کی تلاش کا نتیجه | موضو - نظم, صفحہ ashko

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "ashko"

نظم کے متعلقہ نتیجہ "ashko"

نظم

ذرہ ذرہ دہر کا زندانیٔ تقدیر ہے
پردۂ مجبوری و بے چارگی تدبیر ہے
آسماں مجبور ہے شمس و قمر مجبور ہیں
انجم سیماب پا رفتار پر مجبور ہیں
ہے شکست انجام غنچے کا سبو گلزار میں
سبزہ و گل بھی ہیں مجبور نمو گلزار میں
نغمۂ بلبل ہو یا آواز خاموش ضمیر
ہے اسی زنجیر عالمگیر میں ہر شے اسیر
آنکھ پر ہوتا ہے جب یہ سر مجبوری عیاں
خشک ہو جاتا ہے دل میں اشک کا سیل رواں
قلب انسانی میں رقص عیش و غم رہتا نہیں
نغمہ رہ جاتا ہے لطف زیر و بم رہتا نہیں
علم و حکمت رہزن سامان اشک و آہ ہے
یعنی اک الماس کا ٹکڑا دل آگاہ ہے
گرچہ میرے باغ میں شبنم کی شادابی نہیں
آنکھ میری مایہ دار اشک عنابی نہیں
جانتا ہوں آہ میں آلام انسانی کا راز
ہے نوائے شکوہ سے خالی مری فطرت کا ساز
میرے لب پر قصۂ نیرنگی دوراں نہیں
دل مرا حیراں نہیں خندہ نہیں گریاں نہیں
پر تری تصویر قاصد گریۂ پیہم کی ہے
آہ یہ تردید میری حکمت محکم کی ہے
گریۂ سرشار سے بنیاد جاں پایندہ ہے
درد کے عرفاں سے عقل سنگدل شرمندہ ہے
موج دود آہ سے آئینہ ہے روشن مرا
گنج آب آورد سے معمور ہے دامن مرا
حیرتی ہوں میں تری تصویر کے اعجاز کا
رخ بدل ڈالا ہے جس نے وقت کی پرواز کا
رفتہ و حاضر کو گویا پا بہ پا اس نے کیا
عہد طفلی سے مجھے پھر آشنا اس نے کیا
جب ترے دامن میں پلتی تھی وہ جان ناتواں
بات سے اچھی طرح محرم نہ تھی جس کی زباں
اور اب چرچے ہیں جس کی شوخئ گفتار کے
بے بہا موتی ہیں جس کی چشم گوہر بار کے
علم کی سنجیدہ گفتاری بڑھاپے کا شعور
دنیوی اعزاز کی شوکت جوانی کا غرور
زندگی کی اوج گاہوں سے اتر آتے ہیں ہم
صحبت مادر میں طفل سادہ رہ جاتے ہیں ہم
بے تکلف خندہ زن ہیں فکر سے آزاد ہیں
پھر اسی کھوئے ہوئے فردوس میں آباد ہیں
کس کو اب ہوگا وطن میں آہ میرا انتظار
کون میرا خط نہ آنے سے رہے گا بے قرار
خاک مرقد پر تری لے کر یہ فریاد آؤں گا
اب دعائے نیم شب میں کس کو میں یاد آؤں گا
تربیت سے تیری میں انجم کا ہم قسمت ہوا
گھر مرے اجداد کا سرمایۂ عزت ہوا
دفتر ہستی میں تھی زریں ورق تیری حیات
تھی سراپا دین و دنیا کا سبق تیری حیات
عمر بھر تیری محبت میری خدمت گر رہی
میں تری خدمت کے قابل جب ہوا تو چل بسی
وہ جواں قامت میں ہے جو صورت سرو بلند
تیری خدمت سے ہوا جو مجھ سے بڑھ کر بہرہ مند
کاروبار زندگانی میں وہ ہم پہلو مرا
وہ محبت میں تری تصویر وہ بازو مرا
تجھ کو مثل طفلک بے دست و پا روتا ہے وہ
صبر سے نا آشنا صبح و مسا روتا ہے وہ
تخم جس کا تو ہماری کشت جاں میں بو گئی
شرکت غم سے وہ الفت اور محکم ہو گئی
آہ یہ دنیا یہ ماتم خانۂ برنا و پیر
آدمی ہے کس طلسم دوش و فردا میں اسیر
کتنی مشکل زندگی ہے کس قدر آساں ہے موت
گلشن ہستی میں مانند نسیم ارزاں ہے موت
زلزلے ہیں بجلیاں ہیں قحط ہیں آلام ہیں
کیسی کیسی دختران مادر ایام ہیں
کلبۂ افلاس میں دولت کے کاشانے میں موت
دشت و در میں شہر میں گلشن میں ویرانے میں موت
موت ہے ہنگامہ آرا قلزم خاموش میں
ڈوب جاتے ہیں سفینے موج کی آغوش میں
نے مجال شکوہ ہے نے طاقت گفتار ہے
زندگانی کیا ہے اک طوق گلو افشار ہے
قافلے میں غیر فریاد درا کچھ بھی نہیں
اک متاع دیدۂ تر کے سوا کچھ بھی نہیں
ختم ہو جائے گا لیکن امتحاں کا دور بھی
ہیں پس نہ پردۂ گردوں ابھی دور اور بھی
سینہ چاک اس گلستاں میں لالہ و گل ہیں تو کیا
نالہ و فریاد پر مجبور بلبل ہیں تو کیا
جھاڑیاں جن کے قفس میں قید ہے آہ خزاں
سبز کر دے گی انہیں باد بہار جاوداں
خفتہ خاک پے سپر میں ہے شرار اپنا تو کیا
عارضی محمل ہے یہ مشت غبار اپنا تو کیا
زندگی کی آگ کا انجام خاکستر نہیں
ٹوٹنا جس کا مقدر ہو یہ وہ گوہر نہیں
زندگی محبوب ایسی دیدۂ قدرت میں ہے
ذوق حفظ زندگی ہر چیز کی فطرت میں ہے
موت کے ہاتھوں سے مٹ سکتا اگر نقش حیات
عام یوں اس کو نہ کر دیتا نظام کائنات
ہے اگر ارزاں تو یہ سمجھو اجل کچھ بھی نہیں
جس طرح سونے سے جینے میں خلل کچھ بھی نہیں
آہ غافل موت کا راز نہاں کچھ اور ہے
نقش کی ناپائیداری سے عیاں کچھ اور ہے
جنت نظارہ ہے نقش ہوا بالائے آب
موج مضطر توڑ کر تعمیر کرتی ہے حباب
موج کے دامن میں پھر اس کو چھپا دیتی ہے یہ
کتنی بے دردی سے نقش اپنا مٹا دیتی ہے یہ
پھر نہ کر سکتی حباب اپنا اگر پیدا ہوا
توڑنے میں اس کے یوں ہوتی نہ بے پروا ہوا
اس روش کا کیا اثر ہے ہیئت تعمیر پر
یہ تو حجت ہے ہوا کی قوت تعمیر پر
فطرت ہستی شہید آرزو رہتی نہ ہو
خوب تر پیکر کی اس کو جستجو رہتی نہ ہو
آہ سیماب پریشاں انجم گردوں فروز
شوخ یہ چنگاریاں ممنون شب ہے جن کا سوز
عقل جس سے سر بہ زانو ہے وہ مدت ان کی ہے
سر گزشت نوع انساں ایک ساعت ان کی ہے
پھر یہ انساں آں سوئے افلاک ہے جس کی نظر
قدسیوں سے بھی مقاصد میں ہے جو پاکیزہ تر
جو مثال شمع روشن محفل قدرت میں ہے
آسماں اک نقطہ جس کی وسعت فطرت میں ہے
جس کی نادانی صداقت کے لیے بیتاب ہے
جس کا ناخن ساز ہستی کے لیے مضراب ہے
شعلہ یہ کم تر ہے گردوں کے شراروں سے بھی کیا
کم بہا ہے آفتاب اپنا ستاروں سے بھی کیا
تخم گل کی آنکھ زیر خاک بھی بے خواب ہے
کس قدر نشوونما کے واسطے بیتاب ہے
زندگی کا شعلہ اس دانے میں جو مستور ہے
خود نمائی خود فزائی کے لیے مجبور ہے
سردی مرقد سے بھی افسردہ ہو سکتا نہیں
خاک میں دب کر بھی اپنا سوز کھو سکتا نہیں
پھول بن کر اپنی تربت سے نکل آتا ہے یہ
موت سے گویا قبائے زندگی پاتا ہے یہ
ہے لحد اس قوت آشفتہ کی شیرازہ بند
ڈالتی ہے گردن گردوں میں جو اپنی کمند
موت تجدید مذاق زندگی کا نام ہے
خواب کے پردے میں بیداری کا اک پیغام ہے
خوگر پرواز کو پرواز میں ڈر کچھ نہیں
موت اس گلشن میں جز سنجیدن پر کچھ نہیں
کہتے ہیں اہل جہاں درد اجل ہے لا دوا
زخم فرقت وقت کے مرہم سے پاتا ہے شفا
دل مگر غم مرنے والوں کا جہاں آباد ہے
حلقۂ زنجیر صبح و شام سے آزاد ہے
وقت کے افسوں سے تھمتا نالۂ ماتم نہیں
وقت زخم تیغ فرقت کا کوئی مرہم نہیں
سر پہ آ جاتی ہے جب کوئی مصیبت ناگہاں
اشک پیہم دیدۂ انساں سے ہوتے ہیں رواں
ربط ہو جاتا ہے دل کو نالہ و فریاد سے
خون دل بہتا ہے آنکھوں کی سرشک آباد سے
آدمی تاب شکیبائی سے گو محروم ہے
اس کی فطرت میں یہ اک احساس نامعلوم ہے
جوہر انساں عدم سے آشنا ہوتا نہیں
آنکھ سے غائب تو ہوتا ہے فنا ہوتا نہیں
رخت ہستی خاک غم کی شعلہ افشانی سے ہے
سرد یہ آگ اس لطیف احساس کے پانی سے ہے
آہ یہ ضبط فغاں غفلت کی خاموشی نہیں
آگہی ہے یہ دلاسائی فراموشی نہیں
پردۂ مشرق سے جس دم جلوہ گر ہوتی ہے صبح
داغ شب کا دامن آفاق سے دھوتی ہے صبح
لالۂ افسردہ کو آتش قبا کرتی ہے یہ
بے زباں طائر کو سرمست نوا کرتی ہے یہ
سینۂ بلبل کے زنداں سے سرود آزاد ہے
سیکڑوں نغموں سے باد صبح دم آباد ہے
خفتہ گان لالہ زار و کوہسار و رود بار
ہوتے ہیں آخر عروس زندگی سے ہمکنار
یہ اگر آئین ہستی ہے کہ ہو ہر شام صبح
مرقد انساں کی شب کا کیوں نہ ہو انجام صبح
دام سیمین تخیل ہے مرا آفاق گیر
کر لیا ہے جس سے تیری یاد کو میں نے اسیر
یاد سے تیری دل درد آشنا معمور ہے
جیسے کعبے میں دعاؤں سے فضا معمور ہے
وہ فرائض کا تسلسل نام ہے جس کا حیات
جلوہ گاہیں اس کی ہیں لاکھوں جہان بے ثبات
مختلف ہر منزل ہستی کو رسم و راہ ہے
آخرت بھی زندگی کی ایک جولاں گاہ ہے
ہے وہاں بے حاصلی کشت اجل کے واسطے
سازگار آب و ہوا تخم عمل کے واسطے
نور فطرت ظلمت پیکر کا زندانی نہیں
تنگ ایسا حلقۂ افکار انسانی نہیں
زندگانی تھی تری مہتاب سے تابندہ تر
خوب تر تھا صبح کے تارے سے بھی تیرا سفر
مثل ایوان سحر مرقد فروزاں ہو ترا
نور سے معمور یہ خاکی شبستاں ہو ترا
آسماں تیری لحد پر شبنم افشانی کرے
سبزۂ نورستہ اس گھر کی نگہبانی کرے

علامہ اقبال

نظم

تم نے لکھا ہے مرے خط مجھے واپس کر دو
ڈر گئیں حسن دل آویز کی رسوائی سے
میں نہ کہتا تھا کہ تم مجھ سے محبت نہ کرو
یوں نہ کھیلو مرے جذبات کی رعنائی سے
سب سمجھتے تھے ہمیشہ مجھے جان محفل
اب مرا حال تو پوچھو مری تنہائی سے
تم نئی بزم سجا لو گی تمہارا کیا ہے
تمہیں ڈھونڈیں گی کہاں میری سلگتی راتیں
بھول ہی جاؤ گی دو چار دنوں میں تم تو
دو دھڑکتے ہوئے بے تاب دلوں کی باتیں
میں کہاں جاؤں گا محرومیٔ دل کو لے کر
پھوٹ کر روئیں گی جس وقت بھری برساتیں
کاش کچھ پیار کا انجام تو سوچا ہوتا
چھین لی میری جوانی سے جوانی تم نے
میں نہ کہتا تھا کہ تم مجھ سے محبت نہ کرو
لاکھ سمجھایا مگر ایک نہ مانی تم نے
تم نہ مانو تو بھلا کون کہے کون سنے
پیار پوجا ہے پرستش ہے تجارت تو نہیں
سونے چاندی کے لئے عشق کو ٹھکرا دینا
کھیل ہو سکتا ہے معیار محبت تو نہیں
تم زر و سیم کی میزان میں تل سکتی ہو
پیار بکتا نہیں چاہت کا کوئی مول نہیں
اس سے پہلے کہ مرے عشق پر الزام دھرو
دیکھ لو حسن کی فطرت میں تو کچھ جھول نہیں

پریم واربرٹنی

نظم

کسے خبر کہ ہزاروں مقام رکھتا ہے
وہ فقر جس میں ہے بے پردہ روح قرآنی
خودی کو جب نظر آتی ہے قاہری اپنی
یہی مقام ہے کہتے ہیں جس کو سلطانی
یہی مقام ہے مومن کی قوتوں کا عيار
اسی مقام سے آدم ہے ظل سبحانی
یہ جبر و قہر نہیں ہے یہ عشق و مستی ہے
کہ جبر و قہر سے ممکن ۔۔۔نہیں جہاں بانی
کیا گیا ہے غلامی میں مبتلا تجھ کو
کہ تجھ سے ہو نہ سکی فقر کی نگہبانی
مثال ماہ چمکتا تھا جس کا داغ سجود
خرید لی ہے فرنگی نے وہ مسلمانی
ہوا حریف مہ و آفتاب تو جس سے
رہی نہ تیرے ستاروں میں وہ درخشانی

علامہ اقبال

نظم

عشق کو ایک نظر کافی ہے
آگہی پہلے سے درکار نہیں
دوستی برسوں کی ہم رازی ہے
جلدی بازی کا یہ بازار نہیں

عظیم الدین احمد

نظم

دل سے دل کے ملنے کی نقرئی صدائیں ہوں
رنگ عشق و الفت کی ریشمی ہوائیں ہوں

علینا عترت

نظم

ہائے وہ پہلی نظر وہ اس کی آنکھوں کے پیام
وہ لجا کر مسکرا کر دست نازک سے سلام
ہر نظر میں میکدے غلطاں وہ چنچل بانکپن
رنگ گلشن بھی تصدق یوں سراپا گل بدن
سر پہ جھومر پاؤں میں پازیب اک زہرہ خصال
اور مجسم کہکشاں اس کے دوپٹے کا جمال
برق کی تصویر کل شانوں پہ لرزاں چوٹیاں
مرمریں ہاتھوں میں اپنی دھن میں گاتی چوڑیاں
کان میں بندے سراپا آفتاب و ماہتاب
پردہ داری کیا کہوں رخ پر تجلی کی نقاب
چال میں آہو کی شوخی چال میں بدمستیاں
ہر قدم پر انقلاب‌ دہر کی رنگینیاں
ہر تکلم اک قیامت ہر تبسم برق ریز
اور جس کی سادگی بھی اک فسانہ حشر خیز
با تکلف با ادب صد ناز وہ جنت بدوش
ایک دن آئی مری پرسش کو وہ نکہت فروش
آنکھوں آنکھوں میں دیا پیغام عشق و بے خودی
زندگانی اک شراب تند بن کر رہ گئی
تھی وہ دزدیدہ نگاہ دلستاں میرے لئے
آ گیا تھا میرے گھر ہی گلستاں میرے لئے
جیسے مل جائے خدائی اس طرح مسرور تھا
گھر کی رونق کیا کہوں اس وقت کا اک طور تھا
وہ تحیر خیز وہ کافر نظارے الاماں
شوق محکم الاماں مبہم اشارے الاماں
میری جانب دیکھ کر ہنس ہنس کے شرماتی رہی
نکہت گیسو سے اک اک سانس مہکاتی رہی
نیچی نظروں سے وہ کچھ کہنا بہ عنوان حیا
آپ کب تشریف لائیں گے یہ اس کی التجا
کیا کہوں کیسے کہوں رہ رہ کے یہ سوچا کیا
جب نہ کچھ بھی بن پڑا تو درد میں ڈوبا کیا
یاس سے اٹھی نظر آنسو بہا کر رہ گئی
اور زبان حال آخر لڑکھڑا کر رہ گئی
الغرض ہونے لگی رخصت وہ جان آرزو
اشک برسانے لگا آخر جہان آرزو
اس کا جانا تھا کہ ویراں ہو گئی میری نظر
لے گئی ہم راہ اپنے رونق دیوار و در
کس قدر رنگین تھی فطرت کی نقاشی نہ پوچھ
شوخیاں کرتی ہوئی تاروں کی شہزادی نہ پوچھ

حسرتؔ جے پوری

نظم

یہ تن جو ہے ہر اک کے اتارے کا جھونپڑا
اس سے ہے اب بھی سب کے سہارے کا جھونپڑا
اس سے ہے بادشہ کے نظارے کا جھونپڑا
اس میں ہی ہے فقیر بچارے کا جھونپڑا
اپنا نہ مول کا نہ اجارے کا جھونپڑا
بابا یہ تن ہے دم کے گزارے کا جھونپڑا
اس میں ہی بھولے بھالے اسی میں سیانے ہیں
اس میں ہی ہوشیار اسی میں دوانے ہیں
اس میں ہی دشمن اس میں ہی اپنے بیگانے ہیں
شاجھونپڑا بھی اپنے اسی میں نمانے ہیں
اپنا نہ مول ہے نہ اجارے کا جھونپڑا
بابا یہ تن ہے دم کے گزارے کا جھونپڑا
اس میں ہی لوگ عشق و محبت کے مارے ہیں
اس میں ہی شوخ حسن کے چاند اور ستارے ہیں
اس میں ہی یار دوست اسی میں پیارے ہیں
شاجھونپڑا بھی اپنے اسی میں بچارے ہیں
اپنا نہ مول ہے نہ اجارے کا جھونپڑا
بابا یہ تن ہے دم کے گزارے کا جھونپڑا
اس میں ہی اہل دولت و منعم امیر ہیں
اس میں ہی رہتے سارے جہاں کے فقیر ہیں
اس میں ہی شاہ اور اسی میں وزیر ہیں
اس میں ہی ہیں صغیر اسی میں کبیر ہیں
اتنا نہ مول کا نہ اجارے کا جھونپڑا
بابا یہ تن ہے دم کے گزارے کا جھونپڑا
اس میں ہی چور ٹھگ ہیں اسی میں امول ہیں
اس میں ہی رونی شکل اسی میں ٹھٹھول ہیں
اس میں ہی باجے اور نقارے و ڈھول ہیں
شاجھونپڑا بھی اس میں ہی کرتے کلول ہیں
اتنا نہ مول کا نہ اجارے کا جھونپڑا
بابا یہ تن ہے دم کے گزارے کا جھونپڑا
اس میں ہی پارسا ہیں اسی میں لوند ہیں
بے درد بھی اسی میں ہے اور دردمند ہیں
اس میں ہی سب پرند اسی میں چرند ہیں
شاجھونپڑا بھی اب اسی ڈر بے بند ہیں
اتنا نہ مول کا نہ اجارے کا جھونپڑا
بابا یہ تن ہے دم کے گزارے کا جھونپڑا
اس جھونپڑے میں رہتے ہیں سب شاہ اور وزیر
اس میں وکیل بخشی و متصدی اور امیر
اس میں ہی سب غریب ہیں اس میں ہی سب فقیر
شاجھونپڑا جو کہتے ہیں سچ ہے میاں نظیرؔ
اتنا نہ مول کا نہ اجارے کا جھونپڑا
بابا یہ تن ہے دم کے گزارے کا جھونپڑا

نظیر اکبرآبادی

نظم

کہیں افسانۂ عشق و محبت
کہیں روداد سوز و ساز بھی ہے
یہی تقدیس مریم ضبط سیتا
یہی عیار و شاہد باز بھی ہے

شوکت پردیسی

نظم

نیم کے پیڑ میں اٹکا ہوا چاند
نیم کے پیڑ سے چھن چھن کے برستا ہوا درد
درد یادوں بھری تنہائی کا
درد ان یادوں کی رعنائی کا
درد شبنم کے بیاباں میں مری پیاس کی زیبائی کا
درد ہر لمحے کی جلتی ہوئی پنہائی کا
عشق و احساس شکیبائی کا درد
وقت کے چہرے پہ ہے گزری ہوئی شام کی گرد
رات کے ہاتھ ہیں سرد
نیم کے پیڑ سے چھن چھن کے برستا ہوا درد
اور ہر درد ہے مانند
نیم کے پیڑ پہ اٹکا ہوا چاند

راہی معصوم رضا

نظم

گر تمنا ہے کہ ہو سارا زمانہ اپنا
جذبۂ عشق و محبت کی نظر پیدا کر

لالہ انوپ چند آفتاب پانی پتی

نظم

آج معلوم ہوا آتش ہجراں کیا ہے
میری پلکوں پہ مرے اشکوں بھی جل جاتے ہیں
ہم سفر ملتے ہیں دوران سفر کچھ ایسے
جو سر منزل مقصود بدل جاتے ہیں

نظم

پریاگ پہ بچھڑی ہوئی بہنیں جو ملی ہیں
پانی کی زمیں پر بھی تو کلیاں سی کھلی ہیں
کچھ گنگا کا رکنا
کچھ جمنا کا جھکنا
پھر دونوں کا ملنا
وہ پھول سے کھلنا
کس شوق سے اٹھلاتی ہوئی ساتھ چلی ہیں
یہ عشق و محبت کے نظارے ازلی ہیں
کہتے ہیں کہ جنت سے بھی آئی ہے بہن ایک
گو تینوں کا ہی اصل میں گھر ایک وطن ہے
گھر جب سے چھٹا تھا
دل سرد ہوا تھا
وہ کوہ سے گرنا
وہ دشت میں پھرنا
راتوں کو وہ سنسان بیابان میں چلنا
سہمے ہوئے تاروں کا وہ سینے میں مچلنا
تھا وہ سفر دشت میں میدان میں بن میں
خاموش پہاڑوں میں گلستاں میں چمن میں
جنگل سے نکلنا
رکتے ہوئے چلنا
کچھ بڑھ کے پلٹنا
ڈر ڈر کے سمٹنا
مر مر کے اکیلے یہ گزارا ہے زمانہ
جیسے کوئی دنیا میں نہ ہو اپنا یگانہ
خالی کبھی جاتی نہیں بے لفظ صدائیں
آخر کو اثر کر گئیں خاموش دعائیں
جاگا ہے مقدر
پریاگ پہ آ کر
اب غم نہ سہیں گے
تنہا نہ رہیں گے
پریاگ پہ بہنوں کو ملایا ہے خدا نے
مدت میں یہ دن آج دکھایا ہے خدا نے
کیا جوش محبت سے بغل گیر ہوئی ہیں
وارفتگئ شوق کی تصویر ہوئی ہیں
اللہ رے محبت
سرمایۂ راحت
یہ کس کو خبر تھی
دل ملتے ہیں یوں بھی
ہوں گی نہ جدا حشر تک اب ایسے ملی ہیں
خوش بہنیں ہیں یا پانی پہ کلیاں سی کھلی ہیں

حامد اللہ افسر

نظم

ہے غزل میں زندگی سے گفتگو
کہتے ہیں اردو کی ہے یہ آبرو
ہاں غزل میں عاشقی کا عکس ہے
میکدے کی روشنی کا عکس ہے
شعر اس کے یاد رکھے جاتے ہیں
بچو یہ ہر اک کے دل کو بھاتے ہیں
میرؔ و غالبؔ کی غزل مشہور ہے
اس میں عشق و فلسفہ کا نور ہے
ہے غزل ہندی میں ایرانی میں ہے
اک نشہ سا اس کے شعروں ہی میں ہے
شعر غزلوں کا ہر اک آزاد ہے
حسن اور حکمت سے جو آباد ہے
نظم پر بچو غزل بھاری ہوئی
اس کی شہرت بڑھ رہی ہے آج بھی
بن کے کیوں بچوں کا شاعر ہی رہوں
اب غزل حافظؔ کوئی اچھی کہوں

حافظ کرناٹکی

نظم

چھوڑ دے یار اب کھیل تماشے
دیکھ سوانگ رچاتے اپنا اصلی چہرہ کھو بیٹھے گا
اپنے آپ سے جو اک رسمی سا رشتہ ہے
ہاتھ اس سے بھی دھو بیٹھے گا
چھوڑ دے جھوٹی شہوت کے مصنوعی دعوے
عشق و محبت کے یہ جعلی نعرے
لذت بھرے تلازموں کے بازاری نطفہ
جناتی تشبیہوں میں ان چھوٹی چھوٹی کمینگیوں کے گراتے ہکلاتے بوٹے
بے معنی عیار دلیلیں
مانگے تانگے فلسفیوں کے فرضی ٹونے
چھوڑ تعویذ اور دھاگے کھیل تماشے
بندہ بن جا
اب تو من جا
سیدھے منہ اب آدم زادوں جیسی ہم سے باتیں کر
ورنہ جو تو نہیں ہے اس کی نقل اتارتے
تیرا منہ بھی ٹیڑھا‌ میڑھا ہو جائے گا
تیری ان جعلی نظموں کا ٹونا الٹا ہو جائے گا

سرمد صہبائی

نظم

میرے ان کاکل برہم کی حکایت مت پوچھ
آہ اس نالۂ پیہم کی حقیقت مت پوچھ
دیکھ لے چشم بصیرت سے زمانے کا نظام
مجھ سے اے دوست مرے غم کی صداقت مت پوچھ
لب رنگیں کا وہ اعجاز کہاں سے لاؤں
ساز خاموش میں آواز کہاں سے لاؤں
داستان دل برباد سناؤں کیسے
مجھ پہ گزری ہے جو افتاد سناؤں کیسے
آتش غم سے سلگتا ہے کلیجہ میرا
دل ناشاد کی فریاد سناؤں کیسے
ہائے اب طاقت گفتار کہاں سے لاؤں
نغمۂ غم کا خریدار کہاں سے لاؤں
جام و مینا میں بہکتے ہوئے ایمان کو دیکھ
بھوک و افلاس سے مرتے ہوئے انسان کو دیکھ
ہر طرف شور ہے فریاد ہے بربادی ہے
روئے گردوں پہ مچلتے ہوئے طوفاں کو دیکھ
اب بتا چشم فسوں کار کہاں سے لاؤں
مست و بے خود سی وہ رفتار کہاں سے لاؤں
پر تجھے عشق و محبت سے کہاں فرصت ہے
مئے گل رنگ کی لعنت سے کہاں فرصت ہے
آہ مظلوم نگاہوں کا فسانہ سن لے
ہوس و حرص کی دولت سے کہاں فرصت ہے
دل بیتاب میں پھر تاب کہاں سے لاؤں
اپنی آنکھوں میں مئے ناب کہاں سے لاؤں
اپنے گلشن کی تباہی کا گلہ کس سے کروں
شام غربت کی سیاہی کا گلہ کس سے کروں
ہولیاں خون کی کھیلی گئیں انسانوں میں
اپنی نا کردہ گناہی کا گلہ کس سے کروں
اپنی نیندوں میں ترے خواب کہاں سے لاؤں
فرصت خاطر احباب کہاں سے لاؤں

عفت زیبا کاکوروی

نظم

ہے کوئی جو مجھ میں کہتا ہے
جو دل میں ہے اب بول ذرا
کچھ دیر کو گھنگرو کھول ذرا
یہ رقص جو تو کرتی ہے یہاں
اس رقص میں تیرے وحشت ہے
جس شخص کی چاہت الفت ہے
وہ شخص زمیں کا باسی ہے
وہ عام رویوں والا ہے
وہ تیری وفا کیا سمجھے گا
وعدوں کو نبھانا کیا جانے
وہ عشق دوانہ کیا جانے
وہ شخص جو دنیا دار بھی ہے
زردار ہے یوں نادار بھی ہے
آزاد بھی ہے
اب اس کی چاہت چھوڑ کے تو
خلوت میں خود سے بول کبھی
اور خود میں خود کو گھول کبھی
یہ عشق کتابی عشق ہے جو
لمحوں کی لذت دیتا ہے
پھر اس کی قیمت لیتا ہے
اس عشق و محبت میں پڑ کر
تو خود کو یوں ناشاد نہ کر
برباد نہ کر

حمیرا گل تشنہ

نظم

نہیں ہے شعر میں عشق و وفا صداقت کچھ
کوئی ہو غالبؔ‌ و اقبالؔ کوئی بیدلؔ ہو

جمیل احمد جائسی

نظم

عشق و مستی کی بہ آہنگ خیامؔ و حافظؔ
ساز اردو سے نہ نکلے گی صدا تیرے بعد

بسمل سعیدی

نظم

حیات و موت تمہیں سے ہے میری وابستہ
کسی کے عشق و محبت کے آسرا تم ہو
غریق سیل محبت مجھے کیا جس نے
سفینۂ دل مضطر کے ناخدا تم ہو
نگہ کو دعوت نظارہ دے کے چھپ جانا
شریک برق کی اک شرمگیں ادا تم ہو

رضیہ رعنا

نظم

اس باغ میں اک گل ہی نہیں مجھ کو پیارا
کرتا ہے ہر اک خار بھی الفت کا اشارا
ممنون نہ اپنوں کا نہ غیروں کا رہا میں
چمکا مری تقدیر کا ہے آپ ستارا
ہرگز کسی امداد کا محتاج نہیں میں
ہو جاتا ہے ہر مست قلندر کا گزارا
عنوان مری نظم کا ہے عشق و محبت
بہتا نہیں ہر سمت مری فکر کا دھارا
جاتے ہیں اسی سمت قدم بے خبری میں
کس ماہ لقا نے مجھے چلمن سے پکارا
اب ہند سے پہنچا ہے مرے عشق کا چرچا
تا حد کراچی و سمرقند و بخارا
یکساں جو گل و خار سے اک ربط ہے مجھ کو
کرتا نہیں گلشن میں کوئی مجھ سے کنارا
ہیں مجھ سے ملاقات کے مشتاق ہزاروں
کیا بات کرے حاسد بد بخت بیچارہ
جس پھول سے آئی نہ مجھے عشق کی خوشبو
دل سے بھی نکالا اسے نظروں سے اتارا
دونوں نے غریبوں کو کیا ایکسپلائٹ
جچتا مری نظروں میں سکندر ہے نہ دارا
لیتا نہیں میں کام کبھی ایٹمی بم سے
میں نے جسے مارا اسے احسان سے مارا
وہ اور ہیں پھر جاتے ہیں جو عہد سے اپنے
جو قول دیا میں نے وہ مر کر بھی نہ ہارا
غازیؔ مرے اخلاص کا شانہ تھا کہ جس نے
الجھے ہوئے گیسوئے محبت کو سنوارا

غازی کابلی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے