُنیا میں عام کیا۔ انھوں نے اپنے علم اور تفکرسے اسلام کی ایسی تشریح و توضیح فرمائی کہ اسے زندہ، توانا اور جامع دین ثابت کیا اور اس کی ایسی بھرپور ترجمانی کی اور اس کی عظمت کے ایسے گیت گائیکہ مسلمانوں کو اپنے مسلمان ہونے پر فخر ہونے لگا۔ ورنہ انگریزوں کی غلامی میں رہ کر بہت سے لوگوں پر جہاںمغربی تہذیب حاوی ہونے لگی تھی وہاں ان کا ایمان بھی کمزور پڑ گیا تھا۔ وہ اسلام کو از کار رفتہ سمجھنے لگے تھے۔ جنگ آزادی کے بعد بحثیت قوم مسلمان قوم کا مستقبل انتہائی مخدوش تھا۔ وہ انگریزوں اور اکثریتی طبقے کی چکی میں گھن کی طرح پس رہے تھے اور اسی کو اپنا مقدّر سمجھے بیٹھے تھے۔ ایسے میں سرسید احمد خان کے بعد علامہ اقبال ہی وہ شخصیت تھی جس نے اپنی ولولہ انگیز شاعری سے مسلم اُمّہ کے تنِ مردہ میں جان ڈال دی۔ بے شک ان کے کلام میں جو سوزِ حیات اور روحِ انسانی کا نغمہ موجود ہے وہ نہ صرف ہماری فکر کی آبیاری کرتا ہے بلکہ عشق و مستی اور جذب و جنون بن کر لہو گرماتا رہے گا۔اقبال مشرق و مغرب، ماضی حال اور مستقبل کے شاعر تھے جیسا کہ انھوں نے فرمایا تھا: حادثہ وہ جو ابھی پردہ افلاک میں ہے عکس اس کا میرے آئینہ ادراک میں ہے اقبال شاعری برائے شاعری کے قائل نہیں تھے بلکہ شاعری ان کا ذریعہ پیغام تھی، فرماتے ہیں: میری نوائے پریشاں کو شاعری نہ سمجھ کہ میں ہوں محرمِ راز ِدرون ِ میخانہ یوں تو اقبال نے بنی نوع انسان کی عظمت و سربلندی عطا کرنے والے ہر موضوع پر خامہ فرسائی کی لیکن ان کا روئے سخن مومن اور ان کا موضوع خاص اسلام اور قرآن ہے۔انھوں نے پہلے خودقرآن کو دل میں بسایا اس سے نورِ بصیرت حاصل کیا اور پھر اسے منبع علم و حکمت اور مینارہ رُشد و ہدایت ثابت کرنے کے لیے نظم و نثر دونوں سے بھرپور کام لیا۔انھوں نے قران مجید کو بنی نوع انسان کی ہدایت،رہنمائی، حکمت اور دانائی کا ذریعہ بتایا۔فرماتے ہیں۔ آں کتاب زندہ قرآن حکیم ( وہ کتاب زندہ جسے قرآن حکیم کہتے ہیں) حکمت و لایزال است و قدیم ( اس میں حکمت کی باتیں درج ہیں جو لازوال اور قدیم ہیں) نسخہِ اسرار تکوین حیات (قرآن زندگی کے بھیدوں کا نسخہ ہے) بے ثبات از قوتش گیرد ثبات ( بے ثبات بھی اس کی وجہ سے ثابت قدم ہو جاتا ہے) حرف و را ریب نے تبدیل نے (اس کے حروف میں نہ کوئی شک ہے نہ تبدیلی ہو سکتی ہے) آیہ اش شرمندہ ای تاویل نے (اس کی آیاتِ بینات کی کوئی غلط تاویل نہیں ہو سکتی ہے) اقبال نے مشرق و مغرب کے جید علماء کے علم سے اکتساب فیض کیا جیسے نطشے، نشٹے،برگساں، کانٹ، رومی،راضی،غزالی،عطار اور حکیم بر گسائی سے اقبال نے خوشہ چینی کی، جس کا وہ برملا اعتراف کرتے تھے۔ رُومی ؒکو تو وہ مرشد مانتے تھے۔ فرماتے ہیں۔ اسی کشمکش میں گزریں مری زندگی کی راتیں کبھی سوز و سازِ رومی،کبھی پیچ و تابِ راضی ان سب کے باوجود ان کی فکری اساس خالق کائنات کی تخلیق کردہ کتاب قرآن حکیم ہے جو نہ صرف ان کے فکر و فلسفہ کا محور و مرکز ہے بلکہ ان کا موضوع سخن بھی ہے۔کلام اقبال کہیں براہ راست اور کہیں بالواسطہ کلام اللہ سے ہی ماخوذ ہے۔ علامہ اقبال نے معاشیات، فلسفہ، قانون اور ادب سمیت متعدد بحر ِعلوم کی غواصی کی۔مشرق و مغرب کی عظیم درس گاہوں سے علم کی روشنی سمیٹی۔ لیکن جس کتاب کو تاحیات انھوں نے اپنے سینے کے ساتھ لگا کر رکھا اور اس کو اپنی فکر کا محور و مرکز بنایا وہ قرآن پاک ہے۔ قرآن ان کی سوچوں، ان کی شاعری اور ان کی فکر کا مرکزی ماخذ تھا۔ اقبال کا قرآن سے گہرا تعلق تھا اور یہ ربط ساری زندگی قائم رہا۔بچپن سے جوانی اور بڑھاپے اور بستر مرگ تک قرآن ان کا رفیق ورہنما رہا۔بہت کم لوگوں کو علم ہے کہ عمر کے آخری برسوں میں انہوں نے بڑی محنت سے جمع کی ہوئی تمام کتابیں اپنے کمرے سے اُٹھوا دی تھیں اور ان کے زیر مطالعہ صرف ایک کتاب رہتی تھی جو کہ قرآن حکیم تھا۔وہ صبح،دوپہر شام کئی مرتبہ قران مجید منگواتے۔ خوش الحانی سے تلاوت فرماتے۔ اس دوران فرط جذبات سے ان کے عشق اُبل پڑتے۔ حتی کہ قرآن کے صفحات بھیگ جاتے جنہیں دُھوپ میں رکھ کر سکھا یاجاتا۔ علامہ کی قرآن سے محبت اور رغبت کا آغاز بچپن سے ہو گیا تھا جس کا سہرا ان کے صوفی منش والد شیخ نور محمد کے سر جاتا ہے۔ اقبال نے بتایاکہ لڑکپن میں ایک مرتبہ جب اقبال قرآن کی تلاوت کر رہے تھے تو ان کے والد نے ہونہار بیٹے کو نصیحت کی کہ بیٹا قرآن کی تلاوت اس طرح کرو جیسے یہ تمہارے قلب پر نازل ہو رہا ہے۔ اس کے ساتھ صاحبِ قرآن کی محبت اور عشق دل میں سجا لو پھر تمہیں قرآن پڑھنے کا صحیح سرور آئے گا۔فرمانبردار فرزند نے باپ کے نصیحت پلے باندھ لی اور تاحیات قرآن مجیدسے ایسا ہی گہرا قلبی تعلق رہا۔اسی بارے میں شعر بھی لکھا۔ ترے ضمیر پہ جب تک نہ ہو نزول ِکتاب گرہ کشا ہے نہ رازی نہ صاحب ِکشاف والد محترم کی اس نصیحت کے دوسرے حصے یعنی عشقِ نبیؑ کے بارے میں فرمایا۔ شوق ترا اگر نہ ہو میری نماز کا امام میرا قیام بھی حجاب میرا سجود بھی ہے حجاب یہاں شوق سے مراد عشق رسول ؑ ہے۔یہ قرآن کا اعجاز ہے کہ اقبال جیسا مشرق و مغرب کے علم کا حامل یورپ پلٹ قانون دان قرآن کا ایسا عاشق بنتا ہے کہ اسے صرف اسی میں ہی اماں ملتی ہے۔ نہ کہیں جہاں میں اماں ملی، جو اماں ملی تو کہاں ملی مرے جُرم ِخانہ خراب کو تیرے عُفو ِبندہ نواز میں اقبال جیسے عالم فاضل شخص نے قران کی جو تشریح توضیح اور وکالت کی ہے اس نے انہیں بیسویں صدی میں اسلام اور قرآن کا سب سے بڑا مبلغ اور مفسر بنا دیا ہے اگرچہ انہوں نے باقاعدہ قرآن کی تفسیر نہیں لکھی لیکن اقبال کا کلام اور پیام قرآن کے بیان پر مبنی ہے۔ اسے سمجھنے اور اپنے کاسہ دل میں سمیٹنے کے لیے کلام اقبال اور قرآن دونوں کا متوازی مطالعہ ضروری ہے۔ خود اقبال نے اپنے کلام کو قرآن سے ماخوذ قرار دیا ہے اور ایسی قسم دی کہ کوئی مسلمان اس کی تردید نہیں کر سکتا، فرماتے ہیں۔ گردلم آئینہ بے جوہرست۔ ( اگر میرے دل کا آئینہ بے جوہر ہے) ور بحرفم غیر قرآن مضمر است۔ (اور میرے کلام میں قرآن پاک کے علاوہ کوئی اور حرف چھپا ہے) پردہ ناموس فکرم چاک کن (تو ہے اللہ کے رسولؑ میری فکر کے شرف کا پردہ چاک کر دیجئے) ای خیاباں راز خارم پاک کن ۔ (اور اس خیا باں کو میرے کانٹے سے پاک کر دیجئے) روز محشر خوار و رسوا کن مرا ۔(مجھے قیامت کے دن خوار و رسوا کر دیجئے) بے نصیب از بوسہ پاکن مر۔ا ( اور مجھے اپنی قدم بوسی سے محروم کر دیجئے) بے شک قرآن میں وہ راز پوشیدہ ہے جو مومن کو حقیقی اور سچا مومن بناتا ہے۔یہ مومن کی شان ہے کہ وہ اپنی ذات کو قرآن میں فنا کر دیتا ہے اور قرآنی صفات مومن کی ذات میں بھی ہویداں ہونے لگتی ہیں۔ یہ راز کسی کو نہیں معلوم کہ مومن قاری نظر آتا ہے حقیقت میں ہے قرآن فطرت کا سرودِ ازلی اس کے شب وروز آہنگ میں یکتا، صفت میں سورہِ رحمٰن اقبال جیسے خود کے قرآن کے عاشق تھے اور اس سے قلبی، رُوحانی اور علمی تسکین و استفادہ کرتے تھے،یہی سبق اُنھوں نے دوسروں کو بھی دیا۔قرآن کی عظمت بیان کر کے اس میں غوطہ زن ہونے کی دعوت دیتے ہیں یہ ان کا درد مندانہ دُعائیہ پیام ہے۔ قرآن میں ہو غوطہ زن ہے مردِمسلماں اللہ کرے تجھ کو عطا جدّت کردار

طارق مرزا

غزل

عشق سے جس کا دل گداز نہیں
در عرفاں بھی اس پہ باز نہیں

احمد حسن فدا

مضمون

محمد حسن عسکری نے کسی جگہ ’’مسجدِ قرطبہ‘‘ کو اردو شاعری کا تاج محل کہا ہے۔ تاج محل سے میرا ذہن خود بہ خود دلّی کی شاہی مسجد کی طرف جاتا ہے اور یاد آتا ہے کہ اقبال نے اسے مسجدوں کی دلہن کہا تھا۔ یہ مسجد واقعی ہے بھی دلہن کی طرح۔ نفیس، نازک، خوب صورت۔ لیکن اس میں وہ صلابت، سنگینی اور پختگی نہیں جو مسجد قرطبہ میں پائی جاتی ہے۔ کیا یہ دو قوموں کے مزاج ...

سلیم احمد

غزل

جو شاہوں کو نہیں حاصل وہ جوہر پاس رکھتا ہے
سکون قلب ہر شہزادۂ افلاس رکھتا ہے

محمد عبدالکبیر حنفی

افسانہ

درد بے پناہ درد۔ دل میں اٹھتی ٹیسیں۔۔۔ دماغ میں چبھتی سوئیاں۔۔۔ جسم میں چبھتے کانٹے۔۔۔ قلب پر دہکتے داغ۔۔۔ یادیں۔۔۔ نصف صدی پر چھائی ہوئیں ان گنت یادیں۔۔۔ دلکش، شیریں، پرلطف۔۔۔ دل گداز، دل شکن، دل دوز یادیں۔۔۔ بیتی راتیں، بیتے دن، گزرے لمحات۔۔۔ ان گنت لمحات جن کی چھاپ دماغ پر اَن مٹ ہے۔ دوستوں عزیزوں، غم گساروں، غم دینے والوں کے ان گنت چہرے۔ ایک دوسرے میں مدغم۔ پیاروں کی پیاری صورتیں مسکراتی ہوئی۔ چہیتوں کا وجود غم کی امانت بن کر روح کی پنہائیوں میں سمایا ہوا۔۔۔ اس نے اپنے اردگرد نظرڈالی۔ سب کچھ وہی ہے۔ وہی کمرہ، وہی بستر، وہی گھر۔۔۔ اور گھر والے۔۔۔ مگر۔۔۔ مگر۔۔۔ ہر چیز خالی۔۔۔ ویران۔۔۔ جیسے اس کے اندر سے کچھ نکل گیا ہو۔ بے روح ڈھانچا رہ گیا ہو۔ ہر شے بے حقیقت، بے جان، بے معنی۔ حقیقت صرف ایک حقیقت ہے جس سے اس کا سمبندھ رہ گیا ہے۔ قطرہ قطرہ روح میں ٹپکتا ہوا یادوں کا سمندر۔۔۔ لامتناہی سمندر۔ اور ان یادوں کے زیر سایہ۔۔۔ تڑپتے دن۔۔۔ جاگتی راتیں۔۔۔ دکھتے اعضا۔۔۔ تپتا وجود۔۔۔ احساس کا کرب۔۔۔ زندگی کا درد۔ آہ میرے رب۔ ایک جانِ ناتواں اور اتنے دکھ۔۔۔ ایک نحیف جثہ اور اتنے بھاری بوجھ۔۔۔ ایک کمزور وجود اور یہ کوہ گراں۔۔۔ خدایا۔۔۔ خدایا۔ رات کے سناٹے میں بارہ کا گجراس کے دماغ پر موسل برسارہاتھا۔ تو یہ رات بھی اور راتوں کی طرح اسی عالم کرب میں گزرتی جائے گی۔۔۔ گزرتی جائے گی۔۔۔ اور زندگی۔۔۔ زندگی اس کے دامن سے چمٹی رہے گی۔ تنہائی کا یہ زہر وہ کب تک پیتی رہے گی؟ وہ جو کبھی تنہا نہ رہی۔۔۔ تنہائی میں بھی کیا کچھ ہوتا تھا اس کے پاس۔۔۔ وہ تو دنوں کو مصروف رکھنے، راتوں کو پرسکون بنانے کے لیے مشہور تھی۔ جس کو تکلیف میں راحت، دکھ میں سکھ بنانے کاگر آتا تھا۔ وہ اب سب کچھ بھول گئی تھی۔۔۔؟ وہ۔۔۔ جس نے زندہ رہنے کا گر جان دے دے کر سیکھا تھا۔ اپنایا تھا۔ دوسروں کو سکھایا تھا۔ وہ اب۔۔۔ اب۔۔۔ اس زندگی سے تھک چکی ہے۔ اس دنیا سے اوب چکی تھی۔ وہ زندہ کیوں ہے؟ اب زندہ رہنے کا جواز کیا ہے؟ ضرورت کیا ہے؟ فائدہ کیا ہے؟ جو کچھ کرنا تھا، جو ہونا تھا، جو سہنا تھا، جو کچھ دینا تھا، جو کچھ دنیا سے لینا تھا۔۔۔ وہ لیا جاچکا، دیا جاچکا، سہا جاچکا۔۔۔ اب کس لیے، کس کے لیے یہ جیون۔۔۔ جس کے لیے یہ روح اور جسم کا بندھن۔۔۔ کس کے لیے؟ دنیا کو اب اس کی ضرورت نہ تھی۔ طاقت۔۔۔ جواب دے چکی ہے۔ ہمت و حوصلہ ٹوٹ چکا ہے۔ دل۔۔۔ مگر اب دل کہاں ہے؟ اور یہ جسم کے اندر گوشت کا ناکارہ ٹکڑا۔ یہ بھی تو اب ساتھ نہیں دے رہا ہے۔ دماغ۔۔۔ آہ یہ وفا دار۔۔۔ مونس و غم خوار۔ یہ صدیوں کا پرانا دوست۔ یہ بھی تو تھک چکا ہے۔ یہ بھی تو اب ساتھ چھوڑ رہا ہے اس کا! ذہن پر پردے پڑتے جارہے ہیں۔ اور اس کا فن۔۔۔ زندگی کا سہارا۔۔۔ خودی کا پاسباں، دکھوں کا رفیق، خوشی کا شریک اس کے دل کی تڑپ، دماغ کی کسک، مسرت کی کھنک، حسرت کی للک کا امین و ترجمان۔۔۔ وہ بھی تو اس سے روٹھ گیا ہے۔ وہ جب اسے پکڑنا چاہتی ہے وہ اس کے ہاتھ سے پھسل کر دور جاکھڑا حسرت سے اس کی اور دیکھتا رہ جاتا ہے۔۔۔! کیوں؟ کیوں؟ یہ سب کیوں؟ اس کا محب، محبوب، ساتھی، دوست کوئی نہیں۔ سب ساتھ چھوڑ چکے۔ وہ جن سے زندگی عبارت تھی۔ اب وہ ایک ناکارہ وجود تھا۔ بے مصرف، بے کار۔ اس کی ذات سے سب کو پریشانی ہے۔ تکلیف ہے۔ وہ دوسروں پر بوجھ بنی ہوئی ہے۔ وہ جو زندگی بھر دوسروں کا بوجھ اٹھاتی رہی ہے۔ کہاں تک لوگ اس کی بیماریوں اور پریشانیوں میں سہارا دیں گے۔ کہاں تک کوئی کسی کا دکھ اور غم بٹاسکتا ہے؟ اس نے اردگرد نظرڈالی۔۔۔ پلنگ سے کچھ ہٹ کر زمین پر گدا ڈالے جمی اوندھی پڑی بے خبر سوگئی تھی۔ نوید۔۔۔ دوسرے کمرے کے دروازے کے برابر پلنگ پر سو رہا تھا۔ دونوں تھک گئے ہیں۔ ڈاکٹروں کے پاس دوڑتے، دوائیں لاتے، تیمارداری کرتے۔ ’’بے چارے۔‘‘ اس نے سرگھمایا۔ اسی طرف کوچ پر اس کی زندگی کے سورج کی آخری کرن، نیم دراز۔۔۔ خواب اور بیداری کے بیچ میں پڑی تھی۔ یہ سب تنکے کے سہارے ہیں۔ کون جانے کب یہ سہارے ٹوٹ جائیں۔ کب ساتھ چھوڑدیں۔ اللہ!یہ کیسے خیالات ہیں؟ وہ کیوں سب سے بدگمان ہوتی جارہی ہے۔ مگر یہ لنگر۔۔۔ یہ ڈوبتی کشتی کالنگر ہیں۔ اور لنگر ٹوٹ بھی تو جاتا ہے۔ کشتی کا ساتھ چھوڑ کر دوسری سمت بہہ جاتا ہے۔ اور پھر یہ انسانی لنگر۔۔۔ پاسنگ جیسے ہلکے! ان کے اعصاب جواب دے سکتے ہیں۔ طاقت سلب ہوسکتی ہے۔ ہمت و حوصلہ ٹوٹ سکتا ہے۔ ذہن الٹ سکتا ہے۔ دماغ خراب ہوسکتا ہے۔ دل بیزار ہوجاتا ہے۔ جسم تھک جاتا ہے۔ محبت ختم ہوجاتی ہے۔ ہرشخص اپنی دنیا آپ بنانا چاہتا ہے۔ اسی کو انجوائے کرنا، اسی میں گم رہنا چاہتا ہے۔ اپنی شخصیت کو نکھارنا، اپنی صلاحیتوں کو ابھارنا چاہتا ہے۔ انسان خوش رہنے اور خوش رکھنے کے لیے بنا ہے۔ نہ کہ ناکارہ وجود کو سہارا دینے کے لیے۔ ان شکستہ تختوں، بوسیدہ پتواروں، پھٹے بادبانوں، طوفانوں کی زد میں آئی کشتی کو کون بچاسکتا ہے؟ کون بچائے گا؟ اور کیوں بچائے؟ ہاں مگر ایسی حالت میں۔۔۔ ایسی حالت میں سہارے ملتے تو ہیں۔ ہاں ملتے ہیں مگر کس کے؟ وہ جس نے جنم دیا۔۔۔ دکھ اٹھاکر پالا۔۔۔ یا وہ جس کو جنم دیا گیا اور کرب دکھ سہہ کر پروان چڑھایا۔۔۔ یا وہ جو زندگی کے ساتھی، محب اور محبوب جس پر دل و جان نچھاور کیا جاتا ہے۔ جو بڑھاپے، بیماری، مصیبت میں ایک دوسرے کا ہاتھ تھام کر طوفانوں کی زد میں سے نکل جاتے ہیں۔ وہ خوش نصیب انسان! مگر۔۔۔ اس کو کون سہارا دے گا۔ وہ سب سہارے تو اس سے پہلے ہی چھینے جاچکے ہیں۔ مگر وہ۔۔۔ وہ اتنی نراش کیوں ہے۔ کیا وہ کسی کا سہارا نہیں بن سکتی؟ مگر رشتے ٹوٹ چکے، ہمت جواب دے چکی، صحت ساتھ چھوڑ چکی۔ سب کچھ گیا۔ اب صرف اسی کا آسرا ہے۔ اسی ابدی حقیقت کا جس کا سامنا ہر انسان کو کرنا پڑتا ہے۔ کتنی بڑی رحمت ہے یہ خدا کی۔۔۔ وہ نہ ہوتی۔ تو دنیا انسان کے لیے جہنم بن جاتی۔ دو بجنے کی آواز۔۔۔ یہ رات بھی بیت گئی اور نیند نہ آئی۔ اے کاش!اے کاش اسے نیند آجائے۔ ذرا دیر کو وہ سب دکھوں سے آزاد ہوجائے، سوجائے۔ کچھ اور سوچے۔ کچھ اور۔۔۔ موت کا ایک دن معین ہے۔۔۔ نیند کیوں۔۔۔ نیند کیوں رات بھر۔۔۔ زندگی نام ہے مر مرکے، مر مرکے جیے جانے کا۔ بے آسوں کی آس تو ہی ہے۔ تو ہی ہے۔ جاگتے سوتے پاس۔۔۔ انشا جی اٹھو اب کوچ کرو۔ اب کوچ کرو۔ حسبی اللہ نعم اللہ لا الہ اللہ۔ حسبی اللہ ونعم الوکیل۔۔۔ کس سے پیمان وفا۔۔۔ باندھ رہی ہے۔ بل۔ بل بل بل۔۔۔ اِلا بذکر اللہ تطمئنَّ القلوب۔ اطمینان قلب بذکراللہ۔ درد ایسا کہ ہر رگ میں ہے۔ رگ رگ میں ہے محشر برپا۔ سکون۔۔۔ مگر سکون۔۔۔ کہاں ہے سکون۔۔۔ دل ناداں۔۔۔ دل ناداں۔۔۔ آجاری نندیا۔۔۔ تو آکیوں نہ جا۔ وہ خدایا یہ زمین۔۔۔ تیری۔۔۔ نہیں۔۔۔ میری تو پھر کس کی ہے۔۔۔؟ ہاتھ ہے اللہ کا بندۂ مومن کا۔۔۔ بندۂ مومن۔۔۔ آہ! کہاں ہے وہ بندۂ مومن۔۔۔ نیند اس کی ہے۔ اس کی ہے۔۔۔ کس کی ہے۔۔۔ کہاں ہے۔۔۔ بھیڑیں۔۔۔ گنتی۔ ایک دو، تین، چار، بیس، تیس۔۔۔ اِن اللہ مع الصابرین۔۔۔ اِن اللہ۔۔۔ سکون۔ ایسا کہ مرجانے کو۔۔۔ مرجانے کو۔۔۔ سوجانے کو۔۔۔ سناٹا سناٹا۔۔۔ بے کراں سناٹا۔۔۔ ’’میری جان۔۔۔ لخت جگر، قرۃ العین۔۔۔ نورنظر۔۔۔ تجھے زندہ رہنا ہے۔ زندہ رہنا ہے۔۔۔‘‘ دھیمی، کمزور، نرم، بھولی بسری دور دور پچاس سال کے فاصلے سے آتی ہوئی۔۔۔ یہ کس کی آواز ہے۔۔۔ یہ کس کی آواز ہے۔۔۔ خدایا۔۔۔ یہ کس نے پکارا۔۔۔ یہ مجھے کس نے پکارا۔۔۔ خدایا۔۔۔ میرا دماغ۔۔۔ میرا دماغ۔۔۔ ’’تجھے زندہ رہنا ہے۔‘‘ ’’زندہ رہنا ہے؟ کیوں؟ کس کے لیے؟‘‘ ’’دنیا کے لیے۔۔۔ تو دنیا سے کیوں توقعات کرتی ہے۔ خود دنیا کے لیے جی، دنیا کو کچھ دے۔۔۔ دنیا کو سنوار۔۔۔ دنیا۔۔۔ میں رہ کر۔۔۔ دنیا سے بیزار ہوکر۔۔۔ نہیں۔۔۔ نہیں۔۔۔ یہ بیمار ذہنیت ہے۔ تجھے زندہ رہنا ہے۔ دنیا کے لیے۔۔۔ میرے لیے۔۔۔‘‘ ’’تمہارے لیے۔۔۔ تمہارے لیے۔۔۔ مگر تم تو مجھ سے جدا ہوچکی ہو۔ بہت پہلے۔۔۔ ماں، ماں۔۔۔ مجھے اپنی آغوش میں چھپالو۔۔۔ تم کہاں ہو۔۔۔ کہاں ہو تم۔۔۔‘‘ ’’میں تیرے پاس ہوں۔‘‘ ’’مگر میں تمہیں دیکھ نہیں پارہی۔۔۔ تمہاری آواز۔۔۔ کتنی پرسکون۔۔۔ کتنی پیاری۔۔۔ کتنی دلکش ہے۔ سامنے آؤ۔۔۔ ماں۔۔۔ سامنے آؤ۔۔۔‘‘ ’’میں تو تیرے پاس ہوں۔ پچاس سال سے تیرے ساتھ ہوں۔۔۔ ہر وقت ہرلمحہ میں نے تجھے طاقت دی ہے۔ مرمر کر جینا تو نے کس سے سیکھا ہے۔۔۔ تو نے میری قدروں کو، میرے جذبوں کو، میری آن کو، میرے ایمان کو کہاں سے اپنایا ہے۔ کہاں سے سیکھا ہے۔ میں تیری روح کی قوت، دل کا جذبہ۔۔۔ ایمان کی طاقت بن کر تیرے اندر بس رہی ہوں۔ میں تجھ سے جدا کب تھی۔۔۔ کب ہوں جدا؟ ’’ماں۔۔۔ ماں۔۔۔ ماں۔‘‘ ’’زندہ رہ۔۔۔ زندہ رہ۔۔۔ زندہ رکھ۔۔۔ زندہ رکھ۔‘‘ ’’ماں۔۔۔ ماں۔۔۔ ماں۔‘‘ ’’امی۔۔۔ امی۔۔۔ امی۔‘‘ یہ ننھی سی کوئل کی کوک۔۔۔ یہ کلی کے چٹکنے کا دھیما سا شور۔۔۔ یہ سبک روپتلی ندی کا مدھر انداز۔۔۔ یہ سریلی آواز کس کی ہے۔ کس کی ہے یہ آواز۔ ’’امی امی امی۔‘‘ یہ کس نے آوازدی۔۔۔ یہ میری روح کے اندر چبھتا ہوا لفظ۔۔۔ یہ دل کے تار کو چھیڑتا ہوا دھیما ساز۔۔۔ یہ تو کبھی نہ سنا تھا۔۔۔ یہ کون ہے۔۔۔ تو کون ہے۔۔۔ ہے کون تو۔‘‘ ’’امی۔۔۔ امی۔۔۔ امی یہ میں ہوں۔۔۔ میں۔‘‘ ’’میں۔۔۔‘‘ ’’ہاں۔۔۔ میں۔۔۔ جس کا نام نہیں۔۔۔ جس کا کوئی وجود نہیں۔۔۔ جس کا تمہارے سوا کوئی نہیں۔۔۔ کوئی نہیں۔۔۔‘‘ ’’ہاں۔۔۔ ہاں۔۔۔ میں پہچان رہی ہوں تجھے۔۔۔ تو تو۔۔۔‘‘ ’’ہاں۔۔۔ امی!میں وہی ہوں جس کو تم نے اپنے سینے کی گہرائیوں میں پالا پوسا ہے۔ ہر وجود میں مجھے ڈھونڈا ہے۔۔۔ ہر چہرے میں مجھے پایا ہے۔‘‘ ’’ہاں۔۔۔ ہاں۔۔۔ میری جان۔۔۔ تو میرے پاس۔۔۔‘‘ ’’امی۔۔۔ تجھے زندہ رہنا ہے۔ تو نے ہی تو مجھے شخصیت دی ہے۔ سیرت کا حسن بخشا ہے۔ مجھے نکھارا ہے۔۔۔ سنوارا ہے۔۔۔ تو چلی جائے گی تو۔۔۔ مجھے۔ مجھے۔ کون زندہ رکھے گا۔ کون یاد کرے گا امی! تیرے سوا مجھے کوئی نہیں جانتا۔ کوئی نہیں پہچانتا امی! کوئی نہیں چاہتا امی۔۔۔ میں تجھ میں زندہ ہوں۔۔۔ تجھ سے زندہ ہوں۔ میرے لیے۔۔۔ میرے لیے۔۔۔‘‘ ’’تو کہاں ہے۔۔۔ کہاں ہے تو۔۔۔ کہاں چلی گئی۔۔۔ میری آنکھیں۔۔۔ میرا دل۔۔۔ آہ۔۔۔ تو پھر چلی گئی۔۔۔ پھول سے خوشبو، چاند سے روشنی چھن گئی۔۔۔ کہاں۔۔۔ کدھر۔۔۔ میری زندگی۔۔۔ میری دنیا۔۔۔ کدھر ہے تو۔۔۔‘‘ ’’تم۔۔۔ تم اور بے آس۔۔۔ تم اور بیزار۔۔۔ تم اور مایوس۔۔۔ زندگی سے دنیا سے۔۔۔ لوگوں سے۔۔۔ کیوں آخر کیوں۔۔۔؟‘‘ ’’آہ یہ کس کی آواز ہے؟ یہ پہاڑی چشمہ کی سی مضبوط، دل میں اترجانے والی۔۔۔ گہری پراعتماد آواز!‘‘ ’’یہ تمہاری فطرت نہ تھی۔۔۔ تم میرے اعتماد کو ٹھیس پہنچا رہی ہو۔ تم نے ہمیشہ میرا ساتھ دیا ہے۔ مجھے حوصلہ دیا ہے۔ مگر آج یہ یاس یہ نامرادی۔۔۔ یہ قسمت سے گلہ شکوہ؟ کیوں۔ کیوں؟‘‘ ’’آپ۔۔۔ آپ۔۔۔ کہاں ہیں آپ۔۔۔ میرے پاس آئیے۔ میں یہ آواز اور قریب سے سن لوں۔۔۔ اور قریب۔۔۔ میں آپ کو چھولوں۔۔۔ آپ کہاں تھے۔ کہاں تھے آپ۔‘‘ ’’وعدہ کرو۔۔۔ تمہیں زندہ رہنا ہے۔ کہو تم مجھے نراش نہ کرو گی۔۔۔ زندہ رہوگی۔۔۔‘‘ ’’آپ سے دور رہ کر۔۔۔ نہیں۔۔۔ نہیں۔۔۔ نہیں۔‘‘ ’’میں تم سے دور کب ہوں۔۔۔ تمہاری روح کی گہرائیوں میں ہوں۔ رگِ جاں سے قریب تر۔ تمہارے دل، دماغ، ذہن، یادوں میں سمویا ہوا!‘‘ ’’کہو تم میرے بھروسے کو نہ توڑوگی۔ مجھے نراش نہ کروگی۔ زندہ رہو گی۔۔۔ دنیا کے لیے۔۔۔ میرے لیے۔۔۔ میرے پیاروں کے لیے۔۔۔ میرے کاموں کے لیے۔۔۔ میرے آدرشوں کے لیے۔۔۔ میں تم میں زندہ ہوں۔‘‘ ’’میرے دوست۔۔۔ میرے محبوب۔۔۔ آپ۔۔۔ کہاں ہیں۔۔۔ کدھر ہیں۔ آپ کی آواز۔۔۔ آپ کی ذات۔۔۔ اسی کے لیے میری راتیں جاگتے۔۔۔ میرے دن ترستے بیت رہے ہیں۔ میرا دل زخمی، دماغ سن ہے۔ آپ۔۔۔ آپ۔۔۔ سنیے۔۔۔ سنیے۔۔۔ تو۔۔۔ آپ کی آواز۔۔۔‘‘ تین چہرے۔۔۔ تین آوازیں۔۔۔ آوازیں۔۔۔ چہرے۔۔۔ چہرے۔۔۔ آوازیں۔۔۔ ’’زندہ رہنا ہے۔ میرے لیے۔۔۔ میرے لیے۔۔۔ میرے لیے۔‘‘ یہ کمزور، زرد نحیف چہرہ۔۔۔! یہ ننھی معصوم گلاب کی ادھ کھلی کلی۔۔۔! یہ مردانہ مضبوط مسکراتا چہرہ۔۔۔! یہ کمزور آواز۔۔۔ یہ ننھی چہکار۔۔۔ یہ حکم دیتی۔۔۔ التجا کرتی، محبت و اعتماد سے بھرپور للکار۔۔۔ تین چہرے۔۔۔ تین آوازیں۔۔۔ آوازیں۔۔۔ چہرے۔۔۔ آوازیں۔۔۔! اخاہ۔۔۔ اللہ۔۔۔ اف خدایا۔ اس نے آنکھیں کھولیں۔۔۔! ایک چہرہ اسی پر جھکا ہوا ہے۔ تین چہرے اس پر جھکے ہوئے ہیں۔ ایک آواز اسے پکار رہی ہے۔۔۔ تین آوازیں اس کے کانوں میں گونج رہی ہیں۔ ہاں۔۔۔ کون۔۔۔ ہے۔۔۔ کون ہے۔۔۔ تو۔۔۔! ’’میں تیری ماں ہوں۔‘‘ ’’میں تیرا بچہ ہوں۔‘‘ ’’میں تیرا محبوب ہوں۔‘‘ ایک چہرہ اسی پر جھکا ہوا۔ مامتا کے نور سے دمکتا ہواچہرہ۔ دو آنکھیں۔ اس کی آنکھوں میں جھانک رہی ہیں۔ معصوم فرزندانہ محبت سے بھرپور نظریں۔ ایک چہرہ۔۔۔ پہاڑ کی سی مضبوطی کا حامل چہرہ۔ جس کے ہونٹوں پر ایک اداس مسکراہٹ۔۔۔ اس کے محبوب کی مخصوص مسکراہٹ۔ ’’آپ کو زندہ رہنا ہے۔ میرے لیے۔۔۔‘‘ کوئی سرگوشی کر رہا ہے۔ اس کی بانہیں اٹھتی ہیں۔ اس چہرے کو۔۔۔ تینوں چہروں کو۔۔۔ جھکاکر اپنی چھاتی سے لپٹا لیتی ہیں۔ میں زندہ رہوں گی۔۔۔ تیرے لیے۔۔۔ تیرے لیے۔۔۔ تیرے لیے۔

صالحہ عابد حسین

مضمون

شاعرِمشرق حضرت علامہ اقبالؒ کے فکری مآخذ کے متعلق مختلف قیاس آرائیوں کا سلسلہ ان کی حیات میں شروع ہو گیا تھا جو ابھی تک تھما نہیں ہے۔خصوصاً ان کے شہرہ آفاق اور معراجِ انسانیت فلسفہِ خودی کے متعلق مختلف نقّادوں نے مختلف یورپی علمی شخصیات کے نام لیے ہیں۔زیادہ تر کی تان فرانسیسی فلسفی نطشے پر ٹوٹی ہے جس نے’مردِ کامل‘ کے نام سے عظمتِ اِنسانی کا فلسفہ پ...

طارق مرزا

مضمون

مجھے ریاضی کی ایک پیچیدہ مساوات حل کرنی ہے۔ یہ کام عقل کا ہے یا عشق کا؟ عشق والے تو شاید ریاضی کا نام سن کر دردِ سر میں مبتلا ہوجائیں، اس لیے میرے خیال میں یہ کام عقل کا ہے۔ ایک دوست نے مجھ سے ایک مشکل مسئلے میں مشورہ مانگا ہے۔ میں اس کا جواب دینا چاہتا ہوں۔ یہ کام کس کا ہے؟ عشق والے برا نہ مانیں، میرے خیال میں یہ کام بھی عقل ہی کاہے۔ میں حجِ بیت ا...

سلیم احمد

غزل

یاد بتاں میں لاکھ بار فرط قلق سے ہم بھی تو
بیٹھے اٹھے ہیں مومنؔ آپ گر رہے شب نماز میں

مومن خاں مومن

مضمون

’’ایک شب پروانے ایک جگہ اکٹھے ہوئے۔ اپنے دلوں میں شمع سے ہم کنار ہونے کی آرزو لئے ہوئے۔ تب ان میں سے ایک پروانہ شمع کی تلاش میں اڑا۔ اس نے دورسے شمع کو جلتے ہوئے ایک نظر دیکھا۔ واپس آیا اور پھر دوسرے پروانوں کے سامنے شمع کے بارے میں بڑی دانشمندی سے باتیں کرنے لگا۔ مگر پروانوں میں سب سے عقل مند پروانے نے کہا یہ پروانہ ہمیں شمع کے بارے میں کچھ نہیں...

وزیر آغا

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے