Search result for

SEARCH RESULTS

Showing search results for "pa.dhte"

See All

POETS/AUTHORS/ARTISTS

Pashto Adabi Malgari Balochistan

Publisher

Pashto Academy, Peshawar

Publisher

Pandit Ved Prakash Upadhyai

MOST RELEVANT MATCHES FOR "pa.dhte"

Nazm

shikwa

kyuu.n ziyaa.n-kaar banuu.n suud-faraamosh rahuu.n
fikr-e-fardaa na karuu.n mahv-e-Gam-e-dosh rahuu.n
naale bulbul ke sunuu.n aur hama-tan gosh rahuu.n
ham-navaa mai.n bhii ko.ii gul huu.n ki KHaamosh rahuu.n
jur.at-aamoz mirii taab-e-suKHan hai mujh ko
shikva allaah se KHaakam-ba-dahan hai mujh ko
hai bajaa sheva-e-tasliim me.n mash.huur hai.n ham
qissa-e-dard sunaate hai.n ki majbuur hai.n ham
saaz KHaamosh hai.n fariyaad se maamuur hai.n ham
naala aataa hai agar lab pe to ma.azuur hai.n ham
ai KHudaa shikva-e-arbaab-e-vafaa bhii sun le
KHuugar-e-hamd se tho.Daa saa gila bhii sun le
thii to maujuud azal se hii tirii zaat-e-qadiim
phuul thaa zeb-e-chaman par na pareshaa.n thii shamiim
shart insaaf hai ai saahib-e-altaaf-e-amiim
buu-e-gul phailtii kis tarah jo hotii na nasiim
ham ko jam.iiyat-e-KHaatir ye pareshaanii thii
varna ummat tire mahbuub kii diivaanii thii
ham se pahle thaa ajab tere jahaa.n kaa manzar
kahii.n masjuud the patthar kahii.n ma.abuud shajar
KHuugar-e-paikar-e-mahsuus thii insaa.n kii nazar
maantaa phir ko.ii an-dekhe KHudaa ko kyuu.nkar
tujh ko ma.aluum hai letaa thaa ko.ii naam tiraa
quvvat-e-baazu-e-muslim ne kiyaa kaam tiraa
bas rahe the yahii.n saljuuq bhii tuuraanii bhii
ahl-e-chii.n chiin me.n iiraan me.n saasaanii bhii
isii maamuure me.n aabaad the yuunaanii bhii
isii duniyaa me.n yahuudii bhii the nasraanii bhii
par tire naam pe talvaar uThaa.ii kis ne
baat jo big.Dii hu.ii thii vo banaa.ii kis ne
the hamii.n ek tire maarka-aaraa.o.n me.n
KHushkiyo.n me.n kabhii la.Dte kabhii dariyaa.o.n me.n
dii.n azaane.n kabhii europe ke kaliisaa.o.n me.n
kabhii africa ke tapte hu.e sahraa.o.n me.n
shaan aa.nkho.n me.n na jachtii thii jahaa.n-daaro.n kii
kalma pa.Dhte the hamii.n chhaa.nv me.n talvaaro.n kii
ham jo jiite the to jango.n kii musiibat ke liye
aur marte the tire naam kii azmat ke liye
thii na kuchh teGzanii apnii hukuumat ke liye
sar-ba-kaf phirte the kyaa dahr me.n daulat ke liye
qaum apnii jo zar-o-maal-e-jahaa.n par martii
but-faroshii ke evaz but-shikanii kyuu.n kartii
Tal na sakte the agar jang me.n a.D jaate the
paa.nv shero.n ke bhii maidaa.n se ukha.D jaate the
tujh se sarkash hu.aa ko.ii to biga.D jaate the
teG kyaa chiiz hai ham top se la.D jaate the
naqsh-e-tauhiid kaa har dil pe biThaayaa ham ne
zer-e-KHanjar bhii ye paiGaam sunaayaa ham ne
tuu hii kah de ki ukhaa.Daa dar-e-KHaibar kis ne
shahr qaisar kaa jo thaa us ko kiyaa sar kis ne
to.De maKHluuq KHudaa-vando.n ke paikar kis ne
kaaT kar rakh diye kuffaar ke lashkar kis ne
kis ne ThanDaa kiyaa aatish-kada-e-iiraa.n ko
kis ne phir zinda kiyaa tazkira-e-yazdaa.n ko
kaun sii qaum faqat terii talabgaar hu.ii
aur tere liye zahmat-kash-e-paikaar hu.ii
kis kii shamshiir jahaa.ngiir jahaa.n-daar hu.ii
kis kii takbiir se duniyaa tirii bedaar hu.ii
kis kii haibat se sanam sahme hu.e rahte the
mu.nh ke bal gir ke huu-allahu-ahad kahte the
aa gayaa ain la.Daa.ii me.n agar vaqt-e-namaaz
qibla-ruu ho ke zamii.n-bos hu.ii qaum-e-hijaaz
ek hii saf me.n kha.De ho ga.e mahmuud o ayaaz
na ko.ii banda rahaa aur na ko.ii banda-navaaz
banda o saahab o mohtaaj o Ganii ek hu.e
terii sarkaar me.n pahu.nche to sabhii ek hu.e
mahfil-e-kaun-o-makaa.n me.n sahar o shaam phire
mai-e-tauhiid ko le kar sifat-e-jaam phire
koh me.n dasht me.n le kar tiraa paiGaam phire
aur ma.aluum hai tujh ko kabhii naakaam phire
dasht to dasht hai.n dariyaa bhii na chho.De ham ne
bahr-e-zulmaat me.n dau.Daa diye gho.De ham ne
safha-e-dahr se baatil ko miTaayaa ham ne
nau-e-insaa.n ko Gulaamii se chhu.Daayaa ham ne
tere ka.abe ko jabiino.n se basaayaa ham ne
tere qur.aan ko siino.n se lagaayaa ham ne
phir bhii ham se ye gila hai ki vafaadaar nahii.n
ham vafaadaar nahii.n tuu bhii to dildaar nahii.n
ummate.n aur bhii hai.n un me.n gunahgaar bhii hai.n
ijz vaale bhii hai.n mast-e-mai-e-pindaar bhii hai.n
un me.n kaahil bhii hai.n Gaafil bhii hai.n hushyaar bhii hai.n
saik.Do.n hai.n ki tire naam se be-zaar bhii hai.n
rahmate.n hai.n tirii aGyaar ke kaashaano.n par
barq girtii hai to bechaare musalmaano.n par
but sanam-KHaano.n me.n kahte hai.n musalmaan ga.e
hai KHushii un ko ki ka.abe ke nigahbaan ga.e
manzil-e-dahr se uu.nTo.n ke hudii-KHvaan ga.e
apnii baGlo.n me.n dabaa.e hu.e qur.aan ga.e
KHanda-zan kufr hai ehsaas tujhe hai ki nahii.n
apnii tauhiid kaa kuchh paas tujhe hai ki nahii.n
ye shikaayat nahii.n hai.n un ke KHazaane maamuur
nahii.n mahfil me.n jinhe.n baat bhii karne kaa shu.uur
qahr to ye hai ki kaafir ko mile.n huur o qusuur
aur bechaare musalmaa.n ko faqat vaada-e-huur
ab vo altaaf nahii.n ham pe inaayaat nahii.n
baat ye kyaa hai ki pahlii sii mudaaraat nahii.n
kyuu.n musalmaano.n me.n hai daulat-e-duniyaa naayaab
terii qudrat to hai vo jis kii na had hai na hisaab
tuu jo chaahe to uThe siina-e-sahraa se habaab
rah-rav-e-dasht ho sailii-zada-e-mauj-e-saraab
taan-e-aGyaar hai rusvaa.ii hai naadaarii hai
kyaa tire naam pe marne kaa evaz KHvaarii hai
banii aGyaar kii ab chaahne vaalii duniyaa
rah ga.ii apne liye ek KHayaalii duniyaa
ham to ruKHsat hu.e auro.n ne sa.nbhaalii duniyaa
phir na kahnaa hu.ii tauhiid se KHaalii duniyaa
ham to jiite hai.n ki duniyaa me.n tiraa naam rahe
kahii.n mumkin hai ki saaqii na rahe jaam rahe
terii mahfil bhii ga.ii chaahne vaale bhii ga.e
shab kii aahe.n bhii ga.ii.n sub.h ke naale bhii ga.e
dil tujhe de bhii ga.e apnaa sila le bhii ga.e
aa ke baiThe bhii na the aur nikaale bhii ga.e
aa.e ushshaaq ga.e vaada-e-fardaa le kar
ab unhe.n Dhuu.nD charaaG-e-ruKH-e-zebaa le kar
dard-e-lailaa bhii vahii qais kaa pahluu bhii vahii
najd ke dasht o jabal me.n ram-e-aahuu bhii vahii
ishq kaa dil bhii vahii husn kaa jaaduu bhii vahii
ummat-e-ahmad-e-mursil bhii vahii tuu bhii vahii
phir ye aazurdagi-e-Gair sabab kyaa ma.anii
apne shaidaa.o.n pe ye chashm-e-Gazab kyaa ma.anii
tujh ko chho.Daa ki rasuul-e-arabii ko chho.Daa
but-garii pesha kiyaa but-shikanii ko chho.Daa
ishq ko ishq kii aashufta-sarii ko chho.Daa
rasm-e-salmaan o uvais-e-qaranii ko chho.Daa
aag takbiir kii siino.n me.n dabii rakhte hai.n
zindagii misl-e-bilaal-e-habashii rakhte hai.n
ishq kii KHair vo pahlii sii adaa bhii na sahii
jaada-paimaali-e-tasliim-o-razaa bhii na sahii
muztarib dil sifat-e-qibla-numaa bhii na sahii
aur paabandi-e-aa.iin-e-vafaa bhii na sahii
kabhii ham se kabhii Gairo.n se shanaasaa.ii hai
baat kahne kii nahii.n tuu bhii to harjaa.ii hai
sar-e-faaraa.n pe kiyaa diin ko kaamil tuu ne
ik ishaare me.n hazaaro.n ke liye dil tuu ne
aatish-andoz kiyaa ishq kaa haasil tuu ne
phuu.nk dii garmi-e-ruKHsaar se mahfil tuu ne
aaj kyuu.n siine hamaare sharer-aabaad nahii.n
ham vahii soKHta-saamaa.n hai.n tujhe yaad nahii.n
vaadii-e-najd me.n vo shor-e-salaasil na rahaa
qais diivaana-e-nazzaara-e-mahmil na rahaa
hausle vo na rahe ham na rahe dil na rahaa
ghar ye uj.Daa hai ki tuu raunaq-e-mahfil na rahaa
ai KHushaa aa.n roz ki aa.ii o ba-sad naaz aa.ii
be-hijaabaana suu-e-mahfil-e-maa baaz aa.ii
baada-kash Gair hai.n gulshan me.n lab-e-juu baiThe
sunte hai.n jaam-ba-kaf naGma-e-kuu-kuu baiThe
daur ha.ngaama-e-gulzaar se yaksuu baiThe
tere diivaane bhii hai.n muntazir-e-huu baiThe
apne parvaano.n ko phir zauq-e-KHud-afrozii de
barq-e-deriina ko farmaan-e-jigar-sozii de
qaum-e-aavaara inaa.n-taab hai phir suu-e-hijaaz
le u.Daa bulbul-e-be-par ko mazaaq-e-parvaaz
muztarib-e-baaG ke har Gunche me.n hai buu-e-niyaaz
tuu zaraa chhe.D to de tishna-e-mizraab hai saaz
naGme betaab hai.n taaro.n se nikalne ke liye
tuur muztar hai usii aag me.n jalne ke liye
mushkile.n ummat-e-marhuum kii aasaa.n kar de
mor-e-be-maaya ko ham-dosh-e-sulaimaa.n kar de
jins-e-naayaab-e-mohabbat ko phir arzaa.n kar de
hind ke dair-nashiino.n ko musalmaa.n kar de
juu-e-KHuu.n mii chakad az hasrat-e-dairiina-e-maa
mii tapad naala ba-nishtar kada-e-siina-e-maa
buu-e-gul le ga.ii bairuun-e-chaman raaz-e-chaman
kyaa qayaamat hai ki KHud phuul hai.n Gammaaz-e-chaman
ahd-e-gul KHatm hu.aa TuuT gayaa saaz-e-chaman
u.D ga.e Daaliyo.n se zamzama-pardaaz-e-chaman
ek bulbul hai ki mahv-e-tarannum ab tak
us ke siine me.n hai naGmo.n kaa talaatum ab tak
qumriyaa.n shaaKH-e-sanobar se gurezaa.n bhii hu.ii.n
pattiyaa.n phuul kii jha.D jha.D ke pareshaa.n bhii hu.ii.n
vo puraanii raushe.n baaG kii viiraa.n bhii hu.ii.n
Daaliyaa.n pairahan-e-barg se uryaa.n bhii hu.ii.n
qaid-e-mausam se tabii.at rahii aazaad us kii
kaash gulshan me.n samajhtaa ko.ii fariyaad us kii
lutf marne me.n hai baaqii na maza jiine me.n
kuchh maza hai to yahii KHuun-e-jigar piine me.n
kitne betaab hai.n jauhar mire aa.iine me.n
kis qadar jalve ta.Dapte hai.n mire siine me.n
is gulistaa.n me.n magar dekhne vaale hii nahii.n
daaG jo siine me.n rakhte ho.n vo laale hii nahii.n
chaak is bulbul-e-tanhaa kii navaa se dil ho.n
jaagne vaale isii baa.ng-e-daraa se dil ho.n
ya.anii phir zinda na.e ahd-e-vafaa se dil ho.n
phir isii baada-e-dairiina ke pyaase dil ho.n
ajamii KHum hai to kyaa mai to hijaazii hai mirii
naGma hindii hai to kyaa lai to hijaazii hai mirii

Allama Iqbal

Nazm

daraKHt-e-zard

magar naazir hamaaraa soKHta-sulb aaKHirii nassaab ab marne hii vaalaa hai
bas ik pal haf sadii kaa faisla karne hii vaalaa hai
suno 'zaryuun' bas tum hii suno ya.anii faqat tum hii
vahii raahat me.n hai jo aam se hone ko apnaa le
kabhii ko.ii bhii par ho ko.ii 'bahman' yaar yaa 'zenuu'
tumhe.n bahkaa na paa.e aur bairuunii na kar Daale
mai.n saarii zindagii ke dukh bhugat kar tum se kahtaa huu.n
bahut dukh degii tum me.n fikr aur fan kii numuu mujh ko
tumhaare vaaste behad sahuulat chaahtaa huu.n mai.n
davaam-e-jahl o haal-e-istiraahat chaahtaa huu.n mai.n
na dekho kaash tum vo KHvaab jo dekhaa kiyaa huu.n mai.n
vo saare KHvaab the qassaab jo dekhaa kiyaa huu.n mai.n
KHaraash-e-dil se tum be-rishta be-maqduur hii Thahro
mire jahmiim-e-zaat-e-zaat se tum duur hii Thahro
ko.ii 'zaryuun' ko.ii bhii clerk aur ko.ii kaarinda
ko.ii bhii bank kaa afsar senator ko.ii paavanda
har ik haivaan-e-sarkaarii ko TaTTuu jaantaa huu.n mai.n
so zaahir hai ise shai se ziyaada maantaa huu.n mai.n
tumhe.n ho sub.h-dam taufiiq bas aKHbaar pa.Dhne kii
tumhe.n ai kaash biimaarii na ho diivaar pa.Dhne kii
ajab hai 'sartre' aur 'ressel' bhii aKHbaar pa.Dhte the
vo maaluumaat ke maidaan ke shauqiin buu.Dhe the
nahii.n ma.aluum mujh ko aam shahrii kaise hote hai.n
vo kaise apnaa banjar naam banjar-pan me.n bote hai.n
mai.n ''urr'' se aaj tak ik aam shahrii ho nahii.n paayaa
isii baa.is mai.n huu.n amboh kii lazzat se be-maaya
magar tum ik do-paaya raast qaamat ho ke dikhlaanaa
suno raa.e-dahinda bin hu.e tum baaz mat aanaa
faqat 'zaryuun' ho tum ya.anii apnaa saabiqaa chho.Do
faqat 'zaryuun' ho tum ya.anii apnaa laahiqaa chho.Do
magar mai.n kaun jo chaahuu.n tumhaare baab me.n kuchh bhii
bhalaa kyuu.n ho mire ehsaas ke asbaab me.n kuchh bhii
tumhaaraa baap ya.anii mai.n abas mai.n ik abas-tar mai.n
magar mai.n ya.anii jaane kaun achchhaa mai.n saraasar mai.n
mai.n kaasa-baaz o kiina-saaz o kaasa-tan huu.n kuttaa huu.n
mai.n ik na.ngiin-e-buudash huu.n pa tum to sirr-e-mun.am ho
tumhaaraa baap ruuhul-quds thaa tum ibn-e-maryam ho

Jaun Eliya

Ghazal

KHat Gair kaa pa.Dhte the jo Tokaa to vo bole
aKHbaar kaa parcha hai KHabar dekh rahe hai.n

Dagh Dehlvi

Nazm

aadmi-nama

Nazeer Akbarabadi

Nazm

taswir-e-dard

nahii.n minnat-kash-e-taab-e-shuniidan daastaa.n merii
KHamoshii guftuguu hai be-zabaanii hai zabaa.n merii
ye dastuur-e-zabaa.n-bandii hai kaisaa terii mahfil me.n
yahaa.n to baat karne ko tarastii hai zabaa.n merii
uThaa.e kuchh varaq laale ne kuchh nargis ne kuchh gul ne
chaman me.n har taraf bikhrii hu.ii hai daastaa.n merii
u.Daa lii qumriyo.n ne tuutiyo.n ne andaliibo.n ne
chaman vaalo.n ne mil kar luuT lii tarz-e-fuGaa.n merii
Tapak ai sham.a aa.nsuu ban ke parvaane kii aa.nkho.n se
saraapaa dard huu.n hasrat bharii hai daastaa.n merii
ilaahii phir maza kyaa hai yahaa.n duniyaa me.n rahne kaa
hayaat-e-jaavedaa.n merii na marg-e-naa-gahaa.n merii
miraa ronaa nahii.n ronaa hai ye saare gulistaa.n kaa
vo gul huu.n mai.n KHizaa.n har gul kii hai goyaa KHizaa.n merii
darii.n hasrat saraa umriist afsuun-e-jaras daaram
z faiz-e-dil tapiidan-haa KHarosh-e-be-nafas daaram
riyaaz-e-dahr me.n naa-aashnaa-e-bazm-e-ishrat huu.n
KHushii rotii hai jis ko mai.n vo mahruum-e-masarrat huu.n
mirii big.Dii hu.ii taqdiir ko rotii hai goyaa.ii
mai.n harf-e-zer-e-lab sharminda-e-gosh-e-samaa.at huu.n
pareshaa.n huu.n mai.n musht-e-KHaak lekin kuchh nahii.n khultaa
sikandar huu.n ki aa.iina huu.n yaa gard-e-kuduurat huu.n
ye sab kuchh hai magar hastii mirii maqsad hai qudrat kaa
saraapaa nuur ho jis kii haqiiqat mai.n vo zulmat huu.n
KHaziina huu.n chhupaayaa mujh ko musht-e-KHaak-e-sahraa ne
kisii ko kyaa KHabar hai mai.n kahaa.n huu.n kis kii daulat huu.n
nazar merii nahii.n mamnuun-e-sair-e-arsa-e-hastii
mai.n vo chhoTii sii duniyaa huu.n ki aap apnii vilaayat huu.n
na sahbaa huu.n na saaqii huu.n na mastii huu.n na paimaana
mai.n is mai-KHaana-e-hastii me.n har shai kii haqiiqat huu.n
mujhe raaz-e-do-aalam dil kaa aa.iina dikhaataa hai
vahii kahtaa huu.n jo kuchh saamne aa.nkho.n ke aataa hai
ataa aisaa bayaa.n mujh ko hu.aa ra.ngii.n-bayaano.n me.n
ki baam-e-arsh ke taa.ir hai.n mere ham-zabaano.n me.n
asar ye bhii hai ik mere junuun-e-fitna-saamaa.n kaa
miraa aa.iina-e-dil hai qazaa ke raaz-daano.n me.n
rulaataa hai tiraa nazzaara ai hindostaa.n mujh ko
ki ibrat-KHez hai teraa fasaana sab fasaano.n me.n
diyaa ronaa mujhe aisaa ki sab kuchh de diyaa goyaa
likhaa kalk-e-azal ne mujh ko tere nauha-KHvaano.n me.n
nishaan-e-barg-e-gul tak bhii na chho.D us baaG me.n gulchii.n
tirii qismat se razm-aaraa.iyaa.n hai.n baaGbaano.n me.n
chhupaa kar aastii.n me.n bijliyaa.n rakkhii hai.n garduu.n ne
anaadil baaG ke Gaafil na baiThe.n aashiyaano.n me.n
sun ai Gaafil sadaa merii ye aisii chiiz hai jis ko
vaziifa jaan kar pa.Dhte hai.n taa.ir bostaano.n me.n
vatan kii fikr kar naadaa.n musiibat aane vaalii hai
tirii barbaadiyo.n ke mashvare hai.n aasmaano.n me.n
zaraa dekh us ko jo kuchh ho rahaa hai hone vaalaa hai
dharaa kyaa hai bhalaa ahd-e-kuhan kii daastaano.n me.n
ye KHaamoshii kahaa.n tak lazzat-e-fariyaad paidaa kar
zamii.n par tuu ho aur terii sadaa ho aasmaano.n me.n
na samjhoge to miT jaa.oge ai hindostaa.n vaalo
tumhaarii daastaa.n tak bhii na hogii daastaano.n me.n
yahii aa.iin-e-qudrat hai yahii usluub-e-fitrat hai
jo hai raah-e-amal me.n gaam-zan mahbuub-e-fitrat hai
huvaidaa aaj apne zaKHm-e-pinhaa.n kar ke chho.Duu.ngaa
lahuu ro ro ke mahfil ko gulistaa.n kar ke chho.Duu.ngaa
jalaanaa hai mujhe har sham-e-dil ko soz-e-pinhaa.n se
tirii taariik raato.n me.n charaaGaa.n kar ke chho.Duu.ngaa
magar Guncho.n kii suurat huu.n dil-e-dard-aashnaa paidaa
chaman me.n musht-e-KHaak apnii pareshaa.n kar ke chho.Duu.ngaa
pironaa ek hii tasbiih me.n in bikhre daano.n ko
jo mushkil hai to is mushkil ko aasaa.n kar ke chho.Duu.ngaa
mujhe ai ham-nashii.n rahne de shaGl-e-siina-kaavii me.n
ki mai.n daaG-e-mohabbat ko numaayaa.n kar ke chho.Duu.ngaa
dikhaa duu.ngaa jahaa.n ko jo mirii aa.nkho.n ne dekhaa hai
tujhe bhii suurat-e-aa.iina hairaa.n kar ke chho.Duu.ngaa
jo hai pardo.n me.n pinhaa.n chashm-e-biinaa dekh letii hai
zamaane kii tabii.at kaa taqaazaa dekh letii hai
kiyaa rif.at kii lazzat se na dil ko aashnaa tuu ne
gizaarii umr pastii me.n misaal-e-naqsh-e-paa tuu ne
rahaa dil-basta-e-mahfil magar apnii nigaaho.n ko
kiyaa bairuun-e-mahfil se na hairat-aashnaa tuu ne
fidaa kartaa rahaa dil ko hasiino.n kii adaa.o.n par
magar dekhii na us aa.iine me.n apnii adaa tuu ne
ta.assub chho.D naadaa.n dahr ke aa.iina-KHaane me.n
ye tasviire.n hai.n terii jin ko samjhaa hai buraa tuu ne
saraapaa naala-e-bedaad-e-soz-e-zindagii ho jaa
sapand-aasaa girah me.n baa.ndh rakkhii hai sadaa tuu ne
safaa-e-dil ko kyaa aaraa.ish-e-ra.ng-e-ta.alluq se
kaf-e-aa.iina par baa.ndhii hai o naadaa.n hinaa tuu ne
zamii.n kyaa aasmaa.n bhii terii kaj-biinii pe rotaa hai
Gazab hai satr-e-qur.aa.n ko chaliipaa kar diyaa tuu ne
zabaa.n se gar kiyaa tauhiid kaa daavaa to kyaa haasil
banaayaa hai but-e-pindaar ko apnaa KHudaa tuu ne
ku.e.n me.n tuu ne yuusuf ko jo dekhaa bhii to kyaa dekhaa
are Gaafil jo mutlaq thaa muqayyad kar diyaa tuu ne
havas baalaa-e-mimbar hai tujhe ra.ngii.n-bayaanii kii
nasiihat bhii tirii suurat hai ik afsaana-KHvaanii kii
dikhaa vo husn-e-aalam-soz apnii chashm-e-pur-nam ko
jo ta.Dpaataa hai parvaane ko rulvaataa hai shabnam ko
zaraa nazzaara hii ai bul-havas maqsad nahii.n us kaa
banaayaa hai kisii ne kuchh samajh kar chashm-e-aadam ko
agar dekhaa bhii us ne saare aalam ko to kyaa dekhaa
nazar aa.ii na kuchh apnii haqiiqat jaam se jam ko
shajar hai firqa-aaraa.ii ta.assub hai samar us kaa
ye vo phal hai ki jannat se nikalvaataa hai aadam ko
na uTThaa jazba-e-KHurshiid se ik barg-e-gul tak bhii
ye rif.at kii tamannaa hai ki le u.Dtii hai shabnam ko
phiraa karte nahii.n majruuh-e-ulfat fikr-e-darmaa.n me.n
ye zaKHmii aap kar lete hai.n paidaa apne marham ko
mohabbat ke sharar se dil saraapaa nuur hotaa hai
zaraa se biij se paidaa riyaaz-e-tuur hotaa hai
davaa har dukh kii hai majruuh-e-teG-e-aarzuu rahnaa
ilaaj-e-zaKHm hai aazaad-e-ehsaan-e-rafuu rahnaa
sharaab-e-be-KHudii se taa-falak parvaaz hai merii
shikast-e-ra.ng se siikhaa hai mai.n ne ban ke buu rahnaa
thame kyaa diida-e-giryaa.n vatan kii nauha-KHvaanii me.n
ibaadat chashm-e-shaa.ir kii hai har dam baa-vazuu rahnaa
banaa.e.n kyaa samajh kar shaaKH-e-gul par aashiyaa.n apnaa
chaman me.n aah kyaa rahnaa jo ho be-aabruu rahnaa
jo tuu samjhe to aazaadii hai poshiida mohabbat me.n
Gulaamii hai asiir-e-imtiyaaz-e-maa-o-tuu rahnaa
ye istiGnaa hai paanii me.n niguu.n rakhtaa hai saaGar ko
tujhe bhii chaahiye misl-e-habaab-e-aabjuu rahnaa
na rah apno.n se be-parvaa isii me.n KHair hai terii
agar manzuur hai duniyaa me.n o begaana-KHuu rahnaa
sharaab-e-ruuh-parvar hai mohabbat nau-e-insaa.n kii
sikhaayaa is ne mujh ko mast be-jaam-o-subuu rahnaa
mohabbat hii se paa.ii hai shifaa biimaar qaumo.n ne
kiyaa hai apne baKHt-e-KHufta ko bedaar qaumo.n ne
bayaabaan-e-mohabbat dasht-e-Gurbat bhii vatan bhii hai
ye viiraana qafas bhii aashiyaana bhii chaman bhii hai
mohabbat hii vo manzil hai ki manzil bhii hai sahraa bhii
jaras bhii kaarvaa.n bhii raahbar bhii raahzan bhii hai
maraz kahte hai.n sab is ko ye hai lekin maraz aisaa
chhupaa jis me.n ilaaj-e-gardish-e-charKH-e-kuhan bhii hai
jalaanaa dil kaa hai goyaa saraapaa nuur ho jaanaa
ye parvaana jo sozaa.n ho to sham-e-anjuman bhii hai
vahii ik husn hai lekin nazar aataa hai har shai me.n
ye shiirii.n bhii hai goyaa be-sutuu.n bhii kohkan bhii hai
ujaa.Daa hai tamiiz-e-millat-o-aa.ii.n ne qaumo.n ko
mire ahl-e-vatan ke dil me.n kuchh fikr-e-vatan bhii hai
sukuut-aamoz tuul-e-daastaan-e-dard hai varna
zabaa.n bhii hai hamaare mu.nh me.n aur taab-e-suKHan bhii hai
namii-gardiid ko tah rishta-e-ma.anii rihaa kardam
hikaayat buud be-paayaa.n ba-KHaamoshii adaa kardam

Allama Iqbal

See All

DICTIONARY MATCHES

REKHTA DICTIONARY

pa.Dhe

पढ़ेپڑھے

read, learn

pa.Dhtaa

पढ़ताپَڑْھتا

read, learn

pa.Dhe nahii.n

पढ़े नहींپَڑھے نَہیں

واقف نہیں۔ جانتے نہیں

girte-pa.Dte

गिरते-पड़तेگرتے پڑتے

Hindi

falling about, getting up and falling, somehow, managing to walk about, helter-skelter, with great difficulty

See All

BOOKS MATCHES FOR "pa.dhte"

Ham Adab Kiyon Padhte Hain

Qazi Afzal Husain

Nazmen Padhte Hain

Tahira Parveen

Nazm Criticism

Pashto Shairi

Farigh Bukhari

Poetry Criticism

Punjabi Padhai Likhai

Sita Ram Bahri

Urdu Mein Pashto Ka Hissa

Imtiyaz Ali Arshi

Language

Urdu Pashto Lughat

Unknown Editor

Dictionary

Pashto Nama

Anwarul Haq Jeelani

Hasrat Mohani

Unknown Editor

Articles / Papers

Urdu Aur Pashto Ke Mushtarak Alfaz

Pareshan Khatak

Aao Arabi Padhen

Mohammad Ayyub Islahi

Education

Padho Aur Badho

Gopi Chand Narang

Children's Literature

Pashtu Ke Awami Naghme

Aslam Mirza

Ham Bachche Hain Padhne Wale

Faragh Rohvi

Nazm

Padho Aur Badho

Gopi Chand Narang

Children's Literature

Ham Kaise Padhaen?

Salamatullah Khan

Education

MORE MATCHES FOR "pa.dhte"

Ghazal

fusuu.n hai yaa du.aa hai yaa mu.amma khul nahii.n saktaa
vo kuchh pa.Dhte hu.e aage mire madfan ke baiThe hai.n

Dagh Dehlvi

Nazm

iltija-e-musafir

farishte pa.Dhte hai.n jis ko vo naam hai teraa
ba.Dii janaab tirii faiz aam hai teraa
sitaare ishq ke terii kashish se hai.n qaa.em
nizaam-e-mehr kii suurat nizaam hai teraa
tirii lahad kii ziyaarat hai zindagii dil kii
masiih o KHizr se uu.nchaa maqaam hai teraa
nihaa.n hai terii mohabbat me.n ra.ng-e-mahbuubii
ba.Dii hai shaan ba.Daa ehtiraam hai teraa
agar siyaah dilam daaG-e-laala-zaar-e-tavaam
digar kushaada jabiinam gul-e-bahaar-e-tavaam
chaman ko chho.D ke niklaa huu.n misl-e-nik.hat-e-gul
hu.aa hai sabr kaa manzuur imtihaa.n mujh ko
chalii hai le ke vatan ke nigaar-KHaane se
sharaab-e-ilm kii lazzat kashaa.n kashaa.n mujh ko
nazar hai abr-e-karam par daraKHt-e-sahraa huu.n
kiyaa KHudaa ne na mohtaaj-e-baaGbaa.n mujh ko
falak-nashii.n sifat-e-mehr huu.n zamaane me.n
tirii du.aa se ataa ho vo nardbaa.n mujh ko
maqaam ham-safaro.n se ho is qadar aage
ki samjhe manzil-e-maqsuud kaarvaa.n mujh ko
mirii zabaan-e-qalam se kisii kaa dil na dukhe
kisii se shikva na ho zer-e-aasmaa.n mujh ko
dilo.n ko chaak kare misl-e-shaana jis kaa asar
tirii janaab se aisii mile fuGaa.n mujh ko
banaayaa thaa jise chun chun ke KHaar o KHas mai.n ne
chaman me.n phir nazar aa.e vo aashiyaa.n mujh ko
phir aa rakhuu.n qadam-e-maadar-o-pidar pe jabii.n
kiyaa jinho.n ne mohabbat kaa raaz-daa.n mujh ko
vo sham-e-baargah-e-KHaandaan-e-murtazvii
rahegaa misl-e-haram jis kaa aastaa.n mujh ko
nafas se jis ke khilii merii aarzuu kii kalii
banaayaa jis kii muravvat ne nukta-daa.n mujh ko
du.aa ye kar ki KHudaavand-e-aasmaan-o-zamii.n
kare phir us kii ziyaarat se shaadmaa.n mujh ko
vo meraa yuusuf-e-saanii vo sham-e-mahfil-e-ishq
hu.ii hai jis kii uKHuvvat qaraar-e-jaa.n mujh ko
jalaa ke jis kii mohabbat ne daftar-e-man-o-tuu
havaa-e-aish me.n paalaa kiyaa javaa.n mujh ko
riyaaz-e-dahr me.n maanind-e-gul rahe KHandaa.n
ki hai aziiz-tar az-jaa.n vo jaan-e-jaa.n mujh ko
shagufta ho ke kalii dil kii phuul ho jaa.e
ye iltijaa-e-musaafir qubuul ho jaa.e

Allama Iqbal

Ghazal

tahriir usii kii hai magar dil
KHat pa.Dhte hu.e aTak rahaa hai

Parveen Shakir

Sher

pa.Dhte phire.nge galiyo.n me.n in reKHto.n ko log
muddat rahe.ngii yaad ye baate.n hamaariyaa.n

Meer Taqi Meer

Ghazal

baate.n hamaarii yaad rahe.n phir baate.n aisii na suniyegaa
pa.Dhte kisuu ko suniyegaa to der talak sar dhuniyegaa

Meer Taqi Meer

Mazahiya

raat us mis se kaliisaa me.n hu.aa mai.n do-chaar
haa.e vo husn vo shoKHii vo nazaakat vo ubhaar
zulf-e-pechaa.n me.n vo saj-dhaj ki balaa.e.n bhii muriid
qadar-e-ra.anaa me.n vo cham-KHam ki qayaamat bhii shahiid
aa.nkhe.n vo fitna-e-dauraa.n ki gunahgaar kare.n
gaal vo sub.h-e-daraKHshaa.n ki malak pyaar kare.n
garm taqriir jise sun.ne ko sho'la lapke
dil-kash aavaaz ki sun kar jise bulbul jhapke
dilkashii chaal me.n aisii ki sitaare ruk jaa.e.n
sar-kashii naaz me.n aisii ki governor jhuk jaa.e.n
aatish-e-husn se taqve ko jalaane vaalii
bijliyaa.n lutf-e-tabassum se giraane vaalii
pahluu-e-husn-e-bayaa.n shoKHii-e-taqriir me.n Garq
turkii o misr o filistiin ke haalaat me.n barq
pis gayaa luuT gayaa dil me.n sakat hii na rahii
sur the tamkiin ke jis gat me.n vo gat hii na rahii
zabt ke 'azm kaa us vaqt asar kuchh na hu.aa
yaa-hafiizo kaa kiyaa vird magar kuchh na hu.aa
arz kii mai.n ne ki ai gulshan-e-fitrat kii bahaar
daulat o 'izzat o iimaa.n tire qadmo.n pe nisaar
tuu agar 'ahd-e-vafaa baa.ndh ke merii ho jaa.e
saarii duniyaa se mire qalb ko serii ho jaa.e
shauq ke josh me.n mai.n ne jo zabaa.n yuu.n kholii
naaz-o-andaaz se tevar ko cha.Dhaa kar bolii
Gair-mumkin hai mujhe uns musalmaano.n se
buu-e-KHuu.n aatii hai is qaum ke insaano.n se
lan-taraanii kii ye lete hai.n namaazii ban kar
hamle sarhad pe kiyaa karte hai.n Gaazii ban kar
ko.ii bantaa hai jo mehdii to biga.D jaate hai.n
aag me.n kuudte hai.n top se la.D jaate hai.n
gul khilaa.e ko.ii maidaa.n me.n to itraa jaa.e.n
paa.e.n saamaan-e-iqaamat to qayaamat Dhaa.e.n
mutma.in ho ko.ii kyuu.n-kar ki ye hai.n nek-nihaad
hai hanuuz un kii rago.n me.n asar-e-hukm-e-jihaad
dushman-e-sbar kii nazro.n me.n lagaavaT aa.ii
kaamyaabii kii dil-e-zaar ne aahaT paa.ii
'arz kii mai.n ne ki ai lazzat-e-jaa.n raahat-e-ruuh
ab zamaane pe nahii.n hai asar-e-aadam-o-nuuh
shajar-e-tuur kaa is baaG me.n paudaa hii nahii.n
gesuu-e-huur kaa is daur me.n saudaa hii nahii.n
ab kahaa.n zehn me.n baaqii hai.n burraaq-o-rafraf
TikTikii ba.ndh ga.ii hai qaum kii engine kii taraf
ham me.n baaqii nahii.n ab KHaalid-e-jaa.n-baaz kaa rang
dil pe Gaalib hai faqat hafiz-e-shiiraaz kaa rang
yaa.n na vo naa'ra-e-takbiir na vo josh-e-sipaah
sab ke sab aap hii pa.Dhte rahe.n sub.haan-allaah
jauhar-e-teG-e-mujaahid tire abruu pe nisaar
nuur iimaa.n kaa tire aa.iina-e-ruu pe nisaar
uTh ga.ii safha-e-KHaatir se vo bahs-e-bad-o-nek
do dile ho rahe hai.n kahte hai.n allaah ko ek
mauj kausar kii kahaa.n ab hai mire baaG ke gird
mai.n to tahziib me.n huu.n piir-e-muGaa.n kaa shaagird
mujh pe kuchh vaj.h-e-itaab aap ko ai jaan nahii.n
naam hii naam hai varna mai.n musalmaan nahii.n
jab kahaa saaf ye mai.n ne ki jo ho saahab-e-fahm
to nikaalo dil-e-naazuk se ye shub.h ye vahm
mere islaam ko ik qissa-e-maazii samjho
ha.ns ke bolii ki to phir mujh ko bhii raazii samjho

Akbar Allahabadi

Sher

vo din ga.e ki 'daaG' thii har dam buto.n kii yaad
pa.Dhte hai.n paa.nch vaqt kii ab to namaaz ham

Dagh Dehlvi

Ghazal

mu.nh-zabaanii qur.aan pa.Dhte the
pahle bachche bhii kitne buu.Dhe the

Mohammad Alvi

Naat

pa.Dhte raho din-raat 'nasiir' un kaa vaziifa
aisaa amal-e-radd-e-balaa ko.ii nahii.n hai

Peer Syed Naseeruddin Naseer Gilani

Nazm

naya janm

abhii ik saal guzraa hai yahii mausam yahii din the
magar mai.n apne kamre me.n bahut afsurda baiThaa thaa
na ko.ii saa.nvle mahbuub kii yaado.n kaa afsaana
na aivaan-e-zamistaa.n kii taraf jaane kii kuchh KHvaahish
kisii ne haal puuchhaa to bahut hii be-niyaazii se
kahaa jii haa.n KHudaa kaa shukr hai mai.n KHairiyat se huu.n
ko.ii ye puuchhtaa kyuu.n aaj kal ko.ii Gazal likkhii
na jaane baat kyaa hai in dino.n kuchh aisaa lagtaa hai
tumhaarii har Gazal me.n miir kaa andaaz miltaa hai
har ik misre se jaise dhiimii dhiimii aa.nch uThtii hai
tumhaare sher pa.Dh kar jaane kyuu.n mahsuus hotaa hai
ki ko.ii saaz par maddham suro.n me.n gungunaataa hai
magar ik baat puuchhuu.n tum KHafaa to ho na jaa.oge
ye aaKHir kyaa sabab hai aaj kal nazme.n nahii.n likhte
tumhaarii aap-biitii bhii abhii tak naa-mukammal hai
ise to naaqidaan-e-fan ne sunte hii saraahaa hai
mai.n sab suntaa magar ye dil hii dil me.n sochtaa rahtaa
mire ahbaab kyaa jaane.n ki mujh par kyaa guzartii hai
mire afkaar pe ye kaisii viiraanii sii chhaa.ii hai
bahut kuchh sochtaa huu.n phir bhii ab sochaa nahii.n jaataa
bahut kuchh chaahtaa huu.n phir bhii ko.ii bas nahii.n chaltaa
magar is bebasii me.n bhii mire dil kii ye haalat thii
kabhii jab ko.ii achchhii chiiz pa.Dhne ke liye miltii
to pahro.n ruuh par ik vajd kii sii kaifiyat hotii
rago.n me.n merii jaise KHuu.n kii gardish tez ho jaatii
lahuu kaa ek ik qatra ye kahtaa mai.n to zinda huu.n
mirii paamaaliyo.n me.n pal rahii hai ik tavaanaa.ii
yahii aalam rahaa to jaane mai.n kis roz uTh baiThuu.n
basant aayaa to yuu.n aayaa ki mai.n bhii jaise uTh baiThaa
saveraa hote hii har samt se jho.nke havaa.o.n ke
na.ii KHushbuu liye mujh ko jagaane ke liye aa.e
jidhar bhii aa.nkh uThaataa huu.n shafaq kii muskuraahaT hai
vahii suuraj hai lekin aur hii kuchh jagmagaahaT hai
na jaane kaise kaise phuul ab mujh ko bulaate hai.n
na jaane kitne kitne rang se dil ko lubhaate hai.n
fazaa me.n duur tak phaile hu.e vo khet sarso.n ke
ye kahte hai.n ki ab armaa.n nikaalo apne barso.n ke
tumhaare saamne phailaa hu.aa maidaan saaraa hai
ko.ii aavaaz detaa hai ki aa.o tum hamaare ho
mirii dhartii ke beTe merii duniyaa ke dulaare ho
tumhaarii aa.nkh me.n jo KHvaab so.e hai.n vo mere hai.n
tumhaare ashk ne jo biij bo.e hai.n vo mere hai.n
isii vaadii me.n phir se lauT kar ab tum ko aanaa hai
tumhaarii hii ye bastii hai tumhii.n ko phir basaanaa hai
ab is bastii me.n rakhte hii qadam kuchh aisaa lagtaa hai
ki is kaa zarra zarra patta patta kuchh nayaa saa hai
har ik raste pe jaise kuchh na.e chehre se milte hai.n
yahii jii chaahtaa hai jo mile ab us se ye puuchhe.n
tumhaaraa naam kyaa hai? tum kahaa.n ke rahne vaale ho
kuchh aisaa jaan pa.Dtaa hai ki pahle bhii mile hai.n ham
rahe hai.n saath yaa ik duusre ko jaante hai.n ham
agar tum saath the to tum bhii shaayad dost the mere
mujhe yaad aayaa dono.n saath hii college me.n pa.Dhte the
vo saare dosto.n kaa jam.a honaa mere kamre me.n
vo gap shap qahqahe vo apne apne ishq ke qisse
vo miiras road kii baate.n vo charche KHuub-ruuyo.n ke
kabhii aavaaragardii apnii un viiraan sa.Dko.n kii
kabhii baato.n me.n raate.n kaaTnaa sunsaan jaa.Do.n kii
kabhii vo chaandnii me.n apnaa yuu.n hii ghuumte rahnaa
kabhii vo chaa.e kii mezo.n pe ghanTo.n baiThnaa sab kaa
vo baate.n ilm-o-hikmat kii kabhii shikve-shikaayat kii
tumhe.n to yaad hogaa un me.n hii ik dost shaa.ir thaa
zaraa dekho to mujh ko Gaur se shaayad vo mai.n hii thaa
bahut din me.n mile hai.n ham to aa.o aaj jii bhar kar
ha.nse.n bole.n kahii.n aavaaragardii ke liye nikle.n
chale.n aur chal ke saare dosto.n ko phir bulaa laa.e.n
sajaa.e.n aaj phir mahfil kahii.n piine pilaane kii
mai.n tum ko aaj apnii kuchh na.ii baate.n bataa.uu.ngaa
mai.n tum ko aaj apnii kuchh na.ii nazme.n sunaa.uu.ngaa

Khalilur Rahman Azmi

SEARCH RESULTS

POETS/AUTHORS/ARTISTS

MOST RELEVANT MATCHES FOR "pa.dhte"

Nazm

shikwa

Allama Iqbal

Nazm

daraKHt-e-zard

Jaun Eliya

Ghazal

Dagh Dehlvi

Nazm

aadmi-nama

Nazeer Akbarabadi

Nazm

taswir-e-dard

Allama Iqbal

DICTIONARY MATCHES

REKHTA DICTIONARY

pa.Dhe

pa.Dhtaa

pa.Dhe nahii.n

girte-pa.Dte

BOOKS MATCHES FOR "pa.dhte"

MORE MATCHES FOR "pa.dhte"

Ghazal

Dagh Dehlvi

Nazm

iltija-e-musafir

Allama Iqbal

Ghazal

Parveen Shakir

Sher

Meer Taqi Meer

Ghazal

Meer Taqi Meer

Mazahiya

Akbar Allahabadi

Sher

Dagh Dehlvi

Ghazal

Mohammad Alvi

Naat

Peer Syed Naseeruddin Naseer Gilani

Nazm

naya janm

Khalilur Rahman Azmi

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books