کی تلاش کا نتیجه | موضو - نظم, صفحہ fiil

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "fiil"

نظم کے متعلقہ نتیجہ "fiil"

نظم

آج کے نام
اور
آج کے غم کے نام
آج کا غم کہ ہے زندگی کے بھرے گلستاں سے خفا
زرد پتوں کا بن
زرد پتوں کا بن جو مرا دیس ہے
درد کی انجمن جو مرا دیس ہے
کلرکوں کی افسردہ جانوں کے نام
کرم خوردہ دلوں اور زبانوں کے نام
پوسٹ مینوں کے نام
تانگے والوں کا نام
ریل بانوں کے نام
کارخانوں کے بھوکے جیالوں کے نام
بادشاہ جہاں والئ ماسوا، نائب اللہ فی الارض
دہقاں کے نام
جس کے ڈھوروں کو ظالم ہنکا لے گئے
جس کی بیٹی کو ڈاکو اٹھا لے گئے
ہاتھ بھر کھیت سے ایک انگشت پٹوار نے کاٹ لی ہے
دوسری مالیے کے بہانے سے سرکار نے کاٹ لی ہے
جس کی پگ زور والوں کے پاؤں تلے
دھجیاں ہو گئی ہے
ان دکھی ماؤں کے نام
رات میں جن کے بچے بلکتے ہیں اور
نیند کی مار کھائے ہوئے بازوؤں میں سنبھلتے نہیں
دکھ بتاتے نہیں
منتوں زاریوں سے بہلتے نہیں

فیض احمد فیض

نظم

اے ہمالہ اے فصیل کشور ہندوستاں
چومتا ہے تیری پیشانی کو جھک کر آسماں
تجھ میں کچھ پیدا نہیں دیرینہ روزی کے نشاں
تو جواں ہے گردش شام و سحر کے درمیاں
ایک جلوہ تھا کلیم طور سینا کے لیے
تو تجلی ہے سراپا چشم بینا کے لیے
امتحان دیدۂ ظاہر میں کوہستاں ہے تو
پاسباں اپنا ہے تو دیوار ہندستاں ہے تو
مطلع اول فلک جس کا ہو وہ دیواں ہے تو
سوئے خلوت گاہ دل دامن کش انساں ہے تو
برف نے باندھی ہے دستار فضیلت تیرے سر
خندہ زن ہے جو کلاہ مہر عالم تاب پر
تیری عمر رفتہ کی اک آن ہے عہد کہن
وادیوں میں ہیں تری کالی گھٹائیں خیمہ زن
چوٹیاں تیری ثریا سے ہیں سرگرم سخن
تو زمیں پر اور پہنائے فلک تیرا وطن
چشمۂ دامن ترا آئینۂ سیال ہے
دامن موج ہوا جس کے لیے رومال ہے
ابر کے ہاتھوں میں رہوار ہوا کے واسطے
تازیانہ دے دیا برق سر کوہسار نے
اے ہمالہ کوئی بازی گاہ ہے تو بھی جسے
دست قدرت نے بنایا ہے عناصر کے لیے
ہائے کیا فرط طرب میں جھومتا جاتا ہے ابر
فیل بے زنجیر کی صورت اڑا جاتا ہے ابر
جنبش موج نسیم صبح گہوارہ بنی
جھومتی ہے نشۂ ہستی میں ہر گل کی کلی
یوں زباں برگ سے گویا ہے اس کی خامشی
دست گلچیں کی جھٹک میں نے نہیں دیکھی کبھی
کہہ رہی ہے میری خاموشی ہی افسانہ مرا
کنج خلوت خانۂ قدرت ہے کاشانہ مرا
آتی ہے ندی فراز کوہ سے گاتی ہوئی
کوثر و تسنیم کی موجوں کو شرماتی ہوئی
آئینہ سا شاہد قدرت کو دکھلاتی ہوئی
سنگ رہ سے گاہ بچتی گاہ ٹکراتی ہوئی
چھیڑتی جا اس عراق دل نشیں کے ساز کو
اے مسافر دل سمجھتا ہے تری آواز کو
لیلئ شب کھولتی ہے آ کے جب زلف رسا
دامن دل کھینچتی ہے آبشاروں کی صدا
وہ خموشی شام کی جس پر تکلم ہو فدا
وہ درختوں پر تفکر کا سماں چھایا ہوا
کانپتا پھرتا ہے کیا رنگ شفق کوہسار پر
خوش نما لگتا ہے یہ غازہ ترے رخسار پر
اے ہمالہ داستاں اس وقت کی کوئی سنا
مسکن آبائے انساں جب بنا دامن ترا
کچھ بتا اس سیدھی سادھی زندگی کا ماجرا
داغ جس پر غازۂ رنگ تکلف کا نہ تھا
ہاں دکھا دے اے تصور پھر وہ صبح و شام تو
دوڑ پیچھے کی طرف اے گردش ایام تو

علامہ اقبال

نظم

دیکھ آئے ہم بھی دو دن رہ کے دہلی کی بہار
حکم حاکم سے ہوا تھا اجتماع انتشار
آدمی اور جانور اور گھر مزین اور مشین
پھول اور سبزہ چمک اور روشنی ریل اور تار
کراسن اور برق اور پٹرولیم اور تارپین
موٹر اور ایروپلین اور جمگھٹے اور اقتدار
مشرقی پتلوں میں تھی خدمت گزاری کی امنگ
مغربی شکلوں سے شان خود پسندی آشکار
شوکت و اقبال کے مرکز حضور امپرر
زینت و دولت کی دیوی امپرس عالی تبار
بحر ہستی لے رہا تھا بے دریغ انگڑائیاں
تھیمس کی امواج جمنا سے ہوئی تھیں ہم کنار
انقلاب دہر کے رنگین نقشے پیش تھے
تھی پئے اہل بصیرت باغ عبرت میں بہار
ذرے ویرانوں سے اٹھتے تھے تماشا دیکھنے
چشم حیرت بن گئی تھی گردش لیل و نہار
جامے سے باہر نگاہ ناز فتاحان ہند
حد قانونی کے اندر آنریبلوں کی قطار
خرچ کا ٹوٹل دلوں میں چٹکیاں لیتا ہوا
فکر ذاتی میں خیال قوم غائب فی المزار
دعوتیں انعام اسپیچیں قواعد فوج کمپ
عزتیں خوشیاں امیدیں احتیاطیں اعتبار
پیش رو شاہی تھی پھر ہز ہائینس پھر اہل جاہ
بعد اس کے شیخ صاحب ان کے پیچھے خاکسار

اکبر الہ آبادی

نظم

گلشن عالم میں جب تشریف لاتی ہے بہار
رنگ و بو کے حسن کیا کیا کچھ دکھاتی ہے بہار
صبح کو لا کر نسیم دل کشا ہر شاخ پر
تازہ تر کس کس طرح کے گل کھلاتی ہے بہار
نونہالوں کی دکھا کر دم بدم نشو و نما
جسم میں روح رواں کیا کیا بڑھاتی ہے بہار
بلبلیں چہکارتی ہیں شاخ گل پر جا بجا
بلبلیں کیا فی الحقیقت چہچہاتی ہے بہار
حوض و فواروں کو دے کر آبرو پھر لطف سے
کیا معطر فرش سبزے کا بچھاتی ہے بہار
جنبش باد صبا سے ہو کے ہم دوش نشاط
ساتھ ہر سبزے کے کیا کیا لہلہاتی ہے بہار
خلق کو ہر لحظہ اپنے حسن کی رنگت دکھا
بے تکلف کیا ہی ہر دل میں سماتی ہے بہار
مجمع خوباں ہجوم عاشقاں اور جوش گل
دیکھ ان رنگوں کو کیا کیا کھلکھلاتی ہے بہار
گل رخوں کی دیکھ کر گل بازیاں ہر دم نظیر
گل ادھر خنداں ادھر دھومیں مچاتی ہے بہار

نظیر اکبرآبادی

نظم

(۲)
سرد مہری
اب جاڑا جھنڈے گاڑے گا
اور فیل فلک چنگھاڑے گا
اب بادل شور مچائیں گے
اب بھوت فلک پر چڑھ دوڑیں گے
دھرتی کو دہلائیں گے
ہنسنے کے مزے اب آئیں گے
اب خوب ہنسے گا دیوانہ

حفیظ جالندھری

نظم

کمپیوٹر کا ہے یہ دور
اب جینے کا بدلا طور
دفتر دفتر گھر گھر آج
دیکھ لو کمپیوٹر کا راج
قدم قدم پر صبح و شام
کمپیوٹر ہی آئے کام
اس سے ہم کیوں ہوں محروم
جب کمپیوٹر کی ہے دھوم
دور ہمارا ہے کچھ اور
کمپیوٹر سیکھو فی الفور
چیز بنی حیرت انگیز
اس کی میموری ہے تیز
حرف سبھی اور سب اعداد
کمپیوٹر رکھتا ہے یاد
علم و فن سے ہے آباد
اچھا خاصا ہے استاد
ہر بھاشا کر لو تحریر
اور بنا لو ہر تصویر
اس پر کر لو ہیڈ اور ٹیل
پھر کھیلو من چاہے کھیل
نئی چلائی اس نے ریت
اس پر بھی بجتے ہیں گیت
سیکھ کے کمپیوٹر بچو
اپنے خواب کو سچ کر لو

فراغ روہوی

نظم

دونوں مشکیزے لبا لب
ایک چمبک کی طرح
اپنی جانب کھینچتے رہتے اسے
فیل بندی قہر تھی

ساقی فاروقی

نظم

امید
ہے غلط نوحۂ غم گوہر شہوار ہے تو
فی الحقیقت بڑی عزت کا سزا وار ہے تو
موجزن ہے تری رگ رگ میں شہیدوں کا لہو
بدر و احزاب کی جنگوں کا علم دار ہے تو
جرأت خالد جاں باز ملی ہے تجھ کو
وارث زور شہ حیدر کرار ہے تو
کون کہتا ہے تجھے جنس دنی ہیچ مبرز
تو بہت کچھ ہے اگر مسلم بیدار ہے تو
تو اگر چاہے نکل سکتی ہے صحرا میں بھی راہ
سعئ پیہم کے لیے کوہ گراں اک پر کاہ
کون کہتا ہے کہ سامان سے وابستہ ہے
تیری عزت ترے ایمان سے وابستہ ہے
سب سے اول تجھے لازم ہے خدا کی پہچان
آدمیت اسی عرفان سے وابستہ ہے
خود گرا پڑتا ہے لازم ہے خدا کی پہچان
تیری وقعت بھی تری آن سے وابستہ ہے
اس سے کٹ جائے تو کوڑی بھی نہیں مول ترا
قدر و قیمت تری قرآن سے وابستہ ہے
تو ہے شاکی کہ زمانہ نے تجھے کھویا ہے
اور زمانے کو شکایت ہے کہ تو سویا ہے

عروج قادری

نظم

ہم جیسے جی رہے ہیں
ہم کو ویسے جینے دو
یہ جو آگہی کے دکھ ہوتے ہیں
وہ روح کو زخمی کر دیتے ہیں
اور اب تک صرف جسموں کے علاج کی ریسرچ ہوئی ہے
اور وہ ریسرچ بھی کیا
کہ ڈاکٹرز ایک مرض درست کر کے
دوسرا مرض اگا دیتے ہیں
یہ جو آگہی ہے
یہ تو ناسور سے بھی بد تر ہے
یہ تو ہنستے بستے انسان کو
رلا دیتی ہے
اجاڑ دیتی ہے
یہ جو اندھیرا ہے نا جہالت کا
وہ فی الوقت کتنا سکون بخش ہے
بچپن کے کھلونوں سے جی بہلانے جیسا
یہ جو دنیا ہے نا
اس کے کیا کیا عذاب ہیں
کہاں کہاں جنگیں ہو رہی ہیں
اور اس کے محرکات کیا کیا ہیں
انسان ہی انسان کو مار رہے ہیں
یہ جو کائنات ہے نا
اس میں کتنا پانی بچا ہے
کتنی آکسیجن باقی ہے
کتنے سیارے خلاؤں میں زمین کو کھانے کے لیے گھوم رہے ہیں
یہ جو آگہی ہے نا
یہ تو جیتے جی مار رہی ہے
اب ہم جیتے کب ہیں
ہم تو جینے کے لیے فلسفے بنتے رہتے ہیں
ہم تو جینے کے لیے سیارے ڈھونڈتے رہتے ہیں
ہم تو جینے کی اداکاری کرتے ہیں

مریم تسلیم کیانی

نظم

اسے روک بھی دو
کہ یہ فیل پا اب ہمارے سبک جسم کو روند دے گا
ہمارے تخیل کے پر توڑ دے گا
یہ سیل رواں آرزو کے گھروندے کی بنیاد کو چاٹ لے گا

شہزاد احمد

نظم

خاموش ہوا بھیڑوں کا گلہ چلتے چلتے ممیا کر
جا پہنچا شاید باڑے میں بوسی رستے میں پھیلا کر
چپ چاپ کھڑا ہے دور ادھر وہ جنگل کالی چیلوں کا
سر سبز پہاڑوں کو پر ہول بنانے والی چیلوں کا
آواز نہیں آتی اب جھیل کی جانب سے مرغابی کی
سنسان فضا بے جان ہوا میں لرزاں روح خموشی کی
یوں لائی دوش پہ لاش سی کیا رنگیں دن کی بربادی کی
یہ شام یہ گہری شام یہ ہر لحظہ بڑھتی ہوئی تاریکی!
قدرت کے سکوت مجسم کی اس ہیبت زا آرائش سے
وادی کے ذرے ذرے کی ہم آہنگی کی نمائش سے
ہر نقش شجر ہر فیل نما پتھر دنیا ہے طلسموں کی
حد ہی نہیں آتی کوئی نظر اس طرفہ فسوں کی قسموں کی
ہر شے پر خواب سا طاری ہے اور میں ہوں صرف بے خوابی
لینے ہی نہیں دیتی دم مجھ کو میری فطرت سیمابی
اے کاش کبھی کم کر سکتی میرے بھی دل کی بیتابی
یہ شام یہ گہری شام یہ ہر لحظہ بڑھتی ہوئی تاریکی
میں مصنوعات کا پروردہ بلکہ انسان بھی مصنوعی
میرا سامان بھی مصنوعی میرا ایمان بھی مصنوعی
بسنے والا میدانوں کے ہنگامہ پرور شہروں کا
بے ربط سکوں سے ناواقف اور شوریدہ سر شہروں کا
میں قدرت کے اسرار و رموز پنہاں سے آگاہ کہاں
اس اندھیار کے اتھاہ سمندر کی مرے دل میں چاہ کہاں
اور مجھ کو دکھاتی ہے نور حقیقت کے جلووں کی راہ کہاں
یہ شام یہ گہری شام یہ ہر لحظہ بڑھتی ہوئی تاریکی
یہ منظر خوش آیند تو ہیں میں ان سے مگر کیوں ڈرتا ہوں
کیوں ان کی دلآویزی کو وحشت ناک تصور کرتا ہوں
کیوں مجھ کو میسر سنگ و شجر کا سا بھی سکون قلب نہیں
کیوں میری دنیا اس دنیا سے جا کے بسی ہے دور کہیں
کیوں میں نے ڈالا ہے اپنے ہی جی کو آپ ہلاکت میں
کیوں ہو ہی نہیں جاتا میں خود پیوستہ جہان قدرت میں
کیوں لے ہی نہیں لیتی مجھ کو اپنی آغوش کی وسعت میں
یہ شام یہ گہری تاریکی یہ ہر لحظہ بڑھتی ہوئی تاریکی

قیوم نظر

نظم

برگد کے درختوں سے جنگل پھیلے ہیں پہاڑ کے دامن میں
شاخیں ہیں جو ان کی سایہ فگن ظلمت کا سماں ہے ہر بن میں
پھرتے ہیں وہ فیل مست یہاں ہے دیو کا جن کے قد پہ گماں
یہ کالی گھٹا جب دوڑتی ہے آتا ہے نظر ہیبت کا سماں

سید وحیدالدین سلیم

نظم

اس کے اندر زندگی کی قدر کرتے ہو تلاش
اور لیے پھرتا ہے بھائی دوسرے بھائی کی لاش
طرز نو کی شاعری ہو جائے جب بے حد بلیغ
لوگ کہتے ہیں کہ پیدا ہو گیا ادب لطیف
طرز نو کی شاعری کے دیکھیے موضوع بھی
''حریت'' ''نسوانیت'' ''احساس'' ''مفلس کا شباب''
''چاندنی راتیں'' پپیہا، تو کہاں'' ''سرمایہ دار''
''بورژوا قدریں'' ''مہاجن'' ''زندگی کے موڑ پر''
''مورچہ مخمل میں دیکھا آدمی بادام میں''
''ٹوٹی دریا کی کلائی زلف الجھی بام میں''
طرز نو کی شاعری میں مد و جزر بحر شعر
اف غضب
ایک مصرعہ فیل بے زنجیر کی زندہ مثال
دوسرا اشتر کی دم

سید محمد جعفری

نظم

صلیب سے جو ٹپکتا ہے بے گناہ لہو
وہ بوند بوند کا اپنی
حساب لیتا ہے
زمین جبر کی افواج فیل واقف ہیں
فضا میں ایسے پرندوں کا
ایک غول بھی ہے
جو کنکری سے چٹانوں کو توڑ دیتا ہے
جب اپنی حد سے گزرتے ہیں
ابرہی سیلاب
یہ سنگریزوں سے
رخ ان کے موڑ دیتا ہے
سو جب یہ سازشی صیاد طائروں کے لیے
فضا میں ہر طرف اک جال تان بیٹھے ہوں
تو حادثات
کوئی اہتمام کرتے ہیں
کہیں سے موت کے کنکر
اچھالتا ہے کوئی
اسی کے دام اسے
زیر دام کرتے ہیں
بس اور کچھ نہیں
ان حادثات کی تفصیل
یہ حادثات
تو حجت تمام کرتے ہیں

نسیم سید

نظم

رب معبود گم آسمانوں میں ہے
گنگ و خاموش ہے
بادشاہ جہاں والئ ماسوا نائب اللہ فی الارض
کون و مکاں

اکرام خاور

نظم

یہ پیادے پٹ چکے ہیں سب
تمہارے فیل اور اسپ یزیدی
خانہ بہ خانہ پریشاں
پردہ بہ پردہ پشیماں
لا بہ لا جائے مفر کی رہ میں سرگرداں

کامران نفیس

نظم

تن نازک پہ اس کے پیرہن ہے سبز اور دھانی
کہیں پر لاجوردی سرمئی اور نقرئی زیور
طلائی نگ جڑے ہیں جابجا جن میں
ہتھیلی قرمزی رنگت
کہیں پر سلسلہ در سلسلہ کہسار
کھڑے ہیں سر اٹھائے ایک شان بے نیازی سے
کہیں آغوش میں چشمے
چھپا ہے زندگی کا راز جن میں
خطوط دل ربا ایسے
کہ سیار و ثوابت کی حدوں کو ناپتا رہرو
بھی رستہ بھول بیٹھے دم بخود ہو کر
نگہ اٹھی ذرا ٹھٹھکی نگاہ شوق میں بدلی
پلٹنے سے ہوئی منکر
چلو آوارہ گردی ترک کرتے ہیں
یہیں پر خیمہ زن ہو کر
کسی کے چشم و ابرو پر
متاع جاں یہ فانی زیست ہم قربان کرتے ہیں
مگر کچھ پل ہی گزرے اور وہ زیرک نگاہیں
توڑ کر وارفتگی کے سحر کو
و سخر کی نئی تعبیر میں مشغول ہیں اب

قمر جہاں نصیر

نظم

ہم نشیں پوچھ نہ لندن میں مشاغل میرے
گویا حالات نہیں ذکر کے قابل میرے
گھر سے نکلا تھا پڑھائی کی تمنا لے کر
دل میں مچلے ہوئے ارمانوں کی دنیا لے کر
بار کرنے کا بہت جلد ارادہ کر کے
اپنے ماں باپ سے دو سال کا وعدہ کر کے
داخلہ ملنے میں لیکن جو ذرا دیر ہوئی
گویا یہ کہیے کہ تقدیر الٹ پھیر ہوئی
بور ہوتا تھا صبح و شام اکیلا گھر میں
درد رہتا تھا خیالات سے میرے سر میں
دل بہت جب غم تنہائی سے گھبراتا تھا
تو ذرا سیر گلستاں کو نکل جاتا تھا
ایک دن یوں ہی جو گلگشت چمن کو نکلا
درد سے چور مداوائے محن کو نکلا
دیکھتا کیا ہوں کہ ایک بنچ پہ چشمے کے قریں
محو نظارۂ فطرت ہے کوئی زہرہ جبیں
اس کے نزدیک میں چپکے سے وہیں بیٹھ گیا
بت شکن جیسے کوئی بت کے قریں بیٹھ گیا
بات موسم سے جو نکلی تو محبت پہ گئی
لذت وصل سے بڑھ کر غم فرقت پہ گئی
خرچ کرنے کے لیے گھر سے رقم آتی تھی
فارن ایکسچینج کے پرمٹ پہ گو کم آتی تھی
ہم پکیڈلی پہ ہر اک شام ملا کرتے تھے
بیچ بازار سر عام ملا کرتے تھے
مغربی رقص مجھے گو کہ نہیں آتا تھا
اس نے اک دن میں سکھا ڈالا مگر چا چا چا
روز کمرے میں سلو والٹز کیا کرتا تھا
میں مئے حسن کو چکھ چکھ کے پیا کرتا تھا
وہ گئی اور ملی پھر وہ گئی اور ملی
بعض اوقات بہت جلد و فی الفور ملی
اب یہ عالم ہے کہ بس خون جگر پیتا ہوں
زندگی موت سے بد تر ہے مگر جیتا ہوں

بیتاب امروہوی

نظم

میں نے اک بزم سخن میں کل غزل اپنی پڑھی
جس کو سن کر اہل محفل جھوم اٹھے وجد سے
جوش آیا ایک صاحب کو تو اٹھ کر جوش میں
اک لفافہ ہاتھ میں چپکے سے رکھ کر چل دئے
میں یہ سمجھا اس میں شاید ایک سو کا نوٹ ہے
کر دیا فی الفور پھر اس کو حوالے جیب کے
جب لفافہ کھول کر دیکھا تو یہ عقدہ کھلا
درج تھی اس میں ثنا خوانی مری اس طرح سے
سچ تو یہ ہے بہترین اشعار فرماتے ہیں آپ
بزم کو نغمہ سنا کر وجد میں لاتے ہیں آپ

عصمت اللہ عصمت بیگ

نظم

دست بہ ناف منجمد
پا بہ لحاف منجمد
مہر میں تاب و تب نہیں
ماہ شفاف منجمد
شمع ہے بے گداز تو
طرز طواف منجمد
قریہ دیہات برف برف
شہر و کناف منجمد
سارے مکین در مکاں
قصر و مطاف منجمد
سار و سمور و شاخ و شخ
قلۂ قاف منجمد
شیر و شغال خال خال
فیل و زراف منجمد
قہقہہ بے طرب تمام
لاف و گزاف منجمد
ساز و سرود بے خروش
کاہش لاف منجمد
شوق نظارہ تیز و ہوش
اس کے خلاف منجمد

رضوان اللہ

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے