کی تلاش کا نتیجه | موضو - نظم, صفحہ jaan-e-e'tibaar-e-vafaa

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "jaan-e-e'tibaar-e-vafaa"

نظم کے متعلقہ نتیجہ "jaan-e-e'tibaar-e-vafaa"

نظم

میں جانتا ہوں کہ اے جان اعتبار وفا
تمہیں نے میرے لئے اشک بھی بہائے ہیں
تمہیں نے میری امنگوں کی رہنمائی کی
تمہیں نے میری ڈگر میں دئے جلائے ہیں

نظم

خیر اب ہم مطمئن یوں ہیں کہ جان آرزو
ہم نے کچھ کھو بھی دیا ہے اور کچھ پایا بھی ہے
کیسے کیسے عقل کو دے کر دلاسے جان جاں
روح کو تسکین دی ہے دل کو سمجھایا بھی ہے

سیدہ شانِ معراج

نظم

ہم وہی اہل جنوں اہل وفا صاحب دل
ہم کہ ہر دور میں اوراق زمانہ کے امیں
وہ لہو اپنے ہی ماتھے سے بہا ہے جس سے
آج دیوار خرد کی ہے لہو رنگ جبیں

نور شمع نور

نظم

ہمیں ناموس کی وراثت کو
شعلۂ جاں بنا کے رکھنا ہے
اپنے ماضی سے رابطے کے لئے
اپنا ورثہ بچا کے رکھنا ہے

نور شمع نور

نظم

فرض کرو ہم اہل وفا ہوں، فرض کرو دیوانے ہوں
فرض کرو یہ دونوں باتیں جھوٹی ہوں افسانے ہوں

ابن انشا

نظم

ہم اہل وفا رنجور سہی، مجبور نہیں
اور شہر وفا سے دشت جنوں کچھ دور نہیں
ہم خوش نہ سہی، پر تیرے سر کا وبال گیا

ابن انشا

نظم

شکوؤں کو اٹھا رکھنا، آنکھوں کو بچھا رکھنا
اک شمع دریچے کی چوکھٹ پہ جلا رکھنا
مایوس نہ پھر جائے، ہاں پاس وفا رکھنا
دروازہ کھلا رکھنا
دروازہ کھلا رکھنا

ابن انشا

نظم

اولیں شہر کی تسخیر میں پہلو تھے بہت
رنج کے خوف کے حیرت کے شکیبائی کے
پھر یہ دیکھا کہ تن و جاں کے اثاثے کے عوض
مٹی ہم جس پہ قدم رکھتے ہیں
جس کی ٹھوڑی پہ لہو رنگ علم رکھتے ہیں
اس کی ممتا کی حرارت سے الگ چیز نہیں
جس میں ہم اپنا نسب اپنا جنم رکھتے ہیں
اپنے ہونے کا بھرم رکھتے ہیں

اعتبار ساجد

نظم

چاند نکلا ہے داغوں کی مشعل لیے
دور گرجا کے میناروں کی اوٹ سے
آ مری جان آ ایک سے دو بھلے
آج پھیرے کریں کوچۂ یار کے
اور ہے کون درد آشنا باورے!
ایک میں شہر میں، ایک تو شہر میں

ابن انشا

نظم

خاکستر دل کو ہے پھر شعلہ بجاں ہونا
حیرت کا جہاں ہونا حسرت کا نشاں ہونا
اے شخص جو تو آکر یوں دل میں سمایا ہے
تو درد کہ درماں ہے تو دھوپ کہ سایا ہے؟
نیناں ترے جادو ہیں گیسو ترے خوشبو ہیں
باتیں کسی جنگل میں بھٹکا ہوا آہو ہیں
مقصود وفا سن لے کیا صاف ہے سادہ ہے
جینے کی تمنا ہے مرنے کا ارادہ ہے

ابن انشا

نظم

آج تو ہم بکنے کو آئے، آج ہمارے دام لگا
یوسف تو بازار وفا میں، ایک ٹکے کو بکتا ہے

ابن انشا

نظم

ہاں گاہے گاہے دید کی دولت ہاتھ آئی
یا ایک وہ لذت نام ہے جس کا رسوائی
بس اس کے سوا تو جو بھی ثواب کمایا ہے
سب مایا ہے
اک نام تو باقی رہتا ہے، گر جان نہیں
جب دیکھ لیا اس سودے میں نقصان نہیں
تب شمع پہ دینے جان پتنگا آیا ہے
سب مایا ہے

ابن انشا

نظم

شہر دل کی گلیوں میں
شام سے بھٹکتے ہیں
چاند کے تمنائی
بے قرار سودائی
دل گداز تاریکی
روح و جاں کو ڈستی ہے
روح و جاں میں بستی ہے
شہر دل کی گلیوں میں
تاک شب کی بیلوں پر
شبنمیں سرشکوں کی
بیقرار لوگوں نے
بے شمار لوگوں نے
یادگار چھوڑی ہے
اتنی بات تھوڑی ہے

ابن انشا

نظم

شہر دل کی گلیوں میں
شام سے بھٹکتے ہیں
چاند کے تمنائی
بے قرار سودائی
دل گداز تاریکی
جاں گداز تنہائی
روح و جاں کو ڈستی ہے
روح و جاں میں بستی ہے
شہر دل کی گلیوں میں
تاک شب کی بیلوں پر
شبنمیں سرشکوں کی
بے قرار لوگوں نے
بے شمار لوگوں نے
یادگار چھوڑی ہے
اتنی بات تھوڑی ہے
صد ہزار باتیں تھیں
حیلۂ شکیبائی
صورتوں کی زیبائی
قامتوں کی رعنائی
ان سیاہ راتوں میں
ایک بھی نہ یاد آئی
جا بجا بھٹکتے ہیں
کس کی راہ تکتے ہیں
چاند کے تمنائی
یہ نگر کبھی پہلے
اس قدر نہ ویراں تھا
کہنے والے کہتے ہیں
قریۂ نگاراں تھا
خیر اپنے جینے کا
یہ بھی ایک ساماں تھا
آج دل میں ویرانی
ابر بن کے گھر آئی
آج دل کو کیا کہئے
با وفا نہ ہرجائی
پھر بھی لوگ دیوانے
آ گئے ہیں سمجھانے
اپنی وحشت دل کے
بن لئے ہیں افسانے
خوش خیال دنیا نے
گرمیاں تو جاتی ہیں
وہ رتیں بھی آتی ہیں
جب ملول راتوں میں
دوستوں کی باتوں میں
جی نہ چین پائے گا
اور اوب جائے گا
آہٹوں سے گونجے گی
شہر دل کی پنہائی
اور چاند راتوں میں
چاندنی کے شیدائی
ہر بہانے نکلیں گے
آرزو کی گیرائی
ڈھونڈنے کو رسوائی
سرد سرد راتوں کو
زرد چاند بخشے گا
بے حساب تنہائی
بے حجاب تنہائی
شہر دل کی گلیوں میں

ابن انشا

نظم

اے متوالو ناقوں والو دیتے ہو کچھ اس کا پتا
نجد کے اندر مجنوں نامی ایک ہمارا بھائی تھا
آخر اس پر کیا کچھ بیتی جانو تو احوال کہو
موت ملی یا لیلیٰ پائی؟ دیوانے کا مآل کہو
عقل کی باتیں کہنے والے دوستوں نے اسے سمجھایا
اس کو تو لیکن چپ سی لگی تھی نا بولا نا باز آیا
خیر اب اس کی بات کو چھوڑو دیوانا پھر دیوانا
جاتے جاتے ہم لوگوں کا ایک سندیسا لے جانا

ابن انشا

نظم

نشریہ آل انڈیا ریڈیو بھوپال اندور ۸ جولائی ۶۸
سجی ہوئی گلوں سے یہ حسین وادیاں
یہ سبزہ زار خوش نما ہری بھری یہ کھیتیاں
یہ نہریں جن میں زندگی بھرے ہوئے ہے مستیاں
یہ جھلملاتی ندیاں یہ مسکراتی ندیاں
یہ گاؤں گاؤں شہر شہر سورگ کے سمان ہیں
میرے عظیم دیش کی یہ بستیاں مہان ہیں
جگہ جگہ وکاس کی ابھر رہی ہے روشنی
نئی ادا سے کروٹیں بدل رہی ہے زندگی
مہک اٹھی روش روش چمک اٹھی گلی گلی
وہ آج پھول بن گئی جو کل تھی ادھ کھلی کلی
جو پستیاں تھیں کل وہ اب عروج آسمان ہیں
مرے عظیم دیش کی یہ بستیاں مہان ہیں
بلند اونچی بلڈنگیں یہ جگمگاتے راستے
بسوں کے موٹروں کے دوڑتے ہوئے یہ سلسلے
کلوں کی گڑگڑاہٹوں میں زندگی کے ولولے
ترقیوں کی کھوج میں رواں دواں یہ قافلے
مرے وطن کی روح ہیں مرے چمن کی جان ہیں
مرے وشال دیش کے بھوشیہ کا نشان ہیں
ہر ایک فرد اس چمن کا آج پاسبان ہے
کلرک یا مجور ہے جوان یا کسان ہے
مرا وطن عظیم ہے مرا وطن مہان ہے
یہ کھیتیوں کا دیش ہے ملوں کا یہ جہان ہے
یہ سر بلند چمنیاں وطن کی آن بان ہیں
ہری بھری یہ کھیتیاں مرے چمن کی شان ہیں

وفا صدیقی

نظم

جو میری گود میں پل کر جوان ہو گئے ہیں
مرے سفینے کے اب بادبان ہو گئے ہیں
وہ جن پہ نیل ابھرتے تھے ہاتھ لگتے ہی
وہ پھول جیسے بدن اب چٹان ہو گئے ہیں
وہ جن کو سینچا تھا میں نے اب ان کے سائے میں ہوں
کہ اب وہ ننھے شجر سائبان ہو گئے ہیں
وہ دیکھ بھال میں جن کی گزر گئی مری عمر
خدا کا شکر مرے پاسبان ہو گئے ہیں
جو چند پھول مہکتے تھے میرے آنگن میں
خوشا نصیب وہ خود گلستاں ہو گئے ہیں
نہیں جھکے ہوئے شانوں کا اب مجھے کوئی غم
خدا رکھے مرے بچے جوان ہو گئے ہیں
نہ پڑنا اپنے پرائے میں تم مرے بچو
تباہ اس سے بہت خاندان ہو گئے ہیں
وہ جن کی فکر میں رہتی تھی میں وفاؔ بے چین
غم و خوشی کے مرے ترجمان ہو گئے ہیں

امۃ الحئی وفا

نظم

تمہی کہہ دو کچھ حد ہے ظلم و جفا کی
وفا کی طرح ساری دنیا ہے شاکی
کبھی یہ ادا کی کبھی وہ ادا کی
رہی شکل ابتر دل مبتلا کی
نہیں ہیں نہیں ہیں محبت کی باتیں
حقیقت میں یہ ہیں عداوت کی باتیں

وفا براہی

نظم

نہ دل کا انتخاب ہے
نہ کوئی بے حجاب ہے
نہ عالم شباب ہے
جو دیکھتا ہوں خواب ہے
جہان کو بقا کہاں
کرم کہاں وفا کہاں

وفا براہی

نظم

لکھنؤ میرے وطن میرے چمن زار وطن
تیرے گہوارۂ آغوش میں اے جان بہار
اپنی دنیائے حسیں دفن کیے جاتا ہوں
تو نے جس دل کو دھڑکنے کی ادا بخشی تھی
آج وہ دل بھی یہیں دفن کیے جاتا ہوں
دفن ہے دیکھ مرا عہد بہاراں تجھ میں
دفن ہے دیکھ مری روح گلستاں تجھ میں
میری گل پوش جواں سال امنگوں کا سہاگ
میری شاداب تمنا کے مہکتے ہوئے خواب
میری بیدار جوانی کے فروزاں مہ و سال
میری شاموں کی ملاحت مری صبحوں کا جمال
میری محفل کا فسانہ مری خلوت کا فسوں
میری دیوانگئ شوق مرا ناز جنوں
میرے مرنے کا سلیقہ مرے جینے کا شعور
میرا ناموس وفا میری محبت کا غرور
میری نبضوں کا ترنم مرے نغموں کی پکار
میرے شعروں کی سجاوٹ مرے گیتوں کا سنگار
لکھنؤ اپنا جہاں سونپ چلا ہوں تجھ کو
اپنا ہر خواب جواں سونپ چلا ہوں تجھ کو
اپنا سرمایۂ جاں سونپ چلا ہوں تجھ کو
لکھنؤ میرے وطن میرے چمن زار وطن
یہ مرے پیار کا مدفن ہی نہیں ہے تنہا
دفن ہیں اس میں محبت کے خزانے کتنے
ایک عنوان میں مضمر ہیں فسانے کتنے
اک بہن اپنی رفاقت کی قسم کھائے ہوئے
ایک ماں مر کے بھی سینے میں لیے ماں کا گداز
اپنے بچوں کے لڑکپن کو کلیجے سے لگائے
اپنے کھلتے ہوئے معصوم شگوفوں کے لیے
بند آنکھوں میں بہاروں کے جواں خواب بسائے
یہ مرے پیار کا مدفن ہی نہیں ہے تنہا
ایک ساتھی بھی تہ خاک یہاں سوتی ہے
عرصۂ دہر کی بے رحم کشاکش کا شکار
جان دے کر بھی زمانے سے نہ مانے ہوئے ہار
اپنے تیور میں وہی عزم جواں سال لیے
یہ مرے پیار کا مدفن ہی نہیں ہے تنہا
دیکھ اک شمع سر راہ گزر چلتی ہے
جگمگاتا ہے اگر کوئی نشان منزل
زندگی اور بھی کچھ تیز قدم چلتی ہے
لکھنؤ میرے وطن مرے چمن زار وطن
دیکھ اس خواب گہ ناز پہ کل موج صبا
لے کے نو روز بہاراں کی خبر آئے گی
سرخ پھولوں کا بڑے ناز سے گوندھے ہوئے ہار
کل اسی خاک پہ گل رنگ سحر آئے گی
کل اسی خاک کے ذروں میں سما جائے گا رنگ
کل مرے پیار کی تصویر ابھر آئے گی
اے مری روح چمن خاک لحد سے تیری
آج بھی مجھ کو ترے پیار کی بو آتی ہے
زخم سینے کے مہکتے ہیں تری خوشبو سے
وہ مہک ہے کہ مری سانس گھٹی جاتی ہے
مجھ سے کیا بات بنائے گی زمانے کی جفا
موت خود آنکھ ملاتے ہوئے شرماتی ہے
میں اور ان آنکھوں سے دیکھوں تجھے پیوند زمیں
اس قدر ظلم نہیں ہائے نہیں ہائے نہیں
کوئی اے کاش بجھا دے مری آنکھوں کے دیے
چھین لے مجھ سے کوئی کاش نگاہیں میری
اے مری شمع وفا اے مری منزل کے چراغ
آج تاریک ہوئی جاتی ہیں راہیں میری
تجھ کو روؤں بھی تو کیا روؤں کہ ان آنکھوں میں
اشک پتھر کی طرح جم سے گئے ہیں میرے
زندگی عرصہ گہ جہد مسلسل ہی سہی
ایک لمحے کو قدم تھم سے گئے ہیں میرے
پھر بھی اس عرصہ گہ جہد مسلسل سے مجھے
کوئی آواز پہ آواز دئیے جاتا ہے
آج سوتا ہی تجھے چھوڑ کے جانا ہوگا
ناز یہ بھی غم دوراں کا اٹھانا ہوگا
زندگی دیکھ مجھے حکم سفر دیتی ہے
اک دل شعلہ بجاں ساتھ لیے جاتا ہوں
ہر قدم تو نے کبھی عزم جواں بخشا تھا!
میں وہی عزم جواں ساتھ لیے جاتا ہوں
چوم کر آج تری خاک لحد کے ذرے
ان گنت پھول محبت کے چڑھاتا جاؤں
جانے اس سمت کبھی میرا گزر ہو کہ نہ ہو
آخری بار گلے تجھ کو لگاتا جاؤں
لکھنؤ میرے وطن میرے چمن زار وطن
دیکھ اس خاک کو آنکھوں میں بسا کر رکھنا
اس امانت کو کلیجے سے لگا کر رکھنا

جاں نثار اختر

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے