کی تلاش کا نتیجه | موضو - نظم, صفحہ much

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "much"

نظم کے متعلقہ نتیجہ "much"

نظم

فرض کرو تمہیں خوش کرنے کے ڈھونڈھے ہم نے بہانے ہوں
فرض کرو یہ نین تمہارے سچ مچ کے مے خانے ہوں

ابن انشا

نظم

تمہاری جو حماسہ ہے بھلا اس کا تو کیا کہنا
ہے شاید مجھ کو ساری عمر اس کے سحر میں رہنا
مگر میرے غریب اجداد نے بھی کچھ کیا ہوگا
بہت ٹچا سہی ان کا بھی کوئی ماجرا ہوگا
یہ ہم جو ہیں ہماری بھی تو ہوگی کوئی نوٹنکی
ہمارا خون بھی سچ مچ کا صحنے پر بہا ہوگا
ہے آخر زندگی خون از بن ناخن بر آور تر
قیامت سانحہ مطلب قیامت فاجعہ پرور

جون ایلیا

نظم

اگر میں سمجھوں
کے یہ جو مہرے ہیں
صرف لکڑی کے ہیں کھلونے
تو جیتنا کیا ہے ہارنا کیا
نہ یہ ضروری
نہ وہ اہم ہے
اگر خوشی ہے نہ جیتنے کی
نہ ہارنے کا ہی کوئی غم ہے
تو کھیل کیا ہے
میں سوچتا ہوں
جو کھیلنا ہے
تو اپنے دل میں یقین کر لوں
یہ مہرے سچ مچ کے بادشاہ و وزیر
سچ مچ کے ہیں پیادے
اور ان کے آگے ہے
دشمنوں کی وہ فوج
رکھتی ہے جو کہ مجھ کو تباہ کرنے کے
سارے منصوبے
سب ارادے
مگر ایسا جو مان بھی لوں
تو سوچتا ہوں
یہ کھیل کب ہے
یہ جنگ ہے جس کو جیتنا ہے
یہ جنگ ہے جس میں سب ہے جائز
کوئی یہ کہتا ہے جیسے مجھ سے
یہ جنگ بھی ہے
یہ کھیل بھی ہے
یہ جنگ ہے پر کھلاڑیوں کی
یہ کھیل ہے جنگ کی طرح کا
میں سوچتا ہوں
جو کھیل ہے
اس میں اس طرح کا اصول کیوں ہے
کہ کوئی مہرہ رہے کہ جائے
مگر جو ہے بادشاہ
اس پر کبھی کوئی آنچ بھی نہ آئے
وزیر ہی کو ہے بس اجازت
کہ جس طرف بھی وہ چاہے جائے

جاوید اختر

نظم

یہ کس طرح یاد آ رہی ہو یہ خواب کیسا دکھا رہی ہو
کہ جیسے سچ مچ نگاہ کے سامنے کھڑی مسکرا رہی ہو
یہ جسم نازک، یہ نرم باہیں، حسین گردن، سڈول بازو
شگفتہ چہرہ، سلونی رنگت، گھنیرا جوڑا، سیاہ گیسو
نشیلی آنکھیں، رسیلی چتون، دراز پلکیں، مہین ابرو
تمام شوخی، تمام بجلی، تمام مستی، تمام جادو
ہزاروں جادو جگا رہی ہو
یہ خواب کیسا دکھا رہی ہو

کیفی اعظمی

نظم

کتنے دن میں آئے ہو ساتھی
میرے سوتے بھاگ جگانے
مجھ سے الگ اس ایک برس میں
کیا کیا بیتی تم پہ نہ جانے

جاں نثار اختر

نظم

سب مال نکالو، لے آؤ
اے بستی والو لے آؤ
یہ تن کا جھوٹا جادو بھی
یہ من کی جھوٹی خوشبو بھی
یہ تال بناتے آنسو بھی
یہ جال بچھاتے گیسو بھی
یہ لرزش ڈولتے سینے کی
پر سچ نہیں بولتے سینے کی
یہ ہونٹ بھی، ہم سے کیا چوری
کیا سچ مچ جھوٹے ہیں گوری؟
ان رمزوں میں ان گھاتوں میں
ان وعدوں میں ان باتوں میں
کچھ کھوٹ حقیقت کا تو نہیں؟
کچھ میل صداقت کا تو نہیں؟
یہ سارے دھوکے لے آؤ
یہ پیارے دھوکے لے آؤ
کیوں رکھو خود سے دور ہمیں
جو دام کہو منظور ہمیں

ابن انشا

نظم

زندگی کو گزارنے کے لئے
وقت کا زہر مارنے کے لئے
اپنا غصہ اتارنے کے لئے
فون پر شب گزارنے کے لئے
دوست سچ مچ بہت ضروری ہیں

شکیل جمالی

نظم

کل واشنگٹن شہر کی ہم نے سیر بہت کی یار
گونج رہی تھی سب دنیا میں جس کی جے جے کار
ملکوں ملکوں ہم گھومے تھے بنجاروں کی مثل
لیکن اس کی سج دھج سچ مچ دل داروں کی مثل
روشنیوں کے رنگ بہیں یوں رستہ نظر نہ آئے
من کی آنکھوں والا بھی یاں اندھا ہو ہو جائے
اونچے بام چراغاں رستے روپ بھرے بازار
جاگتی آنکھوں سے دیکھا ہے خوابوں کا سنسار
ایک سفید عمارت جس کی نگر نگر میں دھوم
اندر دنیا بھر کی کالک باہر سے معصوم
یہی سفید عمارت جس میں بہت بڑی سرکار
یہیں کریں سوداگر چھوٹی قوموں کا بیوپار
یہیں پہ جادو گر بیٹھا جب کہیں کی ڈور ہلائے
ہر بستی ناگا ساکی ہیروشیما بن جائے
اسی عمارت سے کچھ دور ہی اک کالی دیوار
لوگوں کا میلہ ایسا لگا تھا جیسے کوئی تیوہار
اس کالی دیوار پہ کندہ دیکھے ہزاروں نام
ان ناموں کے بیچ لکھا تھا شہدائے وتنام
آس پاس تو جمع ہوا تھا خلقت کا انبوہ
سب کی آنکھوں میں سناٹا چہروں پر اندوہ
بیکل بہنیں گھائل مائیں اور دکھی بیوائیں
ساجن تم کس دیس سدھارے سوچیں محبوبائیں
اپنے پیاروں دل داروں کا اوجھل مکھڑا ڈھونڈیں
اس کالی دیوار پہ ان کے نام کا ٹکڑا ڈھونڈیں
دلوں میں دکھ آنکھوں میں شبنم ہاتھوں میں پھول اٹھائے
اس ناموں کے قبرستان کا بھید کوئی کیا پائے
نا تربت نا کتبہ کوئی نا ہڈی نا ماس
پھر بھی پاگل نیناں کو تھی پیا ملن کی آس
کہیں کہیں اس کالی سل پر کوئی سفید گلاب
یوں بے تاب پڑا تھا جیسے اندھی آنکھ کا خواب
کانٹا بن کر سبھی کے دل میں کھٹکے ایک سوال
کس کارن مٹی میں ملائے ہیروں جیسے لال
ہوچی من کے دیس میں ہم نے کیا کیا ستم نہ ڈھائے
اس کے جیالے تو آزادی کا سورج لے آئے
لیکن اتنے چاند گنوا کر ہم نے بھلا کیا پایا
ہم بد قسمت ایسے جن کو دھوپ ملی نا سایا
مکھ موتی دے کر حاصل کی یہ کالی دیوار
یہ کالی دیوار جو ہے بس اک خالی دیوار
یہ کالی دیوار جو ہے ناموں کا قبرستان
واشنگٹن کے شہر میں دفن ہیں کس کس کے ارمان

احمد فراز

نظم

کل وہ ملی جو بچپن میں میرے بھائی سے کھیلا کرتی تھی
جانے تب کیا بات تھی اس میں مجھ سے بہت ہی ڈرتی تھی
پر کیا ہوا؟ وہ کہاں گئی؟ اب کون یہ باتیں جانتا ہے
کب اتنی دوری سے کوئی شکلوں کو پہچانتا ہے
لیکن اب جو ملی ہے مجھ سے ایسا کبھی نہ دیکھا تھا
اس کو اتنی چاہ تھی میری میں نے کبھی نہ سوچا تھا
نام بھی اس نے بچے کا میرے ہی نام پہ رکھا تھا
پھر کہیں اس سے بچھڑ نہ جاؤں ایسے مجھ کو تکتی تھی
کوئی گہری بات تھی جی میں جسے وہ کہہ بھی نہ سکتی تھی
ایسی چپ اور پاگل آنکھیں دمک رہی تھیں شدت سے
میں تو سچ مچ ڈرنے لگا تھا اس خاموش محبت سے

منیر نیازی

نظم

مگر جب آج
میں سچ مچ میں اس کو چاہتا ہوں
اسے مجھ سے شکایت ہے خموشی کی
کوئی بتلائے اس کو
یہ خموشی ہی تو سچی ہے
وہ سارے لفظ جھوٹے تھے

شارق کیفی

نظم

اک بچہ چھوٹا سا بچہ
ایک ہاتھ میں اس کے تختی تھی
ایک ہاتھ میں اس کے بستہ تھا
اور پاؤں کے نیچے دور تلک
اسکول کو جاتا رستہ تھا
وہ افسر بننا چاہتا تھا
وہ سچ مچ پڑھنا چاہتا تھا
کچھ خواب تھے اس کی آنکھوں میں
جو رفتہ رفتہ ٹوٹ گئے
غربت نے اسے مجبور کیا
یوں پڑھنے سے وہ دور ہوا
پھر پاؤں سے رستے روٹھ گئے
اور ہاتھ سے بستے چھوٹ گئے

حمزہ دائم

نظم

یہی سچ مچ بنا دے گی ترے گھر کو حسیں جنت
ذرا تم پیار سے کرنا کبھی سرشار عورت کو

ارشد محمود ارشد

نظم

۔۔۔۔اور چادر پر شب باشی کا زندہ لہو تھا
اس نے اٹھ کے انگڑائی لی
آئینے میں چہرہ دیکھا
سرشاری میں اطمینان کی ٹھنڈی سانس لی
اس کی تھکی ہوئی آنکھوں میں
دیوانی مغرور چمک تھی
فتح کے نشے سے پلکیں بوجھل تھیں
اس نے سوچا ہائیڈ پارک میں
جو لڑکی اک جاسوسی ناول میں ڈوبی
اسے ملی تھی
وہ تو جیسے فاختہ نکلی
اس نے اپنی سیکس اپیل کا کمپا مار کے
رام کیا تھا
اس کی لچھے دار انوکھی باتیں سن کر
اس کے ساتھ چلی آئی تھی
صبح سویرے
چائے بنا کر
بوسہ دے کر
چلی گئی تھی
وہ تو سچ مچ باکرہ نکلی
(ورنہ سولہ سترہ برس کی لڑکی حرافہ ہوتی ہے)
اس نے سوچا
اس نے شب بھر
بند کلی پر
اک زنبوری رقص کیا تھا
اور چادر پر اتنا لہو تھا
جیسے جنگ عظیم
اسی بستر پر لڑی گئی تھی
اس نے اپنی مونچھوں کے گچھے میں
اپنی ہنسی دبائی
ایک خیال سے
آنکھوں میں سایہ لہرایا
سر چکرایا۔۔۔۔
یہ تو اس کی مہواری کا مردہ لہو تھا
جو چادر پر پھیل گیا تھا

ساقی فاروقی

نظم

عمر کی ڈھلتی ہوئی دوپہر میں
ٹھنڈی ہوا کے جھونکے کا احساس بھی
آدمی کو تازہ دم کر دیتا ہے
اور اگر سچ مچ خنک ہوائیں
تھکن نصیب جسم سے کھیلنے لگیں
تو شب کی تاریکی خضاب جیسی دکھائی دیتی ہے
آس پاس گردش کرتا ہوا سناٹا
آرزوؤں کی گہما گہمی سے گونجنے لگتا ہے
خواب تعبیروں کی تلاش میں بھٹکنے لگتے ہیں
بدن کی اکتاہٹیں چوپال کے شور شرابے میں ڈوب جاتی ہیں
ڈھلتے ہوئے سورج کی لالی سے سہاگ جوڑے کی خوشبو
آنے لگتی ہے
لیکن خوابیدہ آرزوؤں کی شاہراہ سے گزرتے ہوئے
لوگ
اپنی منزل کا پتا بھول جاتے ہیں
اسی پتا بھولنے کو سماج
دھرم اور مذہب کی آڑ لے کر
ایسی بے ہودہ گالیاں دیتا ہے
جو طوائفوں کے محلوں میں بھی نہیں
سنائی دیتیں

منور رانا

نظم

تب ایک انوکھے جادو سے
ہوتی ہے بارش لفظوں کی
جو گیت رسیلا گاتے ہیں
اور ہم شاعر بن جاتے ہیں
تھا کوئی زمانہ جب شاعر
جادوگر سمجھے جاتے تھے
کیا سچ مچ ہیں وہ جادوگر
یہ بھید کسی نے کب پایا

فہمیدہ ریاض

نظم

شیریں نرمل جھرنے جیسی
ٹھنڈی تازہ ہوا کے ایسی
رم جھم اور برکھا کی طرح تو
سورج اور چندا سی سخی ہے
جلتی دھوپ میں بادل ہے تو
رب کے پیار کی چھاگل ہے تو
ہاں ماں بالکل ایسی ہے تو
تو سیتا تو مریم ہے ماں
رابعہ اور صفیہ ہے
تو ہے یشودھا تو ہے حلیمہ
زینب تو ہے فاطمہؓ ہے تو
پاروتی اور دیوکی ہے
آمنہ اور حوا ہے تو
یہ دھرتی یہ دنیا تجھ سے
دنیا کی سب رونق تجھ سے
تو دنیا کی مالک ہے
یہ دنیا تیری ہے ماں
تو نے ہم کو کیا کیا بخشے
پیر پیمبر بھائی دوست
اور پھولوں سی بہنا دی
ہر سکھ اور ہر غم کی ساتھی
بالکل اپنی ہی جیسی
محبوبہ بھی تو نے دی
تو سچ مچ دیوی ہے ماں
سارے رشتے ناتے تجھ سے
رشتوں کی جننی ہے تو
ہاں ماں بالکل ایسی ہے تو
تو ہے کریم اور تو ہے حلیم
خالق تو ہے رازق ہے تو
ستاری غفاری تجھ میں
رحمت اور عظمت کی مورت
رب کے سارے گن ہیں تجھ میں
ماں بالکل تو رب جیسی ہے
یا شاید رب تیرے جیسا
کیوں کہ ماں اب رب بھی تو
تیری طرح مجبور بہت ہے
اپنوں کے زخموں سے وہ بھی
لگتا ہے کہ چور بہت ہے
ماں بالکل تو رب جیسی ہے
یا شاید رب تیرے جیسا

ابوبکر عباد

نظم

آج بادل خوب برسا اور برس کر کھل گیا
گلستاں کی ڈالی ڈالی پتا پتا دھل گیا
دیکھنا کیا دھل گیا سارے کا سارا آسماں
اودا اودا نیلا نیلا پیارا پیارا آسماں
ہٹ گیا بادل کا پردہ مل گئی کرنوں کو راہ
سلطنت پر اپنی پھر خورشید نے ڈالی نگاہ
دھوپ میں ہے گھاس پر پانی کے قطروں کی چمک
مات ہے اس وقت موتی اور ہیرے کی دمک
دے رہی ہے لطف کیا سرسبز پیڑوں کی قطار
اور ہری شاخوں پہ ہے رنگین پھولوں کی بہار
کیا پرندے پھر رہے ہیں چہچہاتے ہر طرف
راگنی برسات کی خوش ہو کے گاتے ہر طرف
دیکھنا وہ کیا اچنبھا ہے ارے وہ دیکھنا
آسماں پر ان درختوں سے پرے وہ دیکھنا
یہ کوئی جادو ہے یا سچ مچ ہے اک رنگیں کماں
واہ وا کیسا بھلا لگتا ہے یہ پیارا سماں
کس مصور نے بھرے ہیں رنگ ایسے خوش نما
اس کا ہر اک رنگ ہے آنکھوں میں جیسے کھب گیا
اک جگہ کیسے اکٹھے کر دیے ہیں سات رنگ
شوخ ہیں ساتوں کے ساتوں اک نہیں ہے مات رنگ
ہے یہ قدرت کا نظارہ اور کیا کہئے اسے
بس یہی جی چاہتا ہے دیکھتے رہئے اسے
ننھے ننھے جمع تھے پانی کے کچھ قطرے وہاں
ان پہ ڈالا عکس سورج نے بنا دی یہ کماں
دیکھو دیکھو اب مٹی جاتی ہے وہ پیاری دھنک
دیکھتے ہی دیکھتے گم ہو گئی ساری دھنک
پھر ہوا میں مل گئی وہ سب کی سب کچھ بھی نہیں
آنکھیں مل مل کر نہ دیکھو آؤ اب کچھ بھی نہیں

حفیظ جالندھری

نظم

یہ سچ مچ غدار ہیں یارو
یہ جو مرے غم خوار ہیں یارو

ابوالفطرت میر زیدی

نظم

یہ ان دنوں کی بات ہے
جب گھر کے ایک کمرے میں
دکھ اور ملال منڈلی سجا کے بیٹھا کرتے
اور مصروفیت بہانے بہانے سے وہاں
تاک جھانک کرتی
دوسرے کمرے میں
دلوں میں نقب لگانے کے سب منصوبے
آپس میں بیٹھ کر تاش کھیلا کرتے
اور میں ہر تھوڑی دیر بعد
تمہاری عادتیں ڈھونڈنے
اسٹور کے چکر کاٹتا رہتا
نیند کھونٹیوں پر ٹنگی رہتی اور
شدید گرمی میں بھی
تمہاری یاد اوڑھ کے لیٹنا پڑتا
باہر گلی میں کھیلتی ہوئی خوشیوں کا شور
اس وقت اور بھی برا لگتا
جب کوئی آرزو دیوار پھلانگ کر
صحن میں آ گرتی اور میں
سونے کی اداکاری کرتے کرتے
سچ مچ سو جاتا

فرحان مشتاق

نظم

میں اپنے بیمار دنوں میں
ایک ہی بات کہا کرتا ہوں
رات بہت ہی گہری کالی ہو سکتی ہے
اور میں لمبی لمبی چادر تان کے سو سکتا ہوں
سورج اندھا ہو سکتا ہے
چاند ستارے سارے
سچ مچ
اک اک کر کے بجھ سکتے ہیں

کمار پاشی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے