کی تلاش کا نتیجه | موضو - نظم, صفحہ mulaazim

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "mulaazim"

نظم کے متعلقہ نتیجہ "mulaazim"

نظم

وہ ایک عام سی لڑکی ہے جس کے سادہ نقوش
چمک اٹھیں گے محبت کی سرد آہوں سے
جہاں پہ پھول تو کیا دل بجھے ہوئے ہوں گے
گزرنے والی ہے وہ ان حسین راہوں سے
ابھی تو خیر سے معصومیت ٹپکتی ہے
مگر شراب بھی ٹپکے گی ان نگاہوں سے
وہ ایک عام سی لڑکی ہے جس کے بارے میں
نہ جانے ذہن میں آتے ہیں کیوں خیال کئی
مگر بڑے ہی تحیر سے آج صبح کے وقت
سنی ہے میں نے محلے میں ایک بات نئی
گزشتہ شب کو وہی ایک عام سی لڑکی
خود اپنے گھر کے ملازم کے ساتھ بھاگ گئی

نریش کمار شاد

نظم

خیالات میں سخت ہے انتشار
تخیل پریشاں قلم بے قرار
جہاں خون آلود و خوں رنگ ہے
وطن پر پڑا سایۂ رنج ہے
گل و لالہ ہیں مستعد بے تکاں
رفیقوں نے رکھی ہتھیلی پہ جاں
ہر اک لب پہ ہے بس یہی اک سخن
حسین اور دل کش ہے ارض وطن
خلوص آج پامال ہے اور تباہ
اصول آج دریوزہ خواہ پناہ
گرفتار آزار دنیا ہے آج
محبت پریشان و رسوا ہے آج
اصول محبت کے ہم ترجماں
خلوص و محبت کے ہم پاسباں
دوانوں کو مطلق نہیں ہے قرار
صداقت سے بیتاب دل پائیدار
ہر اک لب پہ ہے بس یہی اک سخن
حسین اور دل کش ہے ارض وطن
وطن ہے یہ نانک کا فرماں‌ پذیر
تھا گوتم اسی کارواں کا امیر
محبت نے رتبہ دیا ہے بلند
محبت نے سب کو کیا ارجمند
ہے غیرت کا طوفان چھایا ہوا
ہے بچوں میں بھی جوش آیا ہوا
ارادے ہیں سب کے بہت استوار
غیور اور بیدار ہیں جاں نثار
ہر اک لب پہ ہے بس یہی اک سخن
حسین اور دل کش ہے ارض وطن
نہ دی دشمنوں کو کبھی اس نے راہ
ہمالہ ہے رفعت سے عالم پناہ
ہمالہ کی دلچسپ ہے داستاں
یہ عظمت نشاں سب کا ہے پاسباں
زمانے پہ یہ بات ہے آشکار
اما اس کی ہے دختر نامدار
ہمالہ کی عظمت کی ہم کو قسم
ہمالہ کی رفعت کی ہم کو قسم
حفاظت ہمالہ کی اب فرض ہے
ہمالہ کا ہم پر بڑا قرض ہے
یہ کہتے ہیں سب مل کے خورد و کلاں
کہ غیرت کا اس وقت ہے امتحاں
ہوا روئے شنکر ہے غصے سے لال
دکھائے گا اب رقص تانڈو جلال
ارادے ہیں سب کے بہت استوار
غیور اور بیدار سب جاں نثار
ہر اک لب پہ ہے بس یہی اک سخن
حسین اور دل کش ہے ارض وطن
محافظ ہیں ہم امن کے لا کلام
زمانے کو دیتے ہیں بدھ کا پیام
صبا اپنے گلشن سے جاتی ہے جب
مٹاتی ہے دنیا کے رنج و تعب
رسیلی ہے صبح اور رسیلی ہے شام
نہاں ان میں ہے زندگی کا پیام
روایت کا محفوظ کر کے وقار
ہمیں لوٹنا ہے خوشی کی بہار
ذرا دیکھئے گا رفیقوں کی آن
ہے رکھی جنہوں نے ہتھیلی پہ جان
ہر اک لب پہ ہے بس یہی اک سخن
حسین اور دل کش ہے ارض وطن
ہے عزت کا جرأت کا اب امتحاں
کہیں جھک نہ جائے وطن کا نشاں
فریبوں سے کوئی پنپتا نہیں
کبھی جھوٹ کا میوہ پکتا نہیں
صداقت کا ہے بول بالا سدا
نہیں کام آتے دروغ افترا
فضا ہے چمن کی ہمیں سازگار
ہے پابندہ تر اس زمیں کی بہار
ہر اک لب پہ ہے بس یہیں اک سخن
حسین اور دل کش ہے ارض وطن
حیا اور مروت ہے جو پر رہیں
ہوئی ہیں وہ آنکھیں بہت خشمگیں
بڑھے ہیں وطن کی طرف بد قماش
کلیجہ زمیں کا ہوا پاش پاش
پہاڑوں پہ ہے برف غصے سے لال
فضائیں ہوئیں گرم آتش مثال
ہیں جہلم میں آنے کو طغیانیاں
ہر اک موج پر ہے غضب کا سماں
محبت کی دنیا کو دل میں لیے
بہار جوانی سے پیماں کیے
وطن کی حفاظت کو تیار ہیں
محبت کے بادہ سے سرشار ہیں
حفاظت ہے فرض اپنے ارمان کی
ہمیں آج پروا نہیں جان کی
ہر اک لب پہ ہے بس یہی اک سخن
حسین اور دل کش ہے ارض وطن
۲
آؤ بڑھو میدان میں شیروں دشمن پر یلغار کریں
قبر بنے میدان میں اس کی ایسا اس پر وار کریں
زنگ نہ لگنے پائے اپنے بھارت کی آزادی کو
آؤ زیر دام کریں صیادوں کی صیادی کو
لوح دل پر نقش کرو ہر حال میں زندہ رہنا ہے
ملک کی خدمت کے رستے میں جو دکھ آئے سہنا ہے
یہ سیلاب سرخ نہیں ہے ظلم و ستم کی آندھی ہے
اس سیلاب کو روکیں گے ہم ہمت ہم نے باندھی ہے
شیروں کی اولاد ہو تم ان ویروں کی سنتان ہو تم
مرد مجاہد مرد جری ہو یودھا ہو بلوان ہو تم
سانچی مدورا امرتسر اجمیر کی عظمت تم سے ہے
صبح بنارس شام اودھ کی اصل و حقیقت تم سے ہے
تاج اجنتا اور ایلورا کے واحد فن کار ہو تم
خوش سیرت خوش صورت خوش مورت خوش کردار ہو تم
بھیلائی چترنجن تم سے بھاکڑ اننگل تم سے ہے
دامودر کی شان ہے تم سے عظمت چنبل تم سے ہے
تم نے بسائے شہر نرالے جنگل تم سے منگل ہیں
تم نے نکالی نہریں اتنی صحرا تم سے جل تھل ہیں
تم نے اتنی ہمت سے دریاؤں کے رخ موڑ دیے
تم نے کھودیں سرنگیں اتنی دور کے رشتے جوڑ دیے
تم کشمیر کی ارض حسیں کے نظاروں میں پلتے ہو
کہساروں کو پھاندتے ہو تم دریاؤں پہ چلتے ہو
تم میسور میں ورندا بن کے باغ سجانے والے ہو
اوٹی شملہ دارجلنگ سے شہر بسانے والے ہو
تاتیا ٹوپے لکشمی بائی ٹیپو کی اولاد ہو تم
جنگ کے فن میں قابل ہو تم ماہر ہو استاد ہو تم
ہندو مسلم سکھ عیسائی جینی بودھ اور پارسی
دہقاں تاجر اور ملازم سادھو‌ سنت اور سیاسی
لے کے وطن کا جھنڈا آؤ دشمن پر یلغار کریں
قبر بنے رن‌ بھوم میں اس کی ایسا اس پر وار کریں

عرش ملسیانی

نظم

میرے اک سالے کی اک سسرال کا اک رشتہ دار
اپنی کوشش سے ملازم ہو گیا تھا ایک بار
کیونکہ جو سب کا ہے اس کا بھی ہے وہ پروردگار
خویش پرور حاکموں میں ہو گیا میرا شمار
اب عزیز آ جائیں ملنے کو تو گھبراتا ہوں میں
ڈھونڈتے پھرتے ہیں مجھ کو گھر میں کھو جاتا ہوں میں

سید محمد جعفری

نظم

ابتدا سے کبھی نظم ہوتی نہیں
اور کبھی ابتدا سے بھی پہلے کہیں
نظم ہونے کے آثار ملتے ہیں
جیسے کہیں قبل از زندگی
زندگی کے تصور سے پہلے
مگر زندگی سے بھی بہتر
بر آمد ہوئی کوئی تہذیب
تہذیب ملتی تو ہے
پر کبھی ابتدا اس کی ملتی نہیں
ابتدا سے بھی پہلے
تلک ذہن جاتا نہیں
اور تہذیب سے لینا دینا بھی کیا
نظم کی ابتدا نون سے
نون لے گی نہیں
یہ حروف تہجی کا اک رکن ہے
جیم سے جسم
چے سے چمک
ڈال سے ڈالڈا
سین سے سین اوپر کے تین
واؤ سے وہم
جو کس قدر اہم ہے
نظم کے وسط میں
جو کہ ہوتا نہیں
دائرہ تو نہیں
ٹرائی اینگل نہیں
ہیگزا گونل نہیں
خط نہیں ویو ہے
یعنی آواز جیسی کوئی چیز ہے
میگنٹ کی طرح کوئی شے ہے
ہوا سا کوئی معاملہ ہے
کوئی کرنٹ ہے
جس کے لگنے سے بھی
نظم مرتی نہیں
نظم کی انتہا کیوں کہ ہوتی نہیں
ختم ہو جاتی ہے بیچ میں ہی کہیں
جس طرح کچھ جواں مرگ
یا انتہا پر پہنچ کر بھی تشنہ ہی رہتی ہے
جیسے
وہ سب زندہ لاشیں کہ جو موت کی ڈیٹ کے بعد بھی جی رہی ہیں
دوا اپنی مدت مکمل کیے ایک بیمار گاہک کی رہ دیکھتی ہے
یہ پانی کی لالچ بہت بڑھ گئی ہے جو ٹینکی کو بھر کر لبالب بقایا دیواروں کی بنیاد میں چھوڑ دیتے ہیں
بجلی کے آنے کا وقت آ بھی جائے مگر ان کی اپنی گھڑی ہے
نجی دفتروں کے ملازم کی چھٹی کے اوقات ہوتے ہیں لیکن اسے دیر تک بیٹھنے اور بٹھانے میں کوئی قباحت نہیں ہے
ستاروں سے آگے جہاں اور بھی ہیں

بلال اسود

نظم

میں
روزانہ ایک سو روپے اجرت کا ملازم ہوں
میرا بیٹا
ٹائر پنکچر کی دوکان پر کام کرتا ہے
اور
استاد کی گالیوں اور تھپڑوں کے علاوہ
تیس روپے روز کماتا ہے
بیوی اور نوعمر بیٹی
تین چار بڑے گھروں میں صفائی اور برتن دھوتی ہیں!
مجھے یاد نہیں
کہ کبھی میرے کنبے نے مل کر ناشتہ کیا ہو
یا
رات کے کھانے کے بعد مل جل کر باتیں کی ہوں
میرے بچے اب
مجھ سے عیدی نہیں مانگتے
اور
بیوی بالیوں اور گجروں کا تقاضہ نہیں کرتی
ہم سب
خوراک پوری کرنے کے لیے مرتے ہیں
اور
یوٹیلیٹی بل دینے کے لیے زندہ رہتے ہیں
ہم ایک دوسرے سے
اجنبیوں کی طرح ملتے ہیں
اور
آبائی گھروں میں کرایہ داروں کی طرح رہتے ہیں

زاہد مسعود

نظم

رہتے ہیں یہاں شاہی دفاتر کے ملازم
جن کو نہ کچھ احساس غریب الوطنی ہے

چندر بھان کیفی دہلوی

نظم

سانپ سیڑھی کھیل نے
زہریلے سانپوں سے
رنگوں کی کاشت
کچھ یوں کی
محبت سرکاری ملازم ہو گئی
جو وقت پہ
سوتی جاگتی کھاتی پیتی تو ہے
لیکن
کنڈلی مارے بیٹھی رہتی ہے
زہریلے ناگ رنگین ہوتے جاتے ہیں
اور
محبت اور بھی خفتہ
محبت کا سرکاری ملازم
زہر باد چوس کر پھینکنے کے لیے
اپنی نوکری کا حکم نامہ
پکڑے اونگھ رہا ہے

ماہ جبین آصف

نظم

فقط اپنے ہونے کا اعلان میں نے کیا
پر نہ سوچا
کہاں سے چلا تھا کہاں آ کے ٹھہرا
میں کس منزل بے نشاں کی طرف اب رواں ہوں
مجھے خشک بد رنگ چمڑے پہ لکھے سوالوں سے رغبت
نہیں تھی
میں منطق کی ورزش سے خود کو تھکانا نہیں چاہتا تھا
فقط اپنے ہونے کا اعلان میں نے کیا
اور دیکھا
فلک کی سیہ گہری سوکھی ہوئی باؤلی سے
کروڑوں ستارے
شعاعوں کی بے سمت بے لفظ گونگی زباں میں
لرزتے لبوں سے
نہ ہونے کے منکر تھے
ہونے کا اعلان کرتے چلے جا رہے تھے
فقط اپنے ہونے کا اعلان میں نے کیا
اور بیتاب پھولوں سے ساون کے جھولوں سے
چڑیوں کے لوری سے
ہر زندہ ہستی کے سانسوں کی ڈوری سے
آواز آئی
مجھے اپنے ہونے کا حق الیقین ہے
میں اعلان کرتی ہوں اپنا
عجب سلسلہ تھا
کروڑوں برس کی مسافت پہ پھیلا ہوا سارا عالم
صداؤں کی لہروں کی اک چیختی نشرگہ بن چکا تھا
فقط اپنے ہونے کا اعلان کرتا چلا جا رہا تھا
یہ اعلان کس کے لیے تھا
تجھے کیا خبر ہے
تو اس نشر گہ کا فقط ایک ادنیٰ ملازم
تو کچھ بھی نہیں جانتا ہے

وزیر آغا

نظم

شفق پھولی گیا دن ہو گئی شام
کریں گے کام کرنے والے آرام
ابھی پچھم میں چھپ جائے گا سورج
نہیں شب بھر نظر آئے گا سورج
چلے آتے ہیں گھر کو راج مزدور
کہ دن بھر کام کرتے ہو گئے چور
ملازم دفتروں سے آ رہے ہیں
مٹھائی اور سودا لا رہے ہیں
مسافر نے کمر منزل پہ کھولی
بھکاری آ گئے پھیلائے جھولی
پرندے اڑ چلے ہیں گھونسلوں کو
قطاریں کیسی باندھی ہیں وہ دیکھو
وہ گائیں بھینسیں چر کر آ رہی ہیں
یہ اب اپنے گھروں کو جا رہی ہیں
ہوا کے جھونکے مدھم ہو گئے ہیں
درخت آرام سے اب سو گئے ہیں
کرو اب پیارے بچو تم بھی آرام
شفق پھولی گیا دن ہو گئی شام

نشتر جالندھری

نظم

نظر میں پھرتے ہوں گے کل نتائج بھی عواقب بھی
سمجھ میں آ گئے ہوں گے رعونت کے مطالب بھی
گرفتار قلق ہوں گے ملازم بھی مصاحب بھی
سر بالیں کھڑے ہوں گے احبا بھی اقارب بھی

بسمل دہلوی

نظم

دل سے جو بات نکلتی ہے اثر رکھتی ہے
پر نہیں طاقت پرواز مگر رکھتی ہے
قدسی الاصل ہے رفعت پہ نظر رکھتی ہے
خاک سے اٹھتی ہے گردوں پہ گزر رکھتی ہے
عشق تھا فتنہ گر و سرکش و چالاک مرا
آسماں چیر گیا نالۂ بیباک مرا
پیر گردوں نے کہا سن کے کہیں ہے کوئی
بولے سیارے سر عرش بریں ہے کوئی
چاند کہتا تھا نہیں اہل زمیں ہے کوئی
کہکشاں کہتی تھی پوشیدہ یہیں ہے کوئی
کچھ جو سمجھا مرے شکوے کو تو رضواں سمجھا
مجھ کو جنت سے نکالا ہوا انساں سمجھا
تھی فرشتوں کو بھی حیرت کہ یہ آواز ہے کیا
عرش والوں پہ بھی کھلتا نہیں یہ راز ہے کیا
تا سر عرش بھی انساں کی تگ و تاز ہے کیا
آ گئی خاک کی چٹکی کو بھی پرواز ہے کیا
غافل آداب سے سکان زمیں کیسے ہیں
شوخ و گستاخ یہ پستی کے مکیں کیسے ہیں
اس قدر شوخ کہ اللہ سے بھی برہم ہے
تھا جو مسجود ملائک یہ وہی آدم ہے
عالم کیف ہے دانائے رموز کم ہے
ہاں مگر عجز کے اسرار سے نامحرم ہے
ناز ہے طاقت گفتار پہ انسانوں کو
بات کرنے کا سلیقہ نہیں نادانوں کو
آئی آواز غم انگیز ہے افسانہ ترا
اشک بیتاب سے لبریز ہے پیمانہ ترا
آسماں گیر ہوا نعرۂ مستانہ ترا
کس قدر شوخ زباں ہے دل دیوانہ ترا
شکر شکوے کو کیا حسن ادا سے تو نے
ہم سخن کر دیا بندوں کو خدا سے تو نے
ہم تو مائل بہ کرم ہیں کوئی سائل ہی نہیں
راہ دکھلائیں کسے رہرو منزل ہی نہیں
تربیت عام تو ہے جوہر قابل ہی نہیں
جس سے تعمیر ہو آدم کی یہ وہ گل ہی نہیں
کوئی قابل ہو تو ہم شان کئی دیتے ہیں
ڈھونڈنے والوں کو دنیا بھی نئی دیتے ہیں
ہاتھ بے زور ہیں الحاد سے دل خوگر ہیں
امتی باعث رسوائی پیغمبر ہیں
بت شکن اٹھ گئے باقی جو رہے بت گر ہیں
تھا براہیم پدر اور پسر آزر ہیں
بادہ آشام نئے بادہ نیا خم بھی نئے
حرم کعبہ نیا بت بھی نئے تم بھی نئے
وہ بھی دن تھے کہ یہی مایۂ رعنائی تھا
نازش موسم گل لالۂ صحرائی تھا
جو مسلمان تھا اللہ کا سودائی تھا
کبھی محبوب تمہارا یہی ہرجائی تھا
کسی یکجائی سے اب عہد غلامی کر لو
ملت احمد مرسل کو مقامی کر لو
کس قدر تم پہ گراں صبح کی بیداری ہے
ہم سے کب پیار ہے ہاں نیند تمہیں پیاری ہے
طبع آزاد پہ قید رمضاں بھاری ہے
تمہیں کہہ دو یہی آئین وفاداری ہے
قوم مذہب سے ہے مذہب جو نہیں تم بھی نہیں
جذب باہم جو نہیں محفل انجم بھی نہیں
جن کو آتا نہیں دنیا میں کوئی فن تم ہو
نہیں جس قوم کو پروائے نشیمن تم ہو
بجلیاں جس میں ہوں آسودہ وہ خرمن تم ہو
بیچ کھاتے ہیں جو اسلاف کے مدفن تم ہو
ہو نکو نام جو قبروں کی تجارت کر کے
کیا نہ بیچوگے جو مل جائیں صنم پتھر کے
صفحۂ دہر سے باطل کو مٹایا کس نے
نوع انساں کو غلامی سے چھڑایا کس نے
میرے کعبے کو جبینوں سے بسایا کس نے
میرے قرآن کو سینوں سے لگایا کس نے
تھے تو آبا وہ تمہارے ہی مگر تم کیا ہو
ہاتھ پر ہاتھ دھرے منتظر فردا ہو
کیا کہا بہر مسلماں ہے فقط وعدۂ حور
شکوہ بے جا بھی کرے کوئی تو لازم ہے شعور
عدل ہے فاطر ہستی کا ازل سے دستور
مسلم آئیں ہوا کافر تو ملے حور و قصور
تم میں حوروں کا کوئی چاہنے والا ہی نہیں
جلوۂ طور تو موجود ہے موسیٰ ہی نہیں
منفعت ایک ہے اس قوم کا نقصان بھی ایک
ایک ہی سب کا نبی دین بھی ایمان بھی ایک
حرم پاک بھی اللہ بھی قرآن بھی ایک
کچھ بڑی بات تھی ہوتے جو مسلمان بھی ایک
فرقہ بندی ہے کہیں اور کہیں ذاتیں ہیں
کیا زمانے میں پنپنے کی یہی باتیں ہیں
کون ہے تارک آئین رسول مختار
مصلحت وقت کی ہے کس کے عمل کا معیار
کس کی آنکھوں میں سمایا ہے شعار اغیار
ہو گئی کس کی نگہ طرز سلف سے بے زار
قلب میں سوز نہیں روح میں احساس نہیں
کچھ بھی پیغام محمد کا تمہیں پاس نہیں
جا کے ہوتے ہیں مساجد میں صف آرا تو غریب
زحمت روزہ جو کرتے ہیں گوارا تو غریب
نام لیتا ہے اگر کوئی ہمارا تو غریب
پردہ رکھتا ہے اگر کوئی تمہارا تو غریب
امرا نشۂ دولت میں ہیں غافل ہم سے
زندہ ہے ملت بیضا غربا کے دم سے
واعظ قوم کی وہ پختہ خیالی نہ رہی
برق طبعی نہ رہی شعلہ مقالی نہ رہی
رہ گئی رسم اذاں روح بلالی نہ رہی
فلسفہ رہ گیا تلقین غزالی نہ رہی
مسجدیں مرثیہ خواں ہیں کہ نمازی نہ رہے
یعنی وہ صاحب اوصاف حجازی نہ رہے
شور ہے ہو گئے دنیا سے مسلماں نابود
ہم یہ کہتے ہیں کہ تھے بھی کہیں مسلم موجود
وضع میں تم ہو نصاریٰ تو تمدن میں ہنود
یہ مسلماں ہیں جنہیں دیکھ کے شرمائیں یہود
یوں تو سید بھی ہو مرزا بھی ہو افغان بھی ہو
تم سبھی کچھ ہو بتاؤ تو مسلمان بھی ہو
دم تقریر تھی مسلم کی صداقت بیباک
عدل اس کا تھا قوی لوث مراعات سے پاک
شجر فطرت مسلم تھا حیا سے نمناک
تھا شجاعت میں وہ اک ہستی فوق الادراک
خود گدازی نم کیفیت صہبایش بود
خالی از خویش شدن صورت مینا یش بود
ہر مسلماں رگ باطل کے لیے نشتر تھا
اس کے آئینۂ ہستی میں عمل جوہر تھا
جو بھروسا تھا اسے قوت بازو پر تھا
ہے تمہیں موت کا ڈر اس کو خدا کا ڈر تھا
باپ کا علم نہ بیٹے کو اگر ازبر ہو
پھر پسر قابل میراث پدر کیونکر ہو
ہر کوئی مست مئے ذوق تن آسانی ہے
تم مسلماں ہو یہ انداز مسلمانی ہے
حیدری فقر ہے نے دولت عثمانی ہے
تم کو اسلاف سے کیا نسبت روحانی ہے
وہ زمانے میں معزز تھے مسلماں ہو کر
اور تم خوار ہوئے تارک قرآں ہو کر
تم ہو آپس میں غضب ناک وہ آپس میں رحیم
تم خطا کار و خطا بیں وہ خطا پوش و کریم
چاہتے سب ہیں کہ ہوں اوج ثریا پہ مقیم
پہلے ویسا کوئی پیدا تو کرے قلب سلیم
تخت فغفور بھی ان کا تھا سریر کے بھی
یوں ہی باتیں ہیں کہ تم میں وہ حمیت ہے بھی
خودکشی شیوہ تمہارا وہ غیور و خوددار
تم اخوت سے گریزاں وہ اخوت پہ نثار
تم ہو گفتار سراپا وہ سراپا کردار
تم ترستے ہو کلی کو وہ گلستاں بکنار
اب تلک یاد ہے قوموں کو حکایت ان کی
نقش ہے صفحۂ ہستی پہ صداقت ان کی
مثل انجم افق قوم پہ روشن بھی ہوئے
بت ہندی کی محبت میں برہمن بھی ہوئے
شوق پرواز میں مہجور نشیمن بھی ہوئے
بے عمل تھے ہی جواں دین سے بدظن بھی ہوئے
ان کو تہذیب نے ہر بند سے آزاد کیا
لا کے کعبے سے صنم خانے میں آباد کیا
قیس زحمت کش تنہائی صحرا نہ رہے
شہر کی کھائے ہوا بادیہ پیما نہ رہے
وہ تو دیوانہ ہے بستی میں رہے یا نہ رہے
یہ ضروری ہے حجاب رخ لیلا نہ رہے
گلۂ جور نہ ہو شکوۂ بیداد نہ ہو
عشق آزاد ہے کیوں حسن بھی آزاد نہ ہو
عہد نو برق ہے آتش زن ہر خرمن ہے
ایمن اس سے کوئی صحرا نہ کوئی گلشن ہے
اس نئی آگ کا اقوام کہن ایندھن ہے
ملت ختم رسل شعلہ بہ پیراہن ہے
آج بھی ہو جو براہیم کا ایماں پیدا
آگ کر سکتی ہے انداز گلستاں پیدا
دیکھ کر رنگ چمن ہو نہ پریشاں مالی
کوکب غنچہ سے شاخیں ہیں چمکنے والی
خس و خاشاک سے ہوتا ہے گلستاں خالی
گل بر انداز ہے خون شہدا کی لالی
رنگ گردوں کا ذرا دیکھ تو عنابی ہے
یہ نکلتے ہوئے سورج کی افق تابی ہے
امتیں گلشن ہستی میں ثمر چیدہ بھی ہیں
اور محروم ثمر بھی ہیں خزاں دیدہ بھی ہیں
سیکڑوں نخل ہیں کاہیدہ بھی بالیدہ بھی ہیں
سیکڑوں بطن چمن میں ابھی پوشیدہ بھی ہیں
نخل اسلام نمونہ ہے برومندی کا
پھل ہے یہ سیکڑوں صدیوں کی چمن بندی کا
پاک ہے گرد وطن سے سر داماں تیرا
تو وہ یوسف ہے کہ ہر مصر ہے کنعاں تیرا
قافلہ ہو نہ سکے گا کبھی ویراں تیرا
غیر یک بانگ درا کچھ نہیں ساماں تیرا
نخل شمع استی و در شعلہ دو ریشۂ تو
عاقبت سوز بود سایۂ اندیشۂ تو
تو نہ مٹ جائے گا ایران کے مٹ جانے سے
نشۂ مے کو تعلق نہیں پیمانے سے
ہے عیاں یورش تاتار کے افسانے سے
پاسباں مل گئے کعبے کو صنم خانے سے
کشتئ حق کا زمانے میں سہارا تو ہے
عصر نو رات ہے دھندلا سا ستارا تو ہے
ہے جو ہنگامہ بپا یورش بلغاری کا
غافلوں کے لیے پیغام ہے بیداری کا
تو سمجھتا ہے یہ ساماں ہے دل آزاری کا
امتحاں ہے ترے ایثار کا خودداری کا
کیوں ہراساں ہے صہیل فرس اعدا سے
نور حق بجھ نہ سکے گا نفس اعدا سے
چشم اقوام سے مخفی ہے حقیقت تیری
ہے ابھی محفل ہستی کو ضرورت تیری
زندہ رکھتی ہے زمانے کو حرارت تیری
کوکب قسمت امکاں ہے خلافت تیری
وقت فرصت ہے کہاں کام ابھی باقی ہے
نور توحید کا اتمام ابھی باقی ہے
مثل بو قید ہے غنچے میں پریشاں ہو جا
رخت بر دوش ہوائے چمنستاں ہو جا
ہے تنک مایہ تو ذرے سے بیاباں ہو جا
نغمۂ موج ہے ہنگامۂ طوفاں ہو جا
قوت عشق سے ہر پست کو بالا کر دے
دہر میں اسم محمد سے اجالا کر دے
ہو نہ یہ پھول تو بلبل کا ترنم بھی نہ ہو
چمن دہر میں کلیوں کا تبسم بھی نہ ہو
یہ نہ ساقی ہو تو پھر مے بھی نہ ہو خم بھی نہ ہو
بزم توحید بھی دنیا میں نہ ہو تم بھی نہ ہو
خیمہ افلاک کا استادہ اسی نام سے ہے
نبض ہستی تپش آمادہ اسی نام سے ہے
دشت میں دامن کہسار میں میدان میں ہے
بحر میں موج کی آغوش میں طوفان میں ہے
چین کے شہر مراقش کے بیابان میں ہے
اور پوشیدہ مسلمان کے ایمان میں ہے
چشم اقوام یہ نظارہ ابد تک دیکھے
رفعت شان رفعنا لک ذکرک دیکھے
مردم چشم زمیں یعنی وہ کالی دنیا
وہ تمہارے شہدا پالنے والی دنیا
گرمی مہر کی پروردہ ہلالی دنیا
عشق والے جسے کہتے ہیں بلالی دنیا
تپش اندوز ہے اس نام سے پارے کی طرح
غوطہ زن نور میں ہے آنکھ کے تارے کی طرح
عقل ہے تیری سپر عشق ہے شمشیر تری
مرے درویش خلافت ہے جہانگیر تری
ما سوا اللہ کے لیے آگ ہے تکبیر تری
تو مسلماں ہو تو تقدیر ہے تدبیر تری
کی محمد سے وفا تو نے تو ہم تیرے ہیں
یہ جہاں چیز ہے کیا لوح و قلم تیرے ہیں

علامہ اقبال

نظم

خاموش زمیں کے سینے میں خیموں کی طنابیں گڑنے لگیں
مکھن سی ملائم راہوں پر بوٹوں کی خراشیں پڑنے لگیں
فوجوں کے بھیانک بینڈ تلے چرخوں کی صدائیں ڈوب گئیں

ساحر لدھیانوی

نظم

دیار شرق کی آبادیوں کے اونچے ٹیلوں پر
کبھی آموں کے باغوں میں کبھی کھیتوں کی مینڈوں پر
کبھی جھیلوں کے پانی میں کبھی بستی کی گلیوں میں
کبھی کچھ نیم عریاں کم سنوں کی رنگ رلیوں میں
سحر دم جھٹپٹے کے وقت راتوں کے اندھیرے میں
کبھی میلوں میں ناٹک ٹولیوں میں ان کے ڈیرے میں
تعاقب میں کبھی گم تتلیوں کے سونی راہوں میں
کبھی ننھے پرندوں کی نہفتہ خواب گاہوں میں
برہنہ پاؤں جلتی ریت یخ بستہ ہواؤں میں
گریزاں بستیوں سے مدرسوں سے خانقاہوں میں
کبھی ہم سن حسینوں میں بہت خوش کام و دل رفتہ
کبھی پیچاں بگولہ ساں کبھی جیوں چشم خوں بستہ
ہوا میں تیرتا خوابوں میں بادل کی طرح اڑتا
پرندوں کی طرح شاخوں میں چھپ کر جھولتا مڑتا
مجھے اک لڑکا آوارہ منش آزاد سیلانی
مجھے اک لڑکا جیسے تند چشموں کا رواں پانی
نظر آتا ہے یوں لگتا ہے جیسے یہ بلائے جاں
مرا ہم زاد ہے ہر گام پر ہر موڑ پر جولاں
اسے ہم راہ پاتا ہوں یہ سائے کی طرح میرا
تعاقب کر رہا ہے جیسے میں مفرور ملزم ہوں
یہ مجھ سے پوچھتا ہے اخترالایمان تم ہی ہو

اختر الایمان

نظم

سبز مدھم روشنی میں سرخ آنچل کی دھنک
سرد کمرے میں مچلتی گرم سانسوں کی مہک
بازوؤں کے سخت حلقے میں کوئی نازک بدن
سلوٹیں ملبوس پر آنچل بھی کچھ ڈھلکا ہوا
گرمئ رخسار سے دہکی ہوئی ٹھنڈی ہوا
نرم زلفوں سے ملائم انگلیوں کی چھیڑ چھاڑ
سرخ ہونٹوں پر شرارت کے کسی لمحے کا عکس
ریشمیں بانہوں میں چوڑی کی کبھی مدھم کھنک
شرمگیں لہجوں میں دھیرے سے کبھی چاہت کی بات
دو دلوں کی دھڑکنوں میں گونجتی تھی اک صدا
کانپتے ہونٹوں پہ تھی اللہ سے صرف اک دعا
کاش یہ لمحے ٹھہر جائیں ٹھہر جائیں ذرا!

پروین شاکر

نظم

اپنے سرد کمرے میں
میں اداس بیٹھی ہوں
نیم وا دریچوں سے
نم ہوائیں آتی ہیں
میرے جسم کو چھو کر
آگ سی لگاتی ہیں
تیرا نام لے لے کر
مجھ کو گدگداتی ہیں
کاش میرے پر ہوتے
تیرے پاس اڑ آتی
کاش میں ہوا ہوتی
تجھ کو چھو کے لوٹ آتی
میں نہیں مگر کچھ بھی
سنگ دل رواجوں کے
آہنی حصاروں میں
عمر قید کی ملزم
صرف ایک لڑکی ہوں!

پروین شاکر

نظم

اوج بخت ملاقی ان کا
چرخ ہفت طبقاقی ان کا
محفل ان کی ساقی ان کا
آنکھیں میری باقی ان کا

اکبر الہ آبادی

نظم

ہیں جن کے تن ملائم میدے کی جیسے لوئی
وہ اس ہوا میں خاصی اوڑھے پھرے ہیں لوئی
اور جن کی مفلسی نے شرم و حیا ہے کھوئی
ہے ان کے سر پہ سر کی یا بوریے کی کھوئی
کیا کیا مچی ہیں یارو برسات کی بہاریں

نظیر اکبرآبادی

نظم

وہی نرم لہجہ
جو اتنا ملائم ہے جیسے
دھنک گیت بن کے سماعت کو چھونے لگی ہو
شفق نرم کومل سروں میں کوئی پیار کی بات کہنے چلی ہو
کس قدر رنگ و آہنگ کا کس قدر خوب صورت سفر
وہی نرم لہجہ
کبھی اپنے مخصوص انداز میں مجھ سے باتیں کرے گا
تو ایسا لگے
جیسے ریشم کے جھولے پہ کوئی مدھر گیت ہلکورے لینے لگا ہو
وہی نرم لہجہ
کسی شوخ لمحے میں اس کی ہنسی بن کے بکھرے
تو ایسا لگے
جیسے قوس قزح نے کہیں پاس ہی اپنی پازیب چھنکائی ہے
ہنسی کو وہ رم جھم
کہ جیسے فضا میں بنفشی چمکدار بوندوں کے گھنگھرو چھنکنے لگے ہوں
کہ پھر
اس کی آواز کا لمس پا کے
ہواؤں کے ہاتھوں میں ان دیکھے کنگن کھنکنے لگے ہوں
وہی نرم لہجہ مجھے چھیڑنے پر جب آئے
تو ایسا لگے گا
جیسے ساون کی چنچل ہوا
سبز پتوں کے جھانجھن پہن
سرخ پھولوں کی پائل بجاتی ہوئی
میرے رخسار کو
گاہے گاہے شرارے سے چھونے لگے
میں جو دیکھوں پلٹ کے تو وہ
بھاگ جائے مگر
دور پیڑوں میں چھپ کر ہنسے
اور پھر ننھے بچوں کی مانند خوش ہو کے تالی بجانے لگے
وہی نرم لہجہ
کہ جس نے مرے زخم جاں پہ ہمیشہ شگفتہ گلابوں کی شبنم رکھی ہے
بہاروں کے پہلے پرندے کی مانند ہے
جو سدا آنے والے نئے سکھ کے موسم کا قاصد بنا ہے
اسی نرم لہجے نے پھر مجھ کو آواز دی ہے

پروین شاکر

نظم

فرش جاروب کشی کیا ہے سمجھتا ہی نہیں
کالعدم ہو گیا تسبیح کے دانوں کا نظام
طاق میں شمع کے آنسو ہیں ابھی تک باقی
اب مصلٰی ہے نہ منبر نہ مؤذن نہ امام

اختر الایمان

نظم

مری قاتلا مری لاش سے یہ بیان لینے کو آئی تھی
نہ دے ملزمہ کو سزا پولس مری قاتلا کوئی اور ہے

دلاور فگار

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے