Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "dagar"

نظم کے متعلقہ نتیجہ "dagar"

نظم

میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
گل پوش تیری وادیاں
فرحت نشاں راحت رساں
تیرے چمن زاروں پہ ہے
گلزار جنت کا گماں
ہر شاخ پھولوں کی چھڑی
ہر نخل طوبیٰ ہے یہاں
کوثر کے چشمے جا بجا
تسنیم ہر آب رواں
ہر برگ روح تازگی
ہر پھول جان گلستاں
ہر باغ باغ دلکشی
ہر باغ باغ بے خزاں
دل کش چراگاہیں تری
ڈھوروں کے جن میں کارواں
انجم صفت گلہائے نو
ہر تختۂ گل آسماں
نقش ثریا جا بجا
ہر ہر روش اک کہکشاں
تیری بہاریں دائمی
تیری بہاریں جاوداں
تجھ میں ہے روح زندگی
پیہم رواں پیہم دواں
دریا وہ تیرے تند خو
جھیلیں وہ تیری بے کراں
شام اودھ کے لب پہ ہے
حسن ازل کی داستاں
کہتی ہے راز سرمدی
صبح بنارس کی زباں
اڑتا ہے ہفت افلاک پر
ان کارخانوں کا دھواں
جن میں ہیں لاکھوں محنتی
صنعت گری کے پاسباں
تیری بنارس کی زری
رشک حریر و پرنیاں
بیدر کی فن کاری میں ہیں
صنعت کی سب باریکیاں
عظمت ترے اقبال کی
تیرے پہاڑوں سے عیاں
دریاؤں کا پانی، تری
تقدیس کا اندازہ داں
کیا بھارتیندوؔ نے کیا
گنگا کی لہروں کا بیاں
اقبالؔ اور چکبستؔ ہیں
عظمت کے تیری نغمہ خواں
جوشؔ و فراقؔ و پنتؔ ہیں
تیرے ادب کے ترجماں
تلسیؔ و خسروؔ ہیں تیری
تعریف میں رطب اللساں
گاتے ہیں نغمہ مل کے سب
اونچا رہے تیرا نشاں
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
تیرے نظاروں کے نگیں
دنیا کی خاتم میں نہیں
سارے جہاں میں منتخب
کشمیر کی ارض حسیں
فطرت کا رنگیں معجزہ
فردوس بر روئے زمیں
فردوس بر روئے زمیں
ہاں ہاں ہمیں است و ہمیں
سر سبز جس کے دشت ہیں
جس کے جبل ہیں سرمگیں
میوے بہ کثرت ہیں جہاں
شیریں مثال انگبیں
ہر زعفراں کے پھول میں
عکس جمال حورعیں
وہ مالوے کی چاندنی
گم جس میں ہوں دنیا و دیں
اس خطۂ نیرنگ میں
ہر اک فضا حسن آفریں
ہر شے میں حسن زندگی
دل کش مکاں دل کش زمیں
ہر مرد مرد خوب رو
ہر ایک عورت نازنیں
وہ تاج کی خوش پیکری
ہر زاویے سے دل نشیں
صنعت گروں کے دور کی
اک یادگار مرمریں
ہوتی ہے جو ہر شام کو
فیض شفق سے احمریں
دریا کی موجوں سے الگ
یا اک بط نظارہ بیں
یا طائر نوری کوئی
پرواز کرنے کے قریں
یا اہل دنیا سے الگ
اک عابد عزلت گزیں
نقش اجنتا کی قسم
جچتا نہیں ارژنگ چیں
شان ایلورا دیکھ کر
جھکتی ہے آذر کی جبیں
چتوڑ ہو یا آگرہ
ایسے نہیں قلعے کہیں
بت گر ہو یا نقاش ہو
تو سب کی عظمت کا امیں
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
دل کش ترے دشت و چمن
رنگیں ترے شہر و چمن
تیرے جواں رعنا جواں
تیرے حسیں گل پیرہن
اک انجمن دنیا ہے یہ
تو اس میں صدر انجمن
تیرے مغنی خوش نوا
شاعر ترے شیریں سخن
ہر ذرہ اک ماہ مبیں
ہر خار رشک نستریں
غنچہ ترے صحرا کا ہے
اک نافۂ مشک ختن
کنکر ہیں تیرے بے بہا
پتھر ترے لعل یمن
بستی سے جنگل خوب تر
باغوں سے حسن افروز بن
وہ مور وہ کبک دری
وہ چوکڑی بھرتے ہرن
رنگیں ادا وہ تتلیاں
بابنی میں وہ ناگوں کے پھن
وہ شیر جن کے نام سے
لرزے میں آئے اہرمن
کھیتوں کی برکت سے عیاں
فیضان رب ذو المنن
چشموں کے شیریں آب سے
لذت کشاں کام و دہن
تابندہ تیرا عہد نو
روشن ترا عہد کہن
کتنوں نے تجھ پر کر دیا
قربان اپنا مال دھن
کتنے شہیدوں کو ملے
تیرے لیے دار و رسن
کتنوں کو تیرا عشق تھا
کتنوں کو تھی تیری لگن
تیرے جفا کش محنتی
رکھتے ہیں عزم کوہ کن
تیرے سپاہی سورما
بے مثل یکتائے زمن
بھیشمؔ سا جن میں حوصلہ
ارجنؔ سا جن میں بانکپن
عالم جو فخر علم ہیں
فن کار نازاں جن پہ فن
رائےؔ و بوسؔ و شیرؔگل
دنکرؔ، جگرؔ متھلیؔ شرن
ولاٹھولؔ، ماہرؔ، بھارتی
بچنؔ، مہادیویؔ، سمنؔ
کرشننؔ، نرالاؔ، پریمؔ چند
ٹیگورؔ و آزادؔ و رمنؔ
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
کھیتی تری ہر اک ہری
دل کش تری خوش منظری
تیری بساط خاک کے
ذرے ہیں مہر و مشتری
جہلم کاویری ناگ وہ
گنگا کی وہ گنگوتری
وہ نربدا کی تمکنت
وہ شوکت گوداوری
پاکیزگی سرجو کی وہ
جمنا کی وہ خوش گوہری
دلربہ آب نیلگوں
کشمیر کی نیلم پری
دل کش پپیہے کی صدا
کوئل کی تانیں مد بھری
تیتر کا وہ حق سرہ
طوطی کا وہ ورد ہری
صوفی ترے ہر دور میں
کرتے رہے پیغمبری
چشتیؔ و نانکؔ سے ملی
فقر و غنا کو برتری
عدل جہانگیری میں تھی
مضمر رعایا پروری
وہ نورتن جن سے ہوئی
تہذیب دور اکبری
رکھتے تھے افغان و مغل
اک صولت اسکندری
راناؤں کے اقبال کی
ہوتی ہے کس سے ہم سری
ساونت وہ یودھا ترے
تیرے جیالے وہ جری
نیتی ودر کی آج تک
کرتی ہے تیری رہبری
اب تک ہے مشہور زماں
چانکیہؔ کی دانش وری
ویاس اور وشوامتر سے
منیوں کی شان قیصری
پاتنجلی و سانکھ سے
رشیوں کی حکمت پروری
بخشے تجھے انعام نو
ہر دور چرخ چنبری
خوش گوہری دے آب کو
اور خاک کو خوش جوہری
ذروں کو مہر افشانیاں
قطروں کو دریا گستری
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن
تو رہبر نوع بشر
تو امن کا پیغام بر
پالے ہیں تو نے گود میں
صاحب خرد صاحب نظر
افضل تریں ان سب میں ہے
باپو کا نام معتبر
ہر لفظ جس کا دل نشیں
ہر بات جس کی پر اثر
جس نے لگایا دہر میں
نعرہ یہ بے خوف و خطر
بے کار ہیں تیر و سناں
بے سود ہیں تیغ و تبر
ہنسا کا رستہ جھوٹ ہے
حق ہے اہنسا کی ڈگر
درماں ہے یہ ہر درد کا
یہ ہر مرض کا چارہ گر
جنگاہ عالم میں کوئی
اس سے نہیں بہتر سپر
کرتا ہوں میں تیرے لیے
اب یہ دعائے مختصر
رونق پہ ہوں تیرے چمن
سرسبز ہوں تیرے شجر
نخل امید بہتری
ہر فصل میں ہو بارور
کوشش ہو دنیا میں کوئی
خطہ نہ ہو زیر و زبر
تیرا ہر اک باسی رہے
نیکو صفت نیکو سیر
ہر زن سلیقہ مند ہو
ہر مرد ہو صاحب ہنر
جب تک ہیں یہ ارض و فلک
جب تک ہیں یہ شمس و قمر
میرے وطن، پیارے وطن
راحت کے گہوارے وطن
ہر دل کے اجیارے وطن
ہر آنکھ کے تارے وطن

عرش ملسیانی
نظم

پورب دیس میں ڈگی باجی پھیلا سکھ کا حال
دکھ کی آگنی کون بجھائے سوکھ گئے سب تال
جن ہاتھوں میں موتی رو لے آج وہی کنگال
آج وہی کنگال
بھوکا ہے بنگال رے ساتھی بھوکا ہے بنگال
پیٹھ سے اپنے پیٹ لگائے لاکھوں الٹے کھاٹ
بھیک منگائی سے تھک تھک کر اترے موت کے گھاٹ
جین مرن کے ڈانڈے ملائے بیٹھے ہیں چنڈال رے ساتھی
بیٹھے ہیں چنڈال
بھوکا ہے بنگال رے ساتھی بھوکا ہے بنگال
ندی نالے گلی ڈگر پر لاشوں کے انبار
جان کی ایسی مہنگی شے کا الٹ گیا بیوپار
مٹھی بھر چاول سے بڑھ کر سستا ہے یہ مال رے ساتھی
سستا ہے یہ مال
بھوکا ہے بنگال رے ساتھی بھوکا ہے بنگال
کوٹھریوں میں گانجے بیٹھے بینے سارا اناج
سندر ناری بھوک کی ماری بیچے گھر گھر لاج
چوپٹ نگری کون سنبھالے چار طرف بھونچال
چار طرف بھونچال
بھوکا ہے بنگال رے ساتھی بھوکا ہے بنگال
پرکھوں نے گھر بار لٹایا چھوڑ کے سب کا ساتھ
مائیں روئیں بلک بلک کر بچے بھئے اناتھ
سدا سہاگن بدھوا باجے کھولے سر کے بال رے ساتھی
کھولے سر کے بال
بھوکا ہے بنگال رے ساتھی بھوکا ہے بنگال
اتی پتی چبا چبا کر جوجھ رہا ہے دیس
موت نے کتنے گھونگھٹ مارے بدلے سو سو بھیس
کال بکٹ پھیلائے رہا ہے بیماری کا جال رے ساتھی
بیماری کا جال
بھوکا ہے بنگال رے ساتھی بھوکا ہے بنگال

وامق جونپوری
نظم

اس کے آگے مگر
تھے عجب سلسلے
پھر کڑے کوس تھے
پھر کٹھن تھی ڈگر

خورشید اکبر
نظم

اس کے بعد:
بھیگی رات کا نشہ ٹوٹا ڈوب گیا ہے چڑھتا چاند
تھکے تھکے ہیں اعضا سارے اور ہوئیں پلکیں بوجھل
شبنم کا رس پی گئیں کرنیں دن کا رنگ چمک اٹھا
گونج ہے بھنوروں کی کانوں میں پر ہیں آنکھوں سے اوجھل
حسن اور عشق کی اس دنیا میں کس نے کس کا ساتھ دیا
میں اپنے رستے جاتا ہوں اور تو اپنی ڈگر پر چل!

اختر الایمان
نظم

یہ خواب سارے
ابھی جو آنکھوں میں سو رہے ہیں
یہ جاگ اٹھے تو کیا کرو گے
تو کیا کرو گے جو خواب سارے
تمہاری آنکھوں سے باہر آ کر
تخئیل کی بیکراں فضا میں
کسی سنہرے حسین لمحے کو قید کر لیں
کسی کی زلفوں میں پھول ٹانکے
کس کے ہونٹوں پہ گنگنائیں
کسی کے شانوں پہ ہاتھ رکھ دیں
کسی کے پہلو میں بیٹھ جائیں
تو کیا کرو گے
تو کیا کرو گے جو خواب سارے
پلٹ کے ماضی میں لوٹ جائیں
ہر ایک منظر ہر ایک پیکر
ہر ایک کوچہ ہر اک ڈگر پر
جنوں بداماں تمہیں نچائیں
تمہاری وحشت کو آزمائیں
کسی کھنڈر کی شکستہ چوکھٹ پہ بیٹھ جائیں
سیاہ طاقوں پہ مومی شمعیں
تمہاری یادوں میں جھلملائیں
کوئی ہیولیٰ کوئی سراپا
تمہیں پکارے
تمہاری آنکھوں پہ ہاتھ رکھ دے
گلاب ڈالی کا ہار کوئی
تمہارے تلووں میں گدگدائے
لہریا آنچل کا کوئی ٹکڑا
ہوا میں اڑتا ہوا سا آئے
تمہارے اشکوں سے بھیگ جائے
تو کیا کرو گے
تو کیا کرو گے جو خواب سارے
تمہاری آنکھوں سے اشک بن کر
تمہارے دامن پہ پھیل جائیں
لہو رلائیں
تو کیا کرو گے جو خواب سارے
پلٹ کے ماضی میں لوٹ جائیں!

ضیا فاروقی
نظم

ہے کٹھن بچو یہ جیون کا سفر
ہے نہایت پر خطر اک اک ڈگر

حافظ کرناٹکی
نظم

لمحہ لمحہ الجھتے رہے
سچے جھوٹے سپنوں سے
بڑے شہر کا خواب لیے، ہر پل نیا عذاب لیے
بھاگتے رہے تمام عمر، پیش نظر سراب لیے
لا حاصلی کا خواب لیے
گھوڑے کے آگے گھاس ہو جیسے
ہر سانس نئی آس ہو جیسے
جینے کی امنگ میں
مرتے رہے، مرتے رہے
جنت پاؤں کی چھوڑ کے، ٹھنڈک گاؤں کی چھوڑ کے
روح جلتی رہی تمام عمر، بدن کی چتا میں
زندگی عذاب لیے
بڑے شہر کا خواب لیے
جلتے رہے تپتے رہے، بڑے بننے کے فراق میں
شارٹ کٹ لیتے رہے
راتوں رات، امیر بننے کی تاک میں
ہم چلتے رہے، چلتے رہے
بڑے شہر کی چاہ میں، جانے کیسے کیسے گناہ کیے
یہاں تک کہ آنکھیں ہماری پتھرا گئیں، پاؤں ہمارے شل ہوئے
انسانیت ہم سے چھن گئی، ہم درندوں کے مثل ہوئے
خوشیوں کی تلاش میں، ہم جیتے جی لاش ہوئے
اس قدر بے حس و بد حواس ہوئے، ہم خود سے ہی اداس ہوئے
بڑا شہر بڑا شہر، بڑا شہر بڑا شہر
بے ایمانیوں کی ڈگر، بد عنوانیوں کا نگر
سچ ہے تیری چاہ میں، جانے کتنے تباہ ہوئے
سارا گاؤں اپنوں سے خالی ہو گیا
ماتمی فضا میں، اب ہر طرف حسرت و یاس ہے
پھر بھی بڑے شہر کی پیاس ہے کہ کبھی بجھتی نہیں
ایک خلقت ہے کہ کبھی رکتی نہیں!
ایک ہجرت ہے کہ کبھی رکتی نہیں!
زندگی کسی سے ہار جائے، یہ کبھی ممکن نہیں
زندگی کسی سے مات کھائے، یہ بھی اب ممکن نہیں
زندگی رکتی نہیں!!
زندگی جھکتی نہیں!!

پرویز شہریار
نظم

چلو کہ پہلے نفرتوں کی
آن بان توڑ دیں یہ وقت کی پکار ہے
الگ الگ یہ راستوں پہ رینگتے سے قافلے
قدم قدم مسافروں کے ٹوٹتے سے حوصلے
یہ رینگتے سے قافلوں کو
ٹوٹتے سے حوصلوں کو
اک ڈگر سے جوڑ دیں یہ وقت کی پکار ہے
یہ شہر شہر خون کے بہاؤ میں بسا ہوا
یہ گاؤں گاؤں آپسی تناؤ میں کسا ہوا
یہ خون کے بہاؤ کی
یہ آپسی تناؤ کی
کلائیاں مروڑ دیں یہ وقت کی پکار ہے
گلی گلی ٹٹولتی گھٹائیں لوٹ مار کی
نگر نگر میں ڈولتی ہوائیں انتشار کی
یہ لوٹ مار کی گھٹا
یہ انتشار کی ہوا
سمندروں میں چھوڑ دیں یہ وقت کی پکار ہے
یہ آدمی سے آدمی کی دوریاں یہ کھائیاں
یہ اپنے ہاتھ سے تباہ ہو کے پھر دہائیاں
یہ دوریاں یہ کھائیاں
یہ چیخ یہ دہائیاں
ہر اک قدم جھنجھوڑ دیں یہ وقت کی پکار ہے
یہ سوکھے سوکھے پھول پر بہار کی جوانیاں
یہ جھلسے جھلسے رنگ روپ باغ کی نشانیاں
جوانیوں کے جام میں
نشانیوں کی شام میں
رتوں کا خوں نچوڑ دیں یہ وقت کی پکار ہے

بیکل اتساہی
نظم

چپکے سے کانوں میں کہہ جا
خوشیوں کا سندیس سنا جا
پریم تو اپنی ڈگر بتا جا
کیا تو جوگن بن بیٹھی
دور کہیں مایا سے چھپ کر
تو بن گئی انوکھی
دیکھ ری تیرے سوگ میں کیسا حال کیا ہم نے اپنا
دکھ کے کنکر پتھر چنتے کومل ہاتھ ہیں پتھرائے
جیون کے رستے پر بکھرے کانٹے سو سو ڈنک اٹھائے
نفرت کی آندھی سے دھندلے پڑ گئے چندا تارے
گھر آئی ہے چاروں اور
دیکھ گھٹا گھنگھور
آنکھوں سے اوجھل ہے امبر
پاپ کا جھونکا چلے بھینکر
ہلچل مچ گئی باہر اندر
چاروں اور بگولے اڑتے ادھر ادھر بولائے
جیسے ان کو کھوج کسی کی
سر ٹکراتے سر کو اٹھائے سر کو جھکائے
سر کے بل کچھ پھرتے ہیں
سب کو کھوج ہے تیری
پریم کہاں تو چھپ کر بیٹھی
ہم سے کیوں ہے روٹھی
آ دیکھ کہ تیرے نہ ہونے سے
کیا کیا دکھ ہم نے جھیلے
پریم پجاری جتنے تھے سب بن گئے اتیاچاری
خود ہی اتیاچار کرے ہے
بن بیٹھے بے چارے
اپنے اتیاچار کو بھوگے
کیسے کھیل نرالے
لیکن ان کے من میں کیسی جوالا جاگ اٹھی ہے
اب تو تیری ہی ان کو بس انتم آس لگی ہے
اے جوگن
کیا تو بھی ڈھونڈھے کوئی پریم پجاری
اس کی کھوج میں بن گئی ہے تو بالکل ہی بن باسی
من میں جھانک کے دیکھ لے سب کے
تیری چاہ بسی ہے
دوری تیری بھڑکائے ہے اب تو من میں ڈاہ
اور ہمارے ہونٹوں کا ہر شبد بنا ہے آہ

رخسانہ نکہت لاری ام ہانی
نظم

اور بننے میں تم کو مہارت تو ہے
خواب بنتے چلیں گے
ڈگر سے ڈگر
تم اگر ہاں کہو تم اگر ہاں کہو
ہم سفر ہم سفر ہم سفر ہم سفر

عین رشید
نظم

ہر سمت ہر ڈگر پر چھٹی کا راج قائم
آنکھوں میں جھلملاتے ہیں سیر کے عزائم
جی چاہتا ہے صدیوں زندہ رہیں یہاں ہم
قائم رہے یہ چھٹی دائم رہے یہ موسم
بس سوچ ہی تو ہے یہ ممکن نہیں یہ مانا
لکھنا ہے اب نہ پڑھنا بس چھٹیاں منانا

محمد اسد اللہ
نظم

جانے کتنے سپنے دیکھے
جیون کے اس روپ نگر میں
ورشا رت میں جیسے مسافر
پریت ڈگر پر پریم سفر میں
سپنے جن میں کومل پریاں
پر پھیلائے ڈول رہی ہیں
آشاؤں کے گیت کی لے پر
امرت رس کو گھول رہی ہیں
میں نے سوچا میت سبھی ہیں
یہ سارا سنسار ہے اپنا
سارے جگ کی ریت یہی ہے
کڑوی نیندیں میٹھا سپنا
دھرتی کی اس پھلواری میں
چاند ستاروں کے درپن میں
میں نے دیکھی اپنی چھایا
جگ میں سب اپنے ہیں تو پھر
کوئی کسی کا بیری کیوں ہو
ہونٹوں پر مسکان تو بکھرے
من میں الجھن ٹھیری کیوں ہو

جوہر رحمانی
نظم

تو نظر نہ آئے صنم اگر تو تڑپ اٹھیں یہ دل و جگر
تری جستجو میں مری نظر پھرے بے قرار ڈگر ڈگر

صدا انبالوی
نظم

اس دنیا سے کبھی دل نہ لگانا تم
اس دنیا پر فریفتہ نہ ہونا تم
یہ رنگینیاں یہ مستیاں سب
عالم فانی ہے یاد رکھنا تم
حسن ظاہر سے دھوکا نہ کھانا
یہ کوچ کر جانے کا گھر ہے
ٹھکانہ نہیں ہے یہ سدا کا
غافل نہ ہو راستہ مختصر ہے
زندگی یہ امتحاں کی ڈگر ہے
فنا ہو جائے گی آخر
یہی اس کی حقیقت ہے
رہے آخرت کی فکر سدا
کچھ تو ہو جائے
سامان سفر پیدا
اچانک کان میں میرے
کہا یہ موت نے آ کر

ذاکرہ شبنم
نظم

ہرے بھرے لہراتے پتوں والا پیڑ
اندر سے کس درجہ بودا کتنا کھوکھلا ہو سکتا ہے
مجھ سے پوچھو
میں اک ایسے ہی چھتنار کے نیچے بیٹھا
اس کی چھاؤں سے اپنے سفر کی
دھوپ کا دکھڑا پھول رہا تھا
آنے والے وقت کی ٹھنڈی گیلی مٹی رول رہا تھا
اپنے آپ سے بول رہا تھا
میں بھی کتنا خوش قسمت ہوں
جیون کی سنسان ڈگر پر
میرے کتنے یار کھڑے ہیں پیڑ کی صورت
اتنے میں اک جھونکا آیا
یہ جھونکا چاندی کی کان کے اندر سے ہو کر آیا تھا
ایک ہی پل میں
پیڑ کی چھال نے رنگت بدلی
ایک ہی پل میں
ہر پتے کی شکل ہوئی مٹیالی گدلی
شاں شاں کرتی شاخوں میں اک زہریلی سرگوشی جاگی
چھاؤں چھٹ کر پیڑ کے تن کی جانب بھاگی
دل یہ منظر دیکھ کے سہما کانپا رویا
چاروں اور سے اٹھتی اک انجانے دکھ کی دھول میں کھویا
زہر سا اک رگ رگ میں سمایا
اتنے میں اک اور جھومتا جھونکا آیا
یہ جھونکا خود غرضی کے کہسار پہ منڈلا کر آیا تھا
بس اتنا ہی یاد ہے مجھ کو
کیسے اور کب پیڑ گرا یہ پیڑ سے پوچھو
مجھے نکالو
اس بودے اور کھوکھلے پیڑ کے نیچے دب کر
میرے ساتھ مرا احساس بھی مر جائے گا
جو بھی یہ منظر دیکھے گا ڈر جائے گا
دیکھنے والوں کو اس خوف سے اس صدمے اس غم سے بچا لو
مجھے نکالو
آئندہ میں چھتنار کو اپنا یار نہیں سمجھوں گا
کبھی کبھی مل جانے والی چھاؤں کو پیار نہیں سمجھوں گا

ظہور نظر
نظم

مکمل تھی زندگی
تھے راستے خوش نما
نہ تھی منزل کی پرواہ
چن لی اپنی مرضی کی ڈگر
اور میں ہی میرا ہم سفر

انیتا موہن
نظم

ہنستے بچے گاتے بچے
جیون جوت جگاتے بچے
لاکھوں سوانگ رچاتے بچے
گھر بھر کو بہلاتے بچے
امی کو سمجھاتے بچے
ڈیڈی سے اتراتے بچے
اپنے بھولے پن سے سب کی
بگڑی بات بناتے بچے
گھر سے پڑھنے پڑھ کے گھر کو
آتے بچے جاتے بچے
جیون کی سنسان ڈگر پر
لاکھوں پھول لٹاتے بچے
ایک خوشی کی چنگاری سے
پل پل دیپ جلاتے بچے
پیار کی اس پیاسی دھرتی پر
امرت رس برساتے بچے
رات ہوئی تو بھول کے سب کچھ
سو گئے نیند کے ماتے بچے
سن کے کہانی دادی ماں سے
خوابوں میں اٹھلاتے بچے
سپنوں کی دیوی کے مہماں
دن بھر شور مچاتے بچے
صبح ہوئی تو پھر جاگ اٹھے
لہراتے اتراتے بچے
ننھے منے پیارے پیارے
میٹھے بول سناتے بچے
دیش کی شوبھا گھر کی زینت
دل میں راہ بناتے بچے
کل کی اک دولت ہیں شاکرؔ
آج کے ہنستے گاتے بچے

شاکر جرولی
نظم

گئی رتوں کے حسیں خواب ساتھ ساتھ چلے
ڈگر ڈگر پہ تمہارا ہی نام لکھتے چلے
جو لوح سادہ پر اک بار تیرا نام لکھا
غبار گرد زمانہ اسے مٹا نہ سکا

سلمیٰ شاہین
نظم

تھا حسن اتفاق کہ ٹی کورنر میں کل
قسمت سے میری مل گئے اک انٹلکچوئل
بیٹھے ہوئے تھے زاویۂ قائمہ بنے
جیسے محاذ پر ہو کوئی فیلڈ مارشل
رکھا تھا پورٹ فولیو بیگ ایک میز پر
اور اس سے متصل تھیں کتابیں ڈبل ڈبل
موٹی سی میگزین بھی تھی اک دھری ہوئی
جس کے سر ورق پہ تھے سر جون مائیکل
یوں عالم خیال میں ڈوبے ہوئے تھے آپ
جیسے دماغ میں ہو کسی مسئلے کا حل
الجھے ہوئے تھے بال حجامت بھی تھی بڑھی
چہرے پہ ادعائے متانت جبین پہ بل
میں نے بصد خلوص و ادب چائے پیش کی
اور اس کے بعد آیا رخ گفتگو نکل
موسم کے تذکرے سے چلی بات ادب کی سمت
اپنی جگہ پر آپ کا ہر قول تھا اٹل
ہر بات میں کہیں کا حوالہ ضرور تھا
اس سے غرض نہ تھی کہ حوالہ ہو بر محل
اردو کے ارتقا کی طرف بات جب مڑی
کہنے لگے کہ تیز ہے رفتار آج کل
میں نے کہا کہ ذہن ابھی تک غلام ہیں
جاتا نہیں دماغ سے تقلید کا خلل
افکار مستعار ہیں تخئیل مستعار
ہر نکتہ بے مقام ہے ہر لفظ بے محل
تنقید چھیڑ چھاڑ ہے تحقیق کھود کھاد
چلتے ہیں یوں قلم کہ چلے جس طرح سے ہل
افسانوں کے مزاج میں افسانہ پن نہیں
اس شتر بے مہار کی سیدھی ہے کون کل
پریوں کے بدلے اس میں مشینوں کا ناچ ہے
اک جوٹ مل بنا ہے پری‌‌ خانۂ غزل
پہلے تھا فارسی کے تتبع پر افتخار
اب مغربی ادب کی غلامی ہے بے خلل
بولے فضول آپ نہ بکواس کیجیے
اب کاروان فکر کی راہیں گئیں بدل
میں نے کہا کہ چند ادیبوں کا نام لیں
اپنی ڈگر بنا کے جو چلتے ہیں آج کل
بولے کہ ایک موسیو ژاں پال سارتر
جس نے بنا دیا ہے ہمیں انٹلکچوئل
اور دوسرا ہے جیمس جوائس ادیب عصر
پرزے دل و دماغ کے دیتا ہے جو بدل
میں نے کہا حضور یہ اردو کا تھا سوال
بولے کہ آپ بحث کریں مجھ سے یہ مجال

رضا نقوی واہی
نظم

آ جاتا ہے ان باتوں میں دنیا کے مرا دل
جٹ جاتا ہوں میں کام میں جی جان لگا کر
پھر بے خبری حد سے گزر جاتی ہے میری
بٹتا نہیں چل پڑتا ہوں جب اپنی ڈگر پر

ولی عالم شاہین
Load More
Best poetry resource in urdu
تلاش
Get App
URD
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
بولیے