Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "dil-chasp"

نظم کے متعلقہ نتیجہ "dil-chasp"

نظم

گم ہوئے یوں کہ کبھی میرے شناسا ہی نہ تھے
کچھ لکھا ہوتا تمہیں مجھ سے شکایت کیا ہے
خبر کب آئے ہو کیسے سناؤ پیارے
کیا خبر لائے ہو یاروں کی حکایت کیا ہے
اس نے یہ کچھ نہ کہا
اور کہا تو اتنا
کھیل دل چسپ ہے نظارہ کرو

ولی عالم شاہین
نظم

وہی مخمور راتیں اب بھی تصویر تخیل ہیں
وہی دل چسپ باتیں اب بھی تصویر تخیل ہیں
وہی پر کیف گھاتیں اب بھی تصویر تخیل ہیں
ستاروں کی براتیں اب بھی تصویر تخیل ہیں
وہی موج صبا ہوتی ہے لیکن تم نہیں ہوتیں
بڑی رنگیں فضا ہوتی ہے لیکن تم نہیں ہوتیں

شوکت پردیسی
نظم

گھنے پیڑ شاخوں پہ بور اور اونچے پہاڑ
ہری جھاڑیاں اور سبزے کی موٹی تہیں
سڑک کے کناروں پہ کھمبوں کے تار ہوا سے ہلیں سرسرائیں
رسیلے جھکوروں میں وہ تیز نشہ کہ بس سو ہی جائیں
کسی ایک کو پیاس لگ جائے تو سب کے سب کھیلتے مسکراتے
نشیبی چٹانوں میں بہتے ہوئے میٹھے جھرنے کی جانب
چلیں اور ہاتھوں کے پیالے کو اک دوسرے کے لبوں سے لگا دیں
کبھی کوئی بس آئے اور جو بھی اترے خلوص و محبت سے احوال پرسی کرے
اور اسباب سر پر دھرے گاؤں کا راستہ لے
کبھی کوئی چرواہا کندھے پہ لاٹھی رکھے اور ہاتھوں کو لاٹھی پہ لٹکائے
آہستہ آہستہ ریوڑ لیے گزرے اور پوچھتا جائے
کیوں جی کہاں جا رہے ہو
کبھی دور کے کھیت سے اک مدھر تان اٹھے اور سب بھول جائیں
کہ کیا کہہ رہے تھے
پھر ابا نظر آئیں اور
کنکروں اور لکیروں کی دل چسپ معصوم بازی کو سب بھول جائیں
کوئی زین گھوڑے پہ کسنے لگے کوئی سامان اٹھائے
شہر سے آنے والے پھلوں کی مہک ہر طرف پھیل جائے
کھلونوں کی جھنکار دل میں عجب گدگدی سی مچائے
حویلی کے چوبی منقش بڑے در پہ دادی کھڑی منتظر ہوں
ناشتہ کب سے تیار ہے
آٹھ بجنے کو ہیں آج آفس نہیں
جائیں گے کیا

محمد اظہار الحق
نظم

رات
گہری مہیب خاموشی
دل بھی
چپ چاپ
یوں دھڑکتا ہے
جیسے
درویش اپنے حجرے میں
آسمانوں کو کھٹکاتا ہے

جاوید ناصر
نظم

دل دکھتا ہے
آباد گھروں سے دور کہیں
جب بنجر بن میں آگ جلے
دل دکھتا ہے
پردیس کی بوجھل راہوں میں
جب شام ڈھلے
دل دکھتا ہے
جب رات کا قاتل سناٹا
پر ہول فضا کے وہم لیے
قدموں کی چاپ کے ساتھ چلے
دل دکھتا ہے

محسن نقوی
نظم

کوئی دھڑکن
نہ کوئی چاپ
نہ سنچل
نہ کوئی موج
نہ ہلچل
نہ کسی سانس کی گرمی
نہ بدن

مخدومؔ محی الدین
نظم

صرف اک تیرے ہی دل تک یہ صدا
جاگتی دنیا کے کہرام سے چپ چاپ گزر کر پہنچی
صرف اک تو نے پلٹ کر مری جانب دیکھا
مجھے تو نے تجھے میں نے دیکھا

مجید امجد
نظم

چاپ جب آپ کی سنتے ہیں
تو گل کھلتے ہیں
آپ پلکوں کو اٹھاتی ہیں
تو دل ملتے ہیں
آپ پلکوں کو اٹھاتی ہیں
تو دل ملتے ہیں

ندیم ناجد
نظم

بہت دن بعد
تو نے آج مجھ سے بات کی ہے
تیرے لہجے نے
مرا چہرہ کچھ اتنے پیار سے چوما
کہ دل کے جادۂ بے خواب پر
آواز کے گلنار موسم کی ملائم چاپ
پھولوں کی طرح اتری
کوئی ننھا سا جگنو
خوش گمانی کا لبادہ اوڑھ کر
آنکھوں کے گوشوں تک چلا آیا
شگوفوں کی طرح کھلتے ہوئے
تیری صدا کے نغمگیں موسم
کسی تازہ ہوا کی لہر سے
شہر سماعت کو بھگوئے جا رہے ہیں
مرے دل کی ہتھیلی پر جلے سارے دیے
میرے بدن میں
نور کی دستک پروئے جا رہے ہیں
یہ ہم بھی کیا
اچانک ملنے والی
اس خوشی کی نرم بانہوں سے لپٹ کر
مسلسل آج روئے جا رہے ہیں

نرجس افروز زیدی
نظم

محبت کی ایک کہانی میں
نیوکلیائی بم ایجاد ہوا
کان سماعت اور آنکھیں بصارت سے محروم ہو گئیں
میں نے کاغذ سے ڈالر بنایا
اور دل خرید لیا
گندم سمندر میں بہا دی
اور بھوک کھانے لگا
دل سے درد اور آنکھ سے آنسو رخصت ہو گئے
باقرؔ صاحب مر گئے
محمد خالد وائس پرنسپل ہو گئے
آفتاب حسین نے ادبی اخبار جاری کر لیا
اور میں شہر سلطان جا بیٹھا

ضیاء الحسن
نظم

رات سناٹا در و بام کے ہونٹوں پہ سکوت
راہیں چپ چاپ ہیں پتھر کے بتوں کی مانند
روشنی طاقتوں میں السائی ہوئی بیٹھی ہے
نیند آنکھوں کے دریچوں سے لگی بیٹھی ہے
دن کے ہنگاموں کی رونق کو بجھے دیر ہوئی
چاند کو نکلے ستاروں کو سجے دیر ہوئی

زبیر رضوی
نظم

ساری عمر گنوا دی ہم نے
پر اتنی سی بات بھی ہم نہ جان سکے
کھڑکی کا پٹ کھلتے ہی جو
لش لش کرتا
ایک چمکتا منظر ہم کو دکھتا ہے
کیا وہ منظر
کھڑکی کی چوکھٹ سے باہر
سبز پہاڑی کے قدموں میں
اک شفاف ندی سے چمٹے
پتھر پر چپ چاپ کھڑے
اک پیکر کا گم صم منظر ہے
جس کو کھڑکی کے کھلنے نہ کھلنے سے
کچھ غرض نہیں ہے
یا ہم
کھڑکی کے اندر کا منظر دیکھ رہے ہیں
ساری عمر گنوا دی ہم نے

وزیر آغا
نظم

وہ دستکیں
جو تمہاری پوروں نے ان دروں میں انڈیل دی ہیں
وہ آج بھی
ان کے چوب ریشوں میں جاگتی ہیں
تمہارے قدموں کی چاپ
چپ ساعتوں میں بھی
ایک ایک ذرے میں بولتی ہے
تمہارے لہجے کے میٹھے گھاؤ سے
آج بھی
میرے گھر کا کڑیل چٹان سینہ چھنا ہوا ہے

وحید احمد
نظم

وہ کسی کے جسم کی چاپ تھی
جو گزر گئی
اسے جانے کس کی تلاش تھی
مرے دل کے دشت کی ریت ہی میں کھلی تھی وہ
مجھے اک گلی میں ملی تھی وہ
اسے مجھ سے شوق وصال تھا
مرے خواب مجھ سے خفا ہوئے
مجھے نیند آئی میں سو گیا
یہی رتجگوں کا زوال تھا

شہریار
نظم

بے طلب وہ دے رہا ہے چپ رہو
کچھ کہا تو بات خالی جائے گی
چپ رہو چپ رہو
آنکھ کھولو چپ چاپ رہو
اس کی سنو
یادوں کا دامن پکڑو
گن گن کی آواز سنو
دور پپیہا گاتا ہے
اس کی سنو
چپ چاپ رہو
آہستہ آہستہ چلو
گول سا ایک پتھر دیکھو
لاکھ سال سے چاند ستارے
جس کو دیکھ کے چلتے ہیں
اس کو دیکھو
کچھ نہ کہو
پھر وہ پتھر اس مٹھی میں آئے گا
پھر تم کو سہلائے گا
دھنک کے گیت سنائے گا
آنکھیں کھولو
دھیرے چلو آہستہ چلو
شبنم کے سارے قطرے
افق کو جا کے چھو لیں گے
دل میں جگنو جگ مگ جگ مگ گائیں گے
جیسے ہی مٹھی کھولو گے پتھر اڑ کر
اک طائر بن جائے گا

عین رشید
نظم

طشت مہتاب میں ہجر کے خواب میں
دل جہاں بھی گیا
لمحہ لمحہ جلا
وصل کی خواہشیں
خاک میں خاک ہوتی رہیں
برگ گل نم زدہ غم زدہ غم زدہ
کہہ اٹھا میں چلا
اوس کے موتیوں کو ہوا کھا گئی
زخم آوارگی
دامن دل میں چپ چاپ ہنستا رہا
سب پرانے نئے کتنے موسم گئے
دھند کی اس طرف سارے منظر وہی
منتظر صف بہ صف
نیند میں کوئی چپ چاپ چلتا رہا
جس کو ملنا تھا کہیں
کوئی خندہ جبیں ایک چہرہ حسیں
وہ سفینہ سا امید کا غم کی تجدید کا
دور ہی دور ہوتا رہا
ہجر کا تاج سر پر سجاتے ہوئے
کوئی تنہا تھا تنہا ہے تنہا رہا

احمد ظفر
نظم

رات پلیٹ میں دکھ رکھا تھا
صبح کے کپ میں بے زاری تھی
شام چائے کے ساتھ پڑا تھا
دل کی صورت والا برفی کا اک ٹکڑا
آج مرے کمرے میں پھر سے ہجر کی ٹیبل پر
دل کا پیالہ یوں اشکوں سے بھرا ہوا تھا
اندر سے کچھ ٹوٹ گیا تھا
اور اک جگ یادوں سے بھرا میری جانب دیکھ رہا تھا
ایک گلاس تھکن کا خالی
جیسے در سے کوئی سوالی
بن پائے ہی لوٹ گیا تھا
نیند کے تکیے پر سر رکھا
میرے سرہانے کتاب تمہاری
میرا جیون دم سادھے چپ چاپ پڑا تھا
میں نے جوں ہی ہاتھ بڑھایا
لفظوں سے اک چہرہ ابھرا
رات بہت ہی بیت چکی ہے
اب سو جاؤ

الماس شبی
نظم

مرے قریب تو عورت ہی زندگی ہے یہاں
اسی بدن سے تخیل کی ہے نموداری
اسی کی ناف سے جڑنا ہے زندگی کی بقا
اسی کے سینۂ قلزم سے کائنات میں نم

ندیم ناجد
نظم

کون آیا ہے
یہ کس نے پھونک کر رکھے قدم
دہلیز پر چپ چاپ چوروں کی طرح
رات کی تاریکیوں میں سرسراہٹ سانپ کی
سانس کو سینے کے اندر روک لو
سن نہ لے قدموں کی آہٹ
دل کی دھڑکن کو کہو چپ سادھ لے
دل کا در وا تو نہ تھا
پر وہ تو دروازے سے اندر آ گیا
اس نے دستک بھی نہ دی
ایک سائے کی طرح ہے ساتھ ساتھ
کیا کریں کس کو بلائیں
کیا کہیں یہ کون ہے
چپ چاپ بے آواز
گم صم سامنے بیٹھا ہوا
یوں تو سب کچھ ہے
اگر سوچو تو یہ کچھ بھی نہیں
وہم و گماں
کون اب ڈھونڈے اسے
وہ تو آ کر رات کی تاریکیوں میں
اس طرح گھل مل گیا
جیسے اپنا جسم ہو اس کا لباس
ہم نے دیکھا ہے اسے
جو خود سے بھی روپوش ہے
وہ ہماری روح کی گردش میں ہے
اور ہمارے جسم سے سیراب ہے
اب اگر تم سو سکو تو سو رہو
اب وہ جائے گا کہاں
اب وہ شاید پھر نہ آئے گا کبھی

غالب احمد
نظم

دور شب کا سرد ہات
آسماں کے خیمۂ زنگار کی
آخری قندیل گل کرنے بڑھا
اور کومل چاندنی
ایک در بستہ گھروندے سے پرے
مضمحل پیڑوں پہ گر کر بجھ گئی

شکیب جلالی
Load More
Best poetry resource in urdu
تلاش
Get App
URD
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
بولیے